Lladradau ceir o feysydd parcio 689/2024

Cyfeirnod Rhyddid Gwybodaeth: 689/2024

Cais:

1. Cyfanswm y lladradau ceir a adroddwyd ym mhob maes parcio (cyhoeddus a phreifat) yn ardal eich heddlu am y pum mlynedd galendr diwethaf (2019, 2020, 2021, 2022, a 2023).
2. Cyfanswm y lladradau ceir yr adroddwyd amdanynt mewn meysydd parcio maes awyr yn ardal eich heddlu ar gyfer y pum mlynedd galendr diwethaf (2019, 2020, 2021, 2022, a 2023), os yn gymwys. Mae hyn yn cynnwys unrhyw feysydd parcio preifat a chyhoeddus a ddefnyddir yn bennaf ar gyfer parcio arhosiad hir ac arhosiad byr mewn maes awyr.
3. Cyfanswm y lladradau ceir a adroddwyd mewn meysydd parcio gorsafoedd trenau yn ardal eich heddlu am y pum mlynedd galendr diwethaf (2019, 2020, 2021, 2022, a 2023), os yn gymwys. Mae hyn yn cynnwys unrhyw feysydd parcio preifat a chyhoeddus a ddefnyddir yn bennaf ar gyfer parcio wrth ymyl gorsafoedd trenau.
4. Os yn bosibl, dadansoddiad o wneuthuriad a model yr holl ladradau ceir ar gyfer y tri chais uchod ar gyfer y pum mlynedd galendr diwethaf (2019, 2020, 2021, 2022, a 2023).

Wrth gyfeirio at ladradau ceir, rwy’n golygu troseddau o gymryd cerbyd modur heb ganiatâd o dan adran 12 o Ddeddf Dwyn 1968.

Ymateb:

Mae adran 1 o Ddeddf Rhyddid Gwybodaeth 2000 yn gosod dwy ddyletswydd ar awdurdodau cyhoeddus. Oni bai bod esemptiadau’n gymwys, y ddyletswydd gyntaf yn adran 1(1)(a) yw cadarnhau neu wadu a ydyw’r wybodaeth a bennir mewn cais yn cael ei chadw. Yr ail ddyletswydd yn adran 1(1)(b) yw datgelu gwybodaeth y cadarnhawyd ei bod yn cael ei chadw.

Gallaf gadarnhau bod y gost o benderfynu a ydyw unrhyw wybodaeth sy’n ymwneud â chwestiwn 4 y cais hwn yn cael ei chadw ai peidio yn uwch na’r swm y mae’n ofynnol yn gyfreithiol i ni ymateb iddo, felly rydym yn atal yr holl wybodaeth y gofynnwyd amdani gan ein bod yn ystyried bod adran 12(2) ‘Esemptiad lle mae’r gost cydymffurfio yn uwch na’r terfyn priodol’, yn gymwys iddi.

Lle dibynnir ar esemptiadau, mae adran 17 o Ddeddf Rhyddid Gwybodaeth 2000 yn ei gwneud yn ofynnol i Heddlu Dyfed-Powys, wrth wrthod darparu gwybodaeth o’r fath (gan fod yr wybodaeth wedi’i hesemptio), roi i chi, y ceisydd, hysbysiad sydd: (a) yn datgan y ffaith honno, (b) yn pennu’r esemptiad o dan sylw, ac (c) yn datgan (os na fyddai hynny’n amlwg fel arall) pam bod yr esemptiad yn gymwys. Mae’r esemptiad canlynol wedi’i gymhwyso i’r holl wybodaeth yr ydych wedi gofyn amdani:

Adran 12(2) – Esemptiad lle mae’r gost cydymffurfio yn uwch na’r terfyn priodol

Mae adran 12(2) yn datgan: “Nid yw isadran (1) yn esemptio’r awdurdod cyhoeddus rhag ei rwymedigaeth i gydymffurfio â pharagraff (a) o adran 1(1) oni bai y byddai’r gost amcangyfrifedig o gydymffurfio â’r paragraff hwnnw yn unig yn uwch na’r terfyn priodol.”

Mae’r gost o benderfynu pa wybodaeth a gedwir, os o gwbl, sy’n berthnasol i gwestiwn 4 eich cais yn uwch na’r swm y mae’n ofynnol yn gyfreithiol i ni ymateb iddo h.y. mae’r gost o leoli ac adalw’r wybodaeth yn fwy na’r “lefel briodol” fel y nodir yn y Rheoliadau Rhyddid Gwybodaeth (Ffioedd a Therfyn Priodol) 2004.Amcangyfrifir y byddai’n cymryd yn hwy na 18 awr (h.y. lleiafswm o 90 awr) i gydymffurfio â’ch cais. Gellir dod o hyd i’r rheoliadau yn https://www.legislation.gov.uk/cy/uksi/2004/3244.

Mae’r Adran Rhyddid Gwybodaeth wedi cael ei hysbysu nad yw’r wybodaeth mewn perthynas â’ch cais yn cael ei chadw mewn fformat hawdd ei adalw. Yng ngoleuni hyn ac er mwyn cael yr wybodaeth sy’n berthnasol i’ch cais o fewn yr amserlen a nodwyd yn gywir, byddai angen i Heddlu Dyfed-Powys gyrchu ac adolygu’r holl adroddiadau am ladradau ceir, a byddai’n rhaid adolygu pob cofnod â llaw i ganfod a oedd y gwneuthuriad a’r model wedi’u cofnodi.

Canfuwyd bod cyfanswm o 1104 o adroddiadau am ladradau ceir sy’n cwmpasu cyfnod eich cais. Canfuwyd hefyd y byddai’n cymryd o leiaf pum munud i adolygu a chael yr wybodaeth ar gyfer un cofnod trosedd mewn perthynas â’ch cais (fel yr amlinellir uchod). Byddai’r broses a amlinellir yn arwain at yr amcangyfrif amser a geir isod.

2019 = 268 adroddiad x 5 munud = 22 awr

2020 = 208 adroddiad x 5 munud = 17 awr 33 munud

2021 = 208 adroddiad x 5 munud = 17 awr 33 munud

2022 = 217 adroddiad x 5 munud = 18 awr

2023 = 203 adroddiad x 5 munud = 16 awr

Amcangyfrif amser i gwblhau’r dasg = mwy na 91 awr

Yn unol â Deddf Rhyddid Gwybodaeth 2000, mae’r llythyr hwn yn gweithredu fel hysbysiad gwrthod i’r cyfan o’r cais hwn o dan adran 17(5). Rhaid i awdurdod cyhoeddus sydd, mewn perthynas ag unrhyw gais am wybodaeth, yn dibynnu ar hawliad bod adran 12 neu adran 14 yn gymwys, roi hysbysiad i’r ceisydd yn datgan y ffaith honno o fewn yr amser ar gyfer cydymffurfio ag adran 1(1).

Efallai y byddwch am fireinio ac ailgyflwyno’ch cais fel ei fod yn lleihau’r amser a ddangosir uchod er mwyn bod o fewn y 18 awr. Os bydd arnoch angen rhagor o gyngor mewn perthynas â’r mater hwn, mae croeso i chi gysylltu â’r Uned Rhyddid Gwybodaeth. Sylwch hefyd, os caiff y cais ei fireinio, nid yw’n dileu hawl yr awdurdod cyhoeddus i ddyfynnu esemptiadau os ydynt yn gymwys.

Er bod costau ychwanegol yn dileu rhwymedigaethau’r heddlu o dan y Ddeddf Rhyddid Gwybodaeth i ddarparu unrhyw wybodaeth bellach, fel arwydd o ewyllys da, rwyf wedi darparu gwybodaeth, mewn perthynas â chwestiynau 1, 2 a 3 o’ch cais, y mae’n hawdd ei hadalw a’i hamlinellu isod. Hyderaf fod hyn yn ddefnyddiol, ond nid yw’n effeithio ar ein hawl gyfreithiol i ddibynnu ar y rheoliadau ffioedd am weddill eich cais.

Ymateb C1:

Ymateb C2:

Pob blwyddyn = 0

Ymateb C3:

Pob blwyddyn = 0                                               

Dylid nodi, o ganlyniad i’ r systemau a fabwysiadwyd gan Heddlu Dyfed-Powys mewn perthynas â chofnodi gwybodaeth o’r fath, y gallai’r wybodaeth a ryddhawyd fod yn gywir neu beidio.

Ymhellach, dylid nodi hefyd ei bod yn ofynnol i heddluoedd yn y Deyrnas Unedig ddarparu ystadegau troseddau i gyrff y llywodraeth yn rheolaidd, a gosodir y meini prawf cofnodi yn genedlaethol. Fodd bynnag, nid yw’r systemau a ddefnyddir ar gyfer cofnodi’r ffigurau hyn yn rhai generig, nac ychwaith y gweithdrefnau a ddefnyddir yn lleol i gasglu’r data. Dylid nodi, am y rhesymau hyn, na ddylid defnyddio ymateb yr heddlu hwn i’ch cwestiynau at ddibenion cymharu ag unrhyw ymateb arall a gewch.

(Ymateb yw hwn o dan Ddeddf Rhyddid Gwybodaeth 2000 ac fe’i datgelwyd ar 22 Gorffennaf 2024)