Peipiau egsôst yn creu synau uchel yn y Drenewydd 367/2024

Cyfeirnod Rhyddid Gwybodaeth: 367/2024

Cais:

Cais gwreiddiol 35/2024:

1. Sawl car y gwnaed cofnod amdanynt yn 2023 am rasio drwy’r Drenewydd yn creu synau uchel (nid y tu allan i’r dref ac nid ar y ffordd osgoi)?
2. Sawl car y gwnaed cofnod amdanynt yn y Drenewydd oherwydd diflastod sŵn? Sawl peipen egsôst yn gwneud sŵn uchel sydd wedi’i hatafaelu? 

Cais pellach:

Cadarnhaodd y data a ddarparwyd gennych yn union yr hyn yr oeddwn wedi ei amau, gan ddatgelu, er gwaethaf eu sicrwydd i’r gwrthwyneb, fod heddlu’r Drenewydd yn methu â gwneud unrhyw beth i atal y gyrwyr gwrthgymdeithasol sy’n rhuo drwy’r dref ar bob awr o’r dydd.Tybed yn awr a ydyw heddlu’r Drenewydd wedi gwneud unrhyw beth o gwbl mewn gwirionedd dros yr holl gyfnod yr wyf wedi bod mewn cysylltiad â nhw. 

Felly hoffwn wybod a ydyw’n bosibl cael yr un wybodaeth wedi’i hymestyn dros gyfnod hwy o amser, sef am y tair blynedd diwethaf—o fis Mawrth 2021 hyd heddiw—gan mai dyma’r cyfnod yr wyf wedi bod yn ymdrechu i gael heddlu’r Drenewydd i fynd i’r afael â’r broblem ynghylch diflastod sŵn.  Ai mater syml o adolygu dyddiadau dechrau a gorffen y cais blaenorol am wybodaeth yw hyn, neu a fyddai’n rhaid i mi wneud cais ar wahân? 

Eglurhad:

• Cwestiwn 2 – Hoffwn wybod faint o yrwyr yn y Drenewydd y gwnaed cofnod amdanynt am greu sŵn diangen.
• Yn syml, hoffwn wybod pa gosbau gwirioneddol, materol sydd wedi’u gosod ar yrwyr sy’n achosi diflastod sŵn yn y Drenewydd yn ystod y flwyddyn ddiwethaf, boed hynny ar ffurf dirwyon, atafaelu peipiau egsôst swnllyd, ac ati.
• Nid yw cael ‘cynnig amodol’ yn gosb; felly, ni fyddai hynny o ddiddordeb i mi.
• Os cyflwynwyd dirwy, hoffwn gael yr wybodaeth hon. Felly, os rhoddwyd dirwy o £50 iddynt, hoffwn wybod.
• Yn ogystal, hoffwn wybod sawl unigolyn sydd wedi’i gael yn euog yn y llys.

Ymateb

Gallaf gadarnhau bod Heddlu Dyfed-Powys yn cadw’r wybodaeth y gofynnwyd amdani, fel yr amlinellir isod.

Nifer yr unigolion a stopiwyd gan swyddog yr heddlu am droseddau yn ymwneud â sŵn peipen egsôst lle cofnodwyd y lleoliad fel y Drenewydd:

1 Mawrth 2021 – 28 Chwefror 2022 – 2

1 Mawrth 2022 – 28 Chwefror 2023 – 6

1 Mawrth 2023 – 29 Chwefror 2024 – 4

Deliwyd ag 8 unigolyn trwy gynnig amodol, ac anfonwyd 4 unigolyn i’r llys. Cafwyd 2 yn euog o droseddau yn ymwneud â sŵn peipen egsôst.

Sylwer: mae’r ffigurau hyn yn seiliedig ar y lleoliad yn cael ei gofnodi fel y Drenewydd.  Nid yw’n glir felly a ddigwyddodd y troseddau hyn yng nghanol tref y Drenewydd neu y tu allan iddi.                                               

Dylid nodi, o ganlyniad i’r systemau a fabwysiadwyd gan Heddlu Dyfed-Powys mewn perthynas â chofnodi gwybodaeth o’r fath, y gallai’r wybodaeth a ryddheir fod yn gywir neu beidio.

(Ymateb yw hwn o dan Ddeddf Rhyddid Gwybodaeth 2000 ac fe’i datgelwyd ar 11 Ebrill 2024)