Safonau adrodd tryloywder algorithmig 690/2023

Cyfeirnod Rhyddid Gwybodaeth: 690/2023

Cais:

A allwch chi anfon manylion ataf am unrhyw offeryn deallusrwydd artiffisial yr ydych chi’n ei ddefnyddio a allai ddod o dan safon adrodd tryloywder algorithmig Swyddfa’r Cabinet? I fod yn glir, unrhyw offeryn algorithmig sydd:

NAILL AI
Yn dylanwadu’n sylweddol ar broses gwneud penderfyniadau gydag effaith gyhoeddus uniongyrchol neu anuniongyrchol

NEU
Yn rhyngweithio’n uniongyrchol â’r cyhoedd

Rhestrir diffiniad y safon yma, ynghyd ag enghreifftiau o brosiectau sydd eisoes wedi’u hadrodd: https://www.gov.uk/algorithmic-transparency-records

Mae’r effeithiau cyhoeddus posibl yn cynnwys:

Yr offeryn yn effeithio’n sylweddol ar unigolion, sefydliadau neu grwpiau
Ei fod yn cael effaith gyfreithiol, economaidd neu debyg ar unigolion, sefydliadau neu grwpiau
Ei fod yn effeithio ar hawliau gweithdrefnol neu annibynnol
Ei fod yn effeithio ar gymhwysedd ar gyfer cael neu wadu rhaglen

Ymateb:

Gallaf gadarnhau nad oes unrhyw wybodaeth yn cael ei chadw. Mae hyn oherwydd y ffaith bod yr Uned Rhyddid Gwybodaeth wedi cael gwybod nad yw offer deallusrwydd artiffisial yn cael eu defnyddio’n uniongyrchol gan Heddlu Dyfed-Powys.                                               

(Ymateb yw hwn o dan Ddeddf Rhyddid Gwybodaeth 2000 ac fe’i datgelwyd ar 30 Ebrill 2024)