Damweiniau gyrrwyr sy'n dysgu 602/2024
Cyfeirnod Rhyddid Gwybodaeth: 602/2024
Cais
- Faint o ddamweiniau’n ymwneud ag unigolion sy’n dysgu gyrru a fu yn y blynyddoedd diwethaf rhwng 5 Ebrill 2021 a 5 Ebrill 2024
1a) O’r digwyddiadau hynny, a oedd y gwrthdrawiad â cherbyd arall neu â cherddwr
1b) Beth oedd rhywedd yr unigolyn sy'n dysgu gyrru
1c) Beth oedd oedran yr unigolyn sy'n dysgu gyrru
1d) Yr amser o'r dydd y digwyddodd y ddamwain
1e) Lleoliad canolfannau prawf lle digwyddodd damweiniau yn ystod prawf gyrru
Gofyn am Eglurhad
- A ydych yn cyfeirio at ddifrod, anaf neu'r ddau ddigwyddiad?
- A ydych yn cyfeirio at ddamweiniau a ddigwyddodd ar brofion gyrru yn unig?
Cafwyd eglurhad
- Rwy'n cyfeirio at unrhyw ddigwyddiad ffordd sy'n ymwneud ag unigolyn sy'n dysgu gyrru y rhoddir gwybod i'ch gorsaf amdano.
- Nid wyf yn cyfeirio at yrwyr ar brofion gyrru yn unig, dim ond i ategu ymholiadau eraill oedd hyn.
Ymateb
Mae adran 1 o Ddeddf Rhyddid Gwybodaeth 2000 yn gosod dwy ddyletswydd ar awdurdodau cyhoeddus. Oni bai bod esemptiadau’n gymwys, y ddyletswydd gyntaf yn adran 1(1)(a) yw cadarnhau neu wadu a ydyw’r wybodaeth a bennir mewn cais yn cael ei chadw. Yr ail ddyletswydd yn adran 1(1)(b) yw datgelu gwybodaeth y cadarnhawyd ei bod yn cael ei chadw.
Gallaf gadarnhau bod y gost o benderfynu a ydyw unrhyw wybodaeth sy’n ymwneud â’r cais hwn yn cael ei chadw ai peidio yn uwch na’r swm y mae’n ofynnol yn gyfreithiol i ni ymateb iddo, felly rydym yn atal yr holl wybodaeth y gofynnwyd amdani gan ein bod yn ystyried bod adran 12(2) ‘Esemptiad lle mae’r gost cydymffurfio yn uwch na’r terfyn priodol’, yn gymwys iddi.
Lle dibynnir ar esemptiadau, mae adran 17 o Ddeddf Rhyddid Gwybodaeth 2000 yn ei gwneud yn ofynnol i Heddlu Dyfed-Powys, wrth wrthod darparu gwybodaeth o’r fath (gan fod yr wybodaeth wedi’i hesemptio), roi i chi, y ceisydd, hysbysiad sydd: (a) yn datgan y ffaith honno, (b) yn pennu’r esemptiad o dan sylw, ac (c) yn datgan (os na fyddai hynny’n amlwg fel arall) pam bod yr esemptiad yn gymwys. Mae’r esemptiad canlynol wedi’i gymhwyso i’r holl wybodaeth yr ydych wedi gofyn amdani:
Adran 12(2) – Esemptiad lle mae’r gost cydymffurfio yn uwch na’r terfyn priodol
Mae adran 12(2) yn datgan: “Nid yw is-adran (1) yn esemptio’r awdurdod cyhoeddus rhag ei rwymedigaeth i gydymffurfio â pharagraff (a) o adran 1(1) oni bai y byddai’r gost amcangyfrifedig o gydymffurfio â’r paragraff hwnnw yn unig yn uwch na’r terfyn priodol.”
Mae’r gost o benderfynu pa wybodaeth sy’n cael ei chadw, os o gwbl, sy’n berthnasol i’ch cais yn uwch na’r swm y mae’n ofynnol yn gyfreithiol i ni ymateb iddo; h.y. mae’r gost o leoli ac adalw’r wybodaeth yn uwch na’r ‘lefel briodol’ fel y nodir yn Rheoliadau Rhyddid Gwybodaeth a Diogelu Data (Terfyn a Ffioedd Addas) 2004. Amcangyfrifir y byddai’n cymryd yn hwy na 18 awr (h.y. lleiafswm o 595 awr) i gydymffurfio â’ch cais. Gellir gweld y rheoliadau yn
https://www.legislation.gov.uk/cy/uksi/2004/3244
Mae’r Adran Rhyddid Gwybodaeth wedi cael ei hysbysu nad yw’r wybodaeth mewn perthynas â’r cais cyfan yn cael ei chadw mewn fformat hawdd ei adalw. Mae hyn oherwydd y ffaith y byddai'n rhaid i ni dynnu'r wybodaeth honno â llaw o'n systemau. Cyn 2022, dim ond o ran torri'r Safon Ymddygiad Proffesiynol y cafodd honiadau o Ymddygiad Proffesiynol eu categoreiddio.
Rhagwelir y byddai'n cymryd pum munud i wirio pob ffeil gwrthdrawiad traffig ffyrdd, i benderfynu a oedd y person dan sylw yn unigolyn sy'n dysgu gyrru.
Mae'r ffigurau isod yn dangos nifer yr achosion a gofnodwyd ar gyfer y blynyddoedd penodedig, yn ogystal â'r amcangyfrif amser perthnasol.
5 Ebrill 2021 i 31 Rhagfyr 2021 = 1871 o achosion x 5 munud = 155.9 awr
1 Ionawr 2022 i 31 Rhagfyr 2023 = 2550 o achosion x 5 munud = 212.5 awr
1 Ionawr 2023 i 31 Ionawr 2023 = 2232 o achosion x 5 munud = 186 awr
1 Ebrill 2024 i 5 Ebrill 2024 = 40.9 awr
Cyfanswm = 595.3 awr
Amser a amcangyfrifir ar gyfer cais cyfan = 595 awr
Yn unol â Deddf Rhyddid Gwybodaeth 2000, mae’r llythyr hwn yn gweithredu fel hysbysiad gwrthod i’r CYFAN o’r cais hwn o dan Adran 17(5). Rhaid i awdurdod cyhoeddus sydd, mewn perthynas ag unrhyw gais am wybodaeth, yn dibynnu ar hawliad y mae adran 12 neu adran 14 yn gymwys iddo, roi hysbysiad i’r ceisydd yn datgan y ffaith honno o fewn yr amser ar gyfer cydymffurfio ag adran 1(1). Efallai y byddwch am fireinio ac ailgyflwyno’ch cais fel ei fod yn lleihau’r amser a ddangosir uchod er mwyn bod o fewn y 18 awr. Os bydd arnoch angen rhagor o gyngor mewn perthynas â’r mater hwn, mae croeso i chi gysylltu â mi.
Sylwer hefyd, os caiff y cais ei fireinio, nid yw’n dileu hawl yr heddlu i ddyfynnu esemptiadau os ydynt yn berthnasol.
(Ymateb yw hwn o dan Ddeddf Rhyddid Gwybodaeth 2000 ac fe’i datgelwyd ar 1 Gorffennaf 2024)