Cytiau cŵn 582/2024

Cyfeirnod Rhyddid Gwybodaeth: 582/2024

Cais:

Ysgrifennaf atoch o dan Ddeddf Rhyddid Gwybodaeth 2000 i ofyn am wybodaeth ynghylch y defnydd eich heddlu o gytiau cŵn dan gontract preifat ar gyfer cŵn a atafaelwyd o dan Ddeddf Cŵn Peryglus 1991.

Yn benodol, mae gennyf ddiddordeb deall sut mae cytiau cŵn dan gontract yn cael eu dewis, sut y caiff lles cŵn ei fonitro, amlder ymweliadau gan Swyddogion Deddfwriaeth Cŵn yn ogystal â’r darpariaethau ar gyfer cŵn na allant gael ymarfer corff bob dydd o bosibl y tu allan i’w cytiau.

1. Ydych chi’n dilyn canllawiau’r RSPCA ar les cŵn a atafaelwyd mewn cytiau?

Ydym ☐  Nac ydym ☐

Os nad ydych, pa ganllawiau ydych chi'n eu defnyddio wrth ddewis cytiau dan gontract ac wrth fonitro lles cŵn o fewn cytiau cŵn dan gontract?

2. Ble ydych chi'n cadw cŵn a atafaelwyd? (Ychwanegwch faint o gŵn y gellir eu cadw yn y cytiau cŵn yn y golofn berthnasol)

Cytiau cŵn heddlu      Ydyn ☐ Nac ydyn ☐ Sawl lle sydd ar gael:

Cytiau preifat   Ydyn ☐ Nac ydyn ☐ Sawl lle sydd ar gael:

3. Pa ddarpariaethau sydd gennych ar waith ar gyfer cŵn a atafaelwyd os/pan fydd y lleoedd yn llawn?
4. Pa mor aml y gwneir ymweliadau â chŵn a atafaelwyd mewn cytiau cŵn heddlu/preifat? (gwiriwch)

Amlder ymweliadau   

Ymweliadau awdurdod atafaelu        

Dyddiol                        ☐

Wythnosol                   ☐

Bob yn ail wythnos      ☐

Misol                            ☐

Llai aml na misol         ☐

Arall (nodwch)             ☐

 

Ymweliadau milfeddyg           

Dyddiol                        ☐

Wythnosol                   ☐

Bob yn ail wythnos      ☐

Misol                            ☐

Llai aml na misol         ☐

Arall (nodwch)             ☐

Sylwadau

5. A yw eich cytiau preifat yn ardal eich heddlu?

Ydyn ☐ Nac ydyn ☐

Os nad ydynt, beth yw'r pellter i'r cytiau o'r man atafaelu?

6. A ydych chi’n darparu cynlluniau unigol ar gyfer cŵn wedi’u hatafaelu y gall y cytiau cŵn preifat eu dilyn h.y. cynlluniau amgylcheddol, dietegol, cymorth milfeddygol ac ymarfer corff?

Os ydych, a allwch roi enghraifft o hyn?

7. Pa ddarpariaethau sydd yn eu lle ar gyfer cŵn y mae eu hymddygiad yn eu rhwystro rhag cael eu tynnu allan o’u cytiau ar gyfer ymarfer corff dyddiol neu ddod i gysylltiad â phobl?
8. Pa ddarpariaethau sydd ar waith i roi cyfleoedd i gŵn ymddwyn yn naturiol fel ymarfer corff, cnoi/cloddio, cymdeithasu ac i ddiwallu anghenion meddygol cŵn yr ystyrir eu bod yn anniogel i staff fynd i mewn i’r cytiau cŵn?
9. A oes prosesau ar waith i ofyn am gymorth gan arbenigwr clinigol ar ymddygiad anifeiliaid i ddiwallu anghenion lles cŵn unigol?

Oes ☐ Nac oes ☐

10. A ydych yn darparu’r canlynol ar gyfer cŵn a atafaelwyd yng nghytiau’r heddlu a’r cytiau dan gontract?

• Gofynion deietegol unigol h.y. alergeddau Ydyn ☐ Nac ydyn ☐
• Meddyginiaethau a ddarperir gan filfeddyg y perchennog ar gyfer cyflyrau meddygol parhaus Ydyn ☐ Nac ydyn ☐
• Meddyginiaethau ataliol h.y. chwain, trogod, llyngyr, a brechiadau Ydyn ☐ Nac ydyn ☐
• Meddyginiaethau a ddarperir gan milfeddyg y cytiau ar gyfer cyflyrau a ddatblygir tra bod y cŵn yn y cytiau?Ydyn ☐ Nac ydyn ☐
• Teganau cyfoethogi/posau bwyd, sniffian/cnoi Ydyn ☐ Nac ydyn ☐
• Gwely o ddeunydd addas Ydyn ☐ Nac ydyn ☐

 

Ymateb:

Gallaf gadarnhau bod Heddlu Dyfed-Powys yn cadw’r wybodaeth y gofynnwyd amdani, fel yr amlinellir isod.

Ymateb i C1-

Mae pob un o’r cytiau a ddefnyddir wedi'i achredu trwy eu hawdurdod lleol priodol.

Mae pob gweithiwr yn cael ei fetio gan Heddlu Dyfed-Powys.

RHAID i unrhyw ddogfennaeth ynghylch trwyddedu ac yswiriant gael ei darparu gan unrhyw gytiau dan gontract.

Ymateb i C2

Defnyddir cytiau preifat.  Nid yw nifer eu lleoedd yn hysbys oherwydd eu bod yn gytiau preifat.

Ymateb i C3

Mae trefniadau digonol ar waith gyda’n cytiau dan gontract i sicrhau nad yw capasiti yn cyrraedd ei derfyn.

Ymateb i C4

Caiff pob ci ei wirio gan Swyddogion Deddfwriaeth Cŵn ar bob ymweliad â chytiau dan gontract. Fel isafswm, cynhelir gwiriadau misol.

Cynhelir ymweliadau milfeddygol yn ôl yr angen. Bydd cŵn heb unrhyw brawf o frechu yn cael ymweliad cychwynnol i sicrhau bod y brechiadau’n gyfredol. Byddai unrhyw ymweliadau dilynol gan filfeddyg yn cael eu gwneud ar gais staff y cytiau/Swyddogion Deddfwriaeth Cŵn

Ymateb i C5

Ydyn. Defnyddir cytiau preifat o fewn ardal Heddlu Dyfed-Powys.

Ymateb i C6

Ydyn – ar gais y perchennog.

Byddai bwyd ci arbenigol yn cael ei gasglu oddi wrth y perchennog a'i gludo i'r cytiau cŵn gan swyddogion trin cŵn lleol.

Ymateb i C7

Mae gan bob un o’r cytiau a ddefnyddir le pwrpasol i’r cŵn gael ymarfer corff yn unigol.

Ymateb i C8

Mae hyn yn ôl disgresiwn staff y cytiau.

Gellir prynu unrhyw eitemau y mae rheolwyr y cytiau yn dymuno eu prynu i’r cŵn allu perfformio ymddygiad naturiol a chodir tâl ar Heddlu Dyfed-Powys.

Ymateb i C9

Gall Swyddogion Deddfwriaeth Cŵn ofyn am unrhyw asesiad ynghylch ymddygiad neu anghenion lles.

Ymateb i C10

Gall perchennog y ci ddarparu bwyd arbenigol iddo.

Gall y perchennog ddarparu meddyginiaethau gan eu milfeddyg eu hunain.

Rhoddir triniaeth chwain, trogod a llyngyr a brechiadau yn y cytiau.

Gall milfeddyg y cytiau ddarparu meddyginiaethau ar gyfer cyflyrau a ddatblygir tra yn y cytiau.

Teganau ac ati - Mae hyn yn ôl disgresiwn staff y cytiau.

Gellir prynu unrhyw eitemau y mae rheolwyr y cytiau yn dymuno eu prynu i’r cŵn allu perfformio ymddygiad naturiol a chodir tâl ar Heddlu Dyfed-Powys.

Mae dillad gwely yn dibynnu ar ymddygiad y ci.

         

(Ymateb yw hwn o dan Ddeddf Rhyddid Gwybodaeth 2000 ac fe’i datgelwyd ar 31 Gorffennaf 2024)