Troseddau rhywiol yn erbyn plant 152/2024

Cyfeirnod Rhyddid Gwybodaeth: 152/2024

Cais:

Pan fo pob un o’r amodau canlynol yn berthnasol:

1. blwyddyn ariannol 2021-2022
2. roedd y cod trosedd yn cael ei ddefnyddio gan Heddlu Dyfed-Powys yn ystod y cyfnod dan sylw
3. roedd un neu ragor o ddioddefwyr o dan 18 oed ar adeg y digwyddiad

nodwch, fesul cod trosedd, sawl un o’r troseddau canlynol a gofnodwyd gan Heddlu Dyfed-Powys, wedi’u dadansoddi yn ôl cod deilliant trosedd (1 i 22), ac a oedd y dioddefwr o dan 18 oed, yn 18 oed a hŷn, neu lle nad yw oedran y dioddefwr yn hysbys:

1. Cipio (codau trosedd y Swyddfa Gartref: 02500, 02501, 02502, 02503, 02504, 02505)
2. Dyn yn llithio rhywun at bwrpas anfoesol (codau trosedd y Swyddfa Gartref: 02700)
3. Cam-drin plant trwy buteindra a phornograffi (codau trosedd y Swyddfa Gartref: 07100, 07101, 07102, 07103, 07104, 07105, 07106, 07107, 07108, 07109, 07110, 07111, 07112, 07113, 07114, 07115, 07117)
4. Masnachu pobl er mwyn camfanteisio arnynt yn rhywiol (codau trosedd y Swyddfa Gartref: 07200, 07201, 07202, 07203, 07204, 07205, 07206)
5. Cam-drin ymddiriedaeth – troseddau rhyw(codau trosedd y Swyddfa Gartref: 07300, 07301, 07302, 07303, 07304, 07305, 07306, 07307, 07308, 07309, 07310, 07311, 07312, 07313, 07314, 07315, 07316, 07317, 07318)
6. Anwedduster difrifol gyda phlant(codau trosedd y Swyddfa Gartref: 07400, 07401, 07402)
7. Cyhoeddiadau anweddus ac ati a deunydd rhywiol gwarchodedig(codau trosedd y Swyddfa Gartref: 08600, 08601, 08602, 08603, 08604, 08605, 08606, 08607, 08608, 08609, 08610, 08611, 08612, 08613, 08614, 08615, 08616, 08617)
8. Troseddau rhyw amrywiol(codau trosedd y Swyddfa Gartref: 08800, 08801, 08802, 08803, 08804, 08805, 08806, 08807, 08809, 08810, 08811)

Sylwch y gall rhai o’r troseddau hyn gael eu disodli gan godau trosedd mwy newydd ac ni chânt eu defnyddio mwyach. Os felly, rhowch wybod am ganlyniad sero ar gyfer y cod hwnnw. 

Eglurhad 22 Chwefror 2024

“Diolch am ddod yn ôl ataf. Rwyf wedi gofyn yr un cwestiwn i holl heddluoedd y DU, felly ni allaf ychwanegu unrhyw godau trosedd gwahanol. A allwch chi ddefnyddio’r codau hynny am y cyfnod hwnnw?” 

Cais ychwanegol 23 Chwefror 2024

‘Rydw i newydd ddechrau cael rhywfaint o ddata eraill gan heddluoedd eraill, ac maen nhw wedi rhoi data codau trosedd 013/01 a 013/02 i mi. A ydyw’n bosibl ychwanegu’r rheini at fy nghais? Byddai’n fy arbed rhag gwneud cais Rhyddid Gwybodaeth arall yn y dyfodol. Os nad yw’n bosibl, diolch beth bynnag.’ 

Ymateb:

Mae adran 1 o Ddeddf Rhyddid Gwybodaeth 2000 yn gosod dwy ddyletswydd ar awdurdodau cyhoeddus. Oni bai bod esemptiadau yn gymwys, y ddyletswydd gyntaf yn adran 1(1)(a) yw cadarnhau neu wadu a ydyw’r wybodaeth a bennir mewn cais yn cael ei chadw. Yr ail ddyletswydd yn adran 1(1)(b) yw datgelu gwybodaeth y cadarnhawyd ei bod yn cael ei chadw.

Gallaf gadarnhau bod y gost o benderfynu a ydyw unrhyw wybodaeth sy’n ymwneud â chwestiwn 1 y cais hwn yn cael ei chadw ai peidio yn uwch na’r swm y mae’n ofynnol yn gyfreithiol i ni ymateb iddo, felly rydym yn atal yr holl wybodaeth y gofynnwyd amdani gan ein bod yn ystyried bod adran 12(2) ‘Esemptiad lle mae’r gost cydymffurfio yn uwch na’r terfyn priodol’, yn gymwys iddi.

Lle dibynnir ar esemptiadau, mae adran 17 o Ddeddf Rhyddid Gwybodaeth 2000 yn ei gwneud yn ofynnol i Heddlu Dyfed-Powys, wrth wrthod darparu gwybodaeth o’r fath (gan fod yr wybodaeth wedi’i hesemptio), roi i chi, y ceisydd, hysbysiad sydd: (a) yn datgan y ffaith honno, (b) yn pennu’r esemptiad o dan sylw, ac (c) yn datgan (os na fyddai hynny’n amlwg fel arall) pam bod yr esemptiad yn gymwys. Mae’r esemptiad canlynol wedi’i gymhwyso i’r holl wybodaeth yr ydych wedi gofyn amdani:

Adran 12(2) – Esemptiad lle mae’r gost cydymffurfio yn uwch na’r terfyn priodol

Mae adran 12(2) yn datgan: “Nid yw is-adran (1) yn esemptio’r awdurdod cyhoeddus rhag ei rwymedigaeth i gydymffurfio â pharagraff (a) o adran 1(1) oni bai y byddai’r gost amcangyfrifedig o gydymffurfio â’r paragraff hwnnw yn unig yn uwch na’r terfyn priodol.”

Mae’r gost o ddarparu’r wybodaeth y gofynnir amdani mewn perthynas â’ch cais yn uwch na’r swm y mae’n ofynnol yn gyfreithiol i ni ymateb iddo; h.y. mae’r gost o leoli ac adalw’r wybodaeth yn uwch na’r ‘lefel briodol’ fel y nodir yn Rheoliadau Rhyddid Gwybodaeth a Diogelu Data (Terfyn a Ffioedd Addas) 2004. Amcangyfrifir y byddai’n cymryd yn hwy na 18 awr (h.y. lleiafswm o 261 awr) i gydymffurfio â’r rhan hon o’ch cais. Gellir dod o hyd i’r rheoliadau yn https://www.legislation.gov.uk/cy/uksi/2004/3244.

Canfuwyd bod cyfanswm o 1,566 o gofnodion trosedd yn cwmpasu cyfnod eich cais y byddai angen eu hadolygu i weld a oedd mwy nag un dioddefwr, ac yna i weld oedran y dioddefwyr os oedd mwy nag un.  Canfuwyd hefyd y byddai’n cymryd o leiaf 10 munud i adolygu a chael yr wybodaeth ar gyfer un cofnod trosedd mewn perthynas â’ch cais (fel yr amlinellir uchod).  Byddai’r broses a amlinellir yn arwain at yr amcangyfrif amser a geir isod.

1. Un neu ragor o ddioddefwyr o dan 18 oed – 38 x 10 munud = 6.3 awr, a dioddefwr o dan 18 oed, dros 18 oed neu o oedran nad yw’n hysbys – 38 x 10 munud = 6.3 awr.
2. 1 achos, deilliant 16, oedran y dioddefwr yn anhysbys.
3. 1 achos, deilliant 14, dioddefwr – o dan 18 oed.
4. Un neu ragor o ddioddefwyr o dan 18 oed – 39 x 10 munud = 6.5 awr, a dioddefwr o dan 18 oed, dros 18 oed neu o oedran nad yw’n hysbys – 39 x 10 munud = 6.5 awr.
5. 5 achos, deilliant 16 x 2 drosedd, deilliant 15 x 2 drosedd, deilliant 21 x 1 drosedd, 5 trosedd – dioddefwr o dan 18 oed ar adeg y digwyddiad.
6. Un neu ragor o ddioddefwyr o dan 18 oed – 989 x 10 munud = 164.8 awr, a dioddefwr o dan 18 oed, dros 18 oed neu o oedran nad yw’n hysbys – 989 x 10 munud = 164.8 awr.
7. Un neu ragor o ddioddefwyr o dan 18 oed – 357 x 10 munud = 59.5 awr, a dioddefwr o dan 18 oed, dros 18 oed neu o oedran nad yw’n hysbys – 357 x 10 munud = 59.5 awr.
8. Un neu ragor o ddioddefwyr o dan 18 oed – 143 x 10 munud = 23.8 awr, a dioddefwr o dan 18 oed, dros 18 oed neu o oedran nad yw’n hysbys – 143 x 10 munud = 23.8 awr.

1,566 o adroddiadau trosedd x 10 munud

Amcangyfrif amser i gwblhau’r dasg = 261 awr

Yn unol â Deddf Rhyddid Gwybodaeth 2000, mae’r llythyr hwn yn gweithredu fel hysbysiad gwrthod i’r cyfan o’r cais hwn o dan adran 17(5). Rhaid i awdurdod cyhoeddus sydd, mewn perthynas ag unrhyw gais am wybodaeth, yn dibynnu ar hawliad bod adran 12 neu adran 14 yn gymwys, roi hysbysiad i’r ceisydd yn datgan y ffaith honno o fewn yr amser ar gyfer cydymffurfio ag adran 1(1).

Efallai y byddwch am fireinio ac ailgyflwyno’ch cais fel ei fod yn lleihau’r amser a ddangosir uchod er mwyn bod o fewn y 18 awr. Os bydd arnoch angen rhagor o gyngor mewn perthynas â’r mater hwn, mae croeso i chi gysylltu â’r Uned Rhyddid Gwybodaeth. Sylwch hefyd, os caiff y cais ei fireinio, nid yw’n dileu hawl yr awdurdod cyhoeddus i ddyfynnu esemptiadau os ydynt yn gymwys.                                               

Dylid nodi, o ganlyniad i’r systemau a fabwysiadwyd gan Heddlu Dyfed-Powys mewn perthynas â chofnodi gwybodaeth o’r fath, y gallai’r wybodaeth a ryddheir fod yn gywir neu beidio.

Ymhellach, dylid nodi hefyd ei bod yn ofynnol i heddluoedd y Deyrnas Unedig ddarparu ystadegau trosedd i gyrff y llywodraeth yn rheolaidd a phennir y meini prawf cofnodi yn genedlaethol.  Fodd bynnag, nid yw'r systemau a ddefnyddir ar gyfer cofnodi'r ffigurau hyn yn rhai generig, nac ychwaith yw’r gweithdrefnau a ddefnyddir yn lleol i gasglu data troseddau. Dylid nodi, am y rhesymau hyn, na ddylai ymateb yr heddlu hwn i'ch cwestiynau gael ei ddefnyddio at ddibenion cymharu ag unrhyw ymateb arall y gallech ei gael.

(Ymateb yw hwn o dan Ddeddf Rhyddid Gwybodaeth 2000 ac fe’i datgelwyd ar 18 Ebrill 2024)