Trwyddedau arfau tanio 727/2024

Cyfeirnod Rhyddid Gwybodaeth: 727/2024

Cais:

1. Faint o drwyddedau arfau tanio / drylliau a roddwyd gan Heddlu Dyfed–Powys yn 2022?
2. Faint o drwyddedau arfau tanio / drylliau a roddwyd gan Heddlu Dyfed–Powys yn 2023?
3. Faint o drwyddedau arfau tanio / drylliau a roddwyd gan Heddlu Dyfed–Powys rhwng 1 Ionawr 2024 a 30 Mehefin 2024?
4. Ym mhob un o'r blynyddoedd, faint o drwyddedau arfau tanio / drylliau a ddirymwyd ar sail feddygol?
5. Faint o feddygon teulu y mae Heddlu Dyfed–Powys yn cysylltu â nhw mewn perthynas â cheisiadau am drwyddedau arfau tanio / drylliau?
6. O’r rhif uchod a restrir yn ateb 5 – faint o feddygon teulu nad ydynt wedi ymrwymo i brotocol hysbysu cyflwr meddygol gwirfoddol meddygon teulu, fel y disgrifir ym mharagraff 2.25 o’r canllawiau statudol i brif swyddogion yr heddlu ar drwyddedu arfau tanio, neu y gellid eu hystyried yn wrthwynebwyr cydwybodol mewn perthynas â chwblhau’r profforma meddygol neu ychwanegu’r arwydd sy’n dynodi arfau tanio at gofnodion meddygol?

Ymateb:

Gallaf gadarnhau bod Heddlu Dyfed–Powys yn cadw rhywfaint o’r wybodaeth y gofynnwyd amdani, fel yr amlinellir isod.

Ymateb i gwestiwn 1:

3,908

Ymateb i gwestiwn 2:

3,246

Ymateb i gwestiwn 3:

1,639

Ymateb i gwestiwn 4:

8

Ymateb i gwestiwn 5:

Mae 90 o feddygfeydd o fewn yr ardal a gwmpesir gan Heddlu Dyfed–Powys, ond rydym yn cysylltu â meddygfeydd y tu allan i ardal yr heddlu ynghyd â sefydliadau sy'n darparu gwasanaethau i gwblhau profformâu meddygon teulu.

Ymateb i gwestiwn 6:

Gallaf gadarnhau nad oes unrhyw wybodaeth yn cael ei chadw gan Heddlu Dyfed–Powys oherwydd nad yw’r wybodaeth hon yn cael ei chofnodi gan Heddlu Dyfed–Powys.

Sylwer: Ni fydd Heddlu Dyfed–Powys yn dyroddi unrhyw dystysgrifau heb brofforma meddyg teulu dilys.                                               

Dylid nodi, o ganlyniad i’r systemau a fabwysiadwyd gan Heddlu Dyfed–Powys mewn perthynas â chofnodi gwybodaeth o’r fath, y gallai’r wybodaeth a ryddheir fod yn gywir neu beidio.

(Ymateb yw hwn o dan Ddeddf Rhyddid Gwybodaeth 2000 ac fe’i datgelwyd ar 29 Gorffennaf 2024)