Strategaeth cyfryngau 715/2024

Cyfeirnod Rhyddid Gwybodaeth: 715/2024

Cais:

A fyddech cystal â darparu copi o unrhyw bolisi, canllawiau, arweiniad, protocolau, strategaeth a/neu weithdrefnau sydd gennych mewn perthynas â’r canlynol:

1. datganiadau i'r wasg/cyfryngau a/neu ymgysylltiadau â'r cyfryngau
2. defnyddio’r rhagenwau a ffefrir, rhywedd y mae’r unigolyn yn uniaethu ag ef neu ryw biolegol y sawl a ddrwgdybir, troseddwyr, unigolion coll a/neu ddioddefwyr mewn datganiadau i’r wasg/cyfryngau a/neu ymgysylltiadau â’r cyfryngau

I egluro, lle rwy'n dweud rhywedd y mae unigolyn yn uniaethu ag ef, rwy'n golygu pan fydd gan unigolyn hunaniaeth draws neu anneuaidd. Lle rwy'n dweud rhyw biolegol rwy'n golygu rhyw yr unigolyn fel y'i cofnodwyd adeg ei enedigaeth. Lle rwy’n dweud datganiadau i'r wasg/cyfryngau, rwy’n golygu pan fydd yr heddlu’n rhyddhau neu’n darparu gwybodaeth yn uniongyrchol i’r cyfryngau neu drwy eu sianeli cyfryngau cymdeithasol eu hunain fel facebook neu X, er enghraifft, mewn perthynas â throseddau, unigolion a ddrwgdybir, troseddwyr, dioddefwyr, unigolion coll ac ati. Lle rwy'n dweud cyfryngau, rwy'n golygu safleoedd cyfryngau, newyddiadurwyr, papurau newydd neu safleoedd newyddion.

Ymateb 1:

Gallaf gadarnhau bod Heddlu Dyfed-Powys yn cadw’r wybodaeth y gofynnwyd amdani, fel yr amlinellir isod.

Cysylltiadau â'r cyfryngau | Coleg Plismona

Strategaeth Cyfathrebu ac Ymgysylltu 2024-2028 (pdf ynghlwm)

Ymateb 2:

Gallaf gadarnhau bod Heddlu Dyfed-Powys yn cadw’r wybodaeth y gofynnwyd amdani, fel yr amlinellir isod.

Dim, er ein bod yn ystyried rhagenwau fesul achos, gan ofalu ein bod yn defnyddio’r rhagenwau a ffefrir gan yr unigolyn dan sylw.                                               

(Ymateb yw hwn o dan Ddeddf Rhyddid Gwybodaeth 2000 ac fe’i datgelwyd ar 31 Gorffennaf 2024)