Twyll tystysgrif nawdd 634/2024

Cyfeirnod Rhyddid Gwybodaeth: 634/2024

Cais:

1. A yw eich heddlu wedi derbyn unrhyw adroddiadau o dwyll/dwyn yn ymwneud â thystysgrifau
   nawdd ers dechrau’r flwyddyn hon? Os felly, faint?
2. Os felly, a ydynt wedi cael eu cyfeirio ymlaen i
   Action Fraud?
3. Faint o’r achosion hyn sydd wedi cael eu
   cyfeirio’n ôl atoch gan Action Fraud ers dechrau’r flwyddyn ar gyfer
   ymchwiliad pellach? Faint ydych chi wedi penderfynu derbyn y gwaith o ymchwilio
   ymhellach iddynt?
4. Mewn achosion pan benderfynodd eich heddlu
   i beidio ag ymchwilio ymhellach, beth oedd y rhesymeg y tu ôl i hyn?
5. A yw eich heddlu wrthi’n ymchwilio
   i unrhyw achosion o dwyll/lladrad yn ymwneud â thystysgrifau nawdd? Os felly, faint?
6. Ar ba gam mae’r ymchwiliadau hynny?
7. A yw eich heddlu wedi dod i gasgliad ynghylch unrhyw
   ymchwiliadau mewn achosion o dwyll/lladrad yn ymwneud â thystysgrifau nawdd?
   Os felly, faint, ac a wnaethant arwain at unrhyw arestiadau neu gyhuddiadau?
8. Mewn achosion pan y dygwyd cyhuddiadau,
   ar ba gam y mae’r achosion hyn yn awr? A oes unrhyw rai wedi mynd gerbron y llys eto?
9. Allwch chi rannu enwau unrhyw bobl
   sydd wedi eu cyhuddo?
10. A oes gan eich heddlu strategaeth ar
    waith i drin achosion yn ymwneud â thwyll tystysgrif nawdd yn
    systematig? Os felly, beth yw’r strategaeth hon?

Eglurhad:

• O ran "adroddiadau", rwy’n golygu galwadau 999 neu 101, adroddiadau sy’n cael eu ffeilio’n bersonol i orsaf heddlu neu i swyddog heddlu sy’n cael ei alw allan, neu drwy’r system rhoi gwybod am drosedd ar eich gwefan.

• Yn y cwestiynau lle rydw i wedi gofyn "o ddechrau’r flwyddyn hon", rwy’n golygu o 1 Ionawr 2024. Cwestiynau 5 a 6 - rwy’n gofyn a oes unrhyw ymchwiliadau ar agor ar hyn o bryd. Cwestiynau 7, 8 a 9 - rwy’n gofyn a yw’r pethau hyn erioed wedi digwydd ar unrhyw adeg.

Ymateb - Cwestiwn 1-9

Mae adran 1 o Ddeddf Rhyddid Gwybodaeth 2000 yn gosod dwy ddyletswydd ar awdurdodau cyhoeddus. Oni bai bod esemptiadau yn gymwys, y ddyletswydd gyntaf yn adran 1(1)(a) yw cadarnhau neu wadu a ydyw’r wybodaeth a bennir mewn cais yn cael ei chadw. Yr ail ddyletswydd yn adran 1(1)(b) yw datgelu gwybodaeth y cadarnhawyd ei bod yn cael ei chadw.

Lle dibynnir ar esemptiadau, mae adran 17 o Ddeddf Rhyddid Gwybodaeth 2000 yn ei gwneud yn ofynnol i Heddlu Dyfed-Powys, wrth wrthod darparu gwybodaeth o’r fath (gan fod yr wybodaeth yn esempt), roi hysbysiad i chi, y ceisydd, sydd:

(a) yn datgan y ffaith honno,

(b) yn pennu'r esemptiad o dan sylw, ac

(c) yn datgan (os na fyddai hynny’n amlwg fel arall) pam fod yr esemptiad yn gymwys.

Gallaf gadarnhau bod Heddlu Dyfed-Powys yn cadw’r wybodaeth y gofynnwyd amdani, fel yr amlinellir isod. Fodd bynnag, rydym yn atal rhywfaint o’r wybodaeth y gofynnwyd amdani gan ein bod yn ystyried bod esemptiad adran 12(1) – Esemptiad lle mae’r gost cydymffurfio yn uwch na’r terfyn priodol, yn gymwys iddi.

Adran 12(1) – Y gost cydymffurfio yn uwch na’r terfyn priodol

Mae adran 12(1) yn datgan: “Nid yw adran 1(1) yn ei gwneud yn ofynnol i awdurdod cyhoeddus gydymffurfio â chais am wybodaeth os ydyw’r awdurdod yn amcangyfrif y byddai’r gost o gydymffurfio â’r cais yn uwch na’r terfyn priodol.”

Mae’r gost o ddarparu’r wybodaeth y gofynnir amdani mewn perthynas â’ch cais yn uwch na’r swm y mae’n ofynnol yn gyfreithiol i ni ymateb iddo; h.y. mae’r gost o leoli ac adalw’r wybodaeth yn uwch na’r ‘lefel briodol’ fel y nodir yn Rheoliadau Rhyddid Gwybodaeth a Diogelu Data (Terfyn a Ffioedd Addas) 2004. Amcangyfrifir y byddai’n cymryd yn hwy na 18 awr (h.y. lleiafswm o 615 awr) i gydymffurfio â’r rhan hon o’ch cais. Gellir dod o hyd i’r rheoliadau yn https://www.legislation.gov.uk/cy/uksi/2004/3244

Mae’r Uned Rhyddid Gwybodaeth wedi cael ei hysbysu nad yw’r wybodaeth y gofynnwyd amdani mewn perthynas â’r cais cyfan yn cael ei chadw mewn fformat hawdd ei hadalw ac y byddai’n mynd y tu hwnt i’r terfyn amser priodol, h.y. 18 awr, i’w hadalw. Mae hyn oherwydd y ffaith y byddai angen archwilio’r digwyddiadau yn unigol ar y system.

Amcangyfrifwyd y byddai’n cymryd tua 10 munud fesul cofnod i archwilio pob digwyddiad yn unigol. Canfuwyd bod cyfanswm o 3695 o ddigwyddiadau y byddai angen eu harchwilio. Manylir ar yr amcangyfrif amser perthnasol isod:

01 Ionawr 2024 – 26 Mehefin 2024: 3695 cofnod x 10 munud fesul cofnod = 615.83 awr

Felly, yr amcangyfrif o gyfanswm yr amser i gwblhau’r cais = 615.83 awr.

Sylwer: Mae troseddau twyll a gofnodir yn benodol gan Dîm Troseddau Economaidd yr heddlu yn cael eu cofnodi ar gronfa ddata ar wahân a gellir darparu ymateb mewn perthynas â’r wybodaeth hon o fewn y terfyn amser priodol, h.y. 18 awr.

Yn unol â Deddf Rhyddid Gwybodaeth 2000, mae’r llythyr hwn yn gweithredu fel hysbysiad gwrthod i’r cais hwn YN GYFAN o dan adran 17(5). Rhaid i awdurdod cyhoeddus sydd, mewn perthynas ag unrhyw gais am wybodaeth, yn dibynnu ar hawliad bod adran 12 neu adran 14 yn gymwys, roi hysbysiad i’r ceisydd yn datgan y ffaith honno o fewn yr amser ar gyfer cydymffurfio ag adran 1(1).

Efallai y byddwch am fireinio ac ailgyflwyno’ch cais fel ei fod yn lleihau’r amser a ddangosir uchod er mwyn bod o fewn y 18 awr. Os bydd arnoch angen rhagor o gyngor mewn perthynas â’r mater hwn, mae croeso i chi gysylltu â mi.

Sylwch hefyd, os caiff y cais ei fireinio, nid yw’n dileu hawl yr heddlu i ddyfynnu esemptiadau os yw’n berthnasol.

Er bod costau ychwanegol wedi dileu rhwymedigaethau’r heddlu o dan y Ddeddf Rhyddid Gwybodaeth, fel arwydd o ewyllys da rwyf wedi darparu gwybodaeth sy’n berthnasol i’ch cais a adalwyd neu a oedd ar gael cyn y sylweddolwyd y byddai’r terfyn ffioedd yn cael ei dorri. Hyderaf fod hyn yn ddefnyddiol, ond nid yw’n effeithio ar ein hawl gyfreithiol i ddibynnu ar y rheoliadau ffioedd ar gyfer gweddill eich cais.

Cwestiwn 10:

Nac oes

(Ymateb yw hwn o dan Ddeddf Rhyddid Gwybodaeth 2000 ac fe’i datgelwyd ar 22 Gorffennaf 2024)