Siop-ladrad 571/2024

Cyfeirnod Rhyddid Gwybodaeth: 571/2024

Cais:

1. Nifer y troseddau siop-ladrad a gofnodwyd gan yr heddlu rhwng 1 Ionawr 2023 a 31 Rhagfyr 2023
2. Gwerth y stoc neu’r arian yr adroddwyd ei fod wedi’i ddwyn ym mhob trosedd siop-ladrad a adroddwyd rhwng 1 Ionawr 2023 a 31 Rhagfyr 2023
3. Cymdogaeth neu god post pob busnes lle cofnodwyd trosedd siop-ladrad gan yr heddlu rhwng 1 Ionawr 2023 a 31 Rhagfyr 2023
4. Y mis y digwyddodd pob trosedd siop-ladrad a gofnodwyd gan yr heddlu rhwng 1 Ionawr 2023 a 31 Rhagfyr 2023

Ymateb:

Mae adran 1 o Ddeddf Rhyddid Gwybodaeth 2000 yn gosod dwy ddyletswydd ar awdurdodau cyhoeddus. Oni bai bod esemptiadau yn gymwys, y ddyletswydd gyntaf yn adran 1(1) (a) yw cadarnhau neu wadu a ydyw’r wybodaeth a bennir mewn cais yn cael ei chadw. Yr ail ddyletswydd yn adran 1(1)(b) yw datgelu gwybodaeth y cadarnhawyd ei bod yn cael ei chadw.

Lle dibynnir ar esemptiadau, mae adran 17 o Ddeddf Rhyddid Gwybodaeth 2000 yn ei gwneud yn ofynnol i Heddlu Dyfed-Powys, wrth wrthod darparu gwybodaeth o’r fath (gan fod yr wybodaeth yn esempt), roi hysbysiad i chi, y ceisydd, sydd:

(a) yn datgan y ffaith honno,

(b) yn pennu’r esemptiad o dan sylw, ac

(c) yn datgan (os na fyddai hynny’n amlwg fel arall) pam fod yr esemptiad yn gymwys.

Gallaf gadarnhau bod Heddlu Dyfed-Powys yn cadw’r wybodaeth yr ydych wedi gofyn amdani. Fodd bynnag, rydym yn atal rhywfaint o'r wybodaeth y gofynnwyd amdani gan ein bod o'r farn bod esemptiad adran 12(1), esemptiad lle mae’r gost cydymffurfio yn uwch na'r terfyn priodol yn gymwys iddo.

Adran 12(1) – Esemptiad lle mae’r gost cydymffurfio yn uwch na’r terfyn priodol

Mae adran 12(1) yn datgan: “Nid yw adran 1(1) yn ei gwneud yn ofynnol i awdurdod cyhoeddus gydymffurfio â chais am wybodaeth os ydyw’r awdurdod yn amcangyfrif y byddai’r gost o gydymffurfio â’r cais yn uwch na’r terfyn priodol.”

Mae’r gost o ddarparu’r wybodaeth y gofynnir amdani mewn perthynas â’ch cais yn uwch na’r swm y mae’n ofynnol yn gyfreithiol i ni ymateb iddo, h.y. mae’r gost o leoli ac adalw’r wybodaeth yn uwch na’r “lefel briodol” fel y nodir yn Rheoliadau Rhyddid Gwybodaeth a Diogelu Data (Terfyn a Ffioedd Addas) 2004. Amcangyfrifir y byddai’n cymryd yn hwy na 18 awr (h.y. lleiafswm o 164 awr) i gydymffurfio â’r rhan hon o’ch cais. Gellir dod o hyd i’r rheoliadau yn https://www.legislation.gov.uk/cy/uksi/2004/3244

Mae’r Uned Rhyddid Gwybodaeth wedi cael ei hysbysu nad yw’r wybodaeth y gofynnwyd amdani mewn perthynas â chwestiwn 2 yn cael ei chadw mewn fformat hawdd ei hadalw ac y byddai’n mynd y tu hwnt i’r terfyn amser priodol, h.y. 18 awr, i’w hadalw. Mae hyn oherwydd y ffaith na allwn hidlo yn ôl y manylion hyn felly byddai’n rhaid archwilio pob un â llaw. Mae 1969 o gofnodion i'w hadolygu ac amcangyfrifir y byddai'n cymryd pum munud i adolygu pob cofnod, sef cyfanswm o 164 awr o waith.

Manylir ar yr amcangyfrif amser perthnasol isod:

1 Ionawr 2023 - 31 Rhagfyr 2023 = 169 cofnod x 5 munud y cofnod = 164 awr

Felly, amcangyfrif o gyfanswm yr amser i gwblhau’r cais cyfan = 164 awr

Cwestiynau 1, 3 a 4

Mae’r adran berthnasol wedi dweud y gellir adalw’r wybodaeth o fewn y terfyn amser priodol, h.y. 18 awr.

Yn unol â Deddf Rhyddid Gwybodaeth 2000, mae’r llythyr hwn yn gweithredu fel hysbysiad gwrthod i’r cyfan o’r cais hwn o dan adran 17(5). Rhaid i awdurdod cyhoeddus sydd, mewn perthynas ag unrhyw gais am wybodaeth, yn dibynnu ar hawliad y mae adran 12 neu adran 14 yn gymwys iddo, roi hysbysiad i’r ceisydd yn datgan y ffaith honno o fewn yr amser ar gyfer cydymffurfio ag adran 1(1). Efallai y byddwch am fireinio ac ailgyflwyno’ch cais fel ei fod yn lleihau’r amser a ddangosir uchod er mwyn bod o fewn y 18 awr. Os bydd angen rhagor o gyngor arnoch mewn perthynas â’r mater hwn, mae croeso i chi gysylltu â mi.

Sylwer hefyd, os caiff y cais ei fireinio, nid yw’n dileu hawl yr heddlu i ddyfynnu esemptiadau os ydynt yn berthnasol.

Er bod costau ychwanegol wedi dileu rhwymedigaethau’r heddlu o dan y Ddeddf Rhyddid Gwybodaeth, fel arwydd o ewyllys da rwyf wedi darparu gwybodaeth sy’n berthnasol i’ch cais a adalwyd neu a oedd ar gael cyn y sylweddolwyd y byddai’r terfyn ffioedd yn cael ei dorri. Hyderaf fod hyn yn ddefnyddiol, ond nid yw'n effeithio ar ein hawl gyfreithiol i ddibynnu ar y rheoliadau ffioedd am weddill eich cais.

Cwestiwn 1:

1,969

Cwestiwn 3:

Cwestiwn 4:

Dylid nodi, o ganlyniad i’r systemau a fabwysiadwyd gan Heddlu Dyfed-Powys mewn perthynas â chofnodi gwybodaeth o’r fath, y gallai’r wybodaeth a ryddheir fod yn gywir neu beidio.

(Ymateb yw hwn o dan Ddeddf Rhyddid Gwybodaeth 2000 ac fe’i datgelwyd ar 26 Gorffennaf 2024)