Achosion o gam-drin domestig 448/2024

Cyfeirnod Rhyddid Gwybodaeth: 448/2024

Cais:

1. O’r achosion o gam-drin domestig yr adroddwyd amdanynt rhwng 2019 a 2024, faint o’r dioddefwyr oedd yn feichiog?

Rhowch ddadansoddiad yn ôl blwyddyn.

2. O'r digwyddiadau yr adroddwyd amdanynt, faint o'r rheini a arweiniodd at gyhuddo'r cyflawnwr o drosedd?

Rhowch ddadansoddiad yn ôl blwyddyn ac, os o fewn y gost a ganiateir, ddadansoddiad o'r mathau o droseddau.

O'r rhain, beth oedd rhywedd ac, os yn bosibl, oedran a chyfansoddiad daearyddol y rhai dan amheuaeth?

3. Os nad ydych yn cadw ystadegau o’r fath ar drais domestig yn ystod beichiogrwydd ar hyn o bryd, beth yw’r rheswm am hyn?

Ymateb 1:

Gallaf gadarnhau bod gwybodaeth a gedwir gan Heddlu Dyfed-Powys, a amlinellir isod.

Ymateb 2:

Gallaf gadarnhau bod gwybodaeth a gedwir gan Heddlu Dyfed–Powys, a amlinellir isod.

Ymateb 3:

Nid yw’n ymddangos bod cwestiwn 3 yn gais dilys am wybodaeth o dan delerau’r ddeddfwriaeth. Mae wedi’i lunio mewn cyd-destun amodol, sef “beth yw’r rheswm”, sy’n gwestiwn cyffredinol. Ac fel y gwyddoch efallai, mae adran 84 o’r Ddeddf Rhyddid Gwybodaeth yn ymwneud â gwybodaeth wedi’i chofnodi a gedwir gan awdurdod cyhoeddus ac nid yw’n ymestyn i roi esboniadau oni bai fod yr atebion eisoes wedi’u cadw ar ffurf gofnodedig. 

“Diffinnir gwybodaeth yn adran 84 o’r Ddeddf fel ‘gwybodaeth a gofnodwyd ar unrhyw ffurf’. Felly, dim ond i geisiadau am wybodaeth wedi'i chofnodi y mae'r Ddeddf yn ymestyn. Nid yw'n ei gwneud yn ofynnol i awdurdodau cyhoeddus ateb cwestiynau'n gyffredinol; dim ond os ydynt eisoes yn cadw’r atebion ar ffurf gofnodedig. Nid yw’r Ddeddf yn ymestyn i geisiadau am wybodaeth am bolisïau na’u gweithrediad, na manteision neu anfanteision unrhyw gynnig neu weithred – oni bai, wrth gwrs, fod yr ateb i unrhyw gais o’r fath eisoes yn cael ei gadw ar ffurf gofnodedig.” (Day v Swyddfa’r Comisiynydd Gwybodaeth a’r Adran Gwaith a Phensiynau – EA/2006/0069 Penderfyniad Terfynol).

Nid yw’r cais yn gais dilys o dan adran 8 o’r Ddeddf Rhyddid Gwybodaeth felly am y rhesymau a amlinellwyd ac ni ellir delio â’r cais o dan Ddeddf Rhyddid Gwybodaeth 2000.

Mae adran 8 o’r Ddeddf yn darparu’r canlynol:

(1) Yn y Ddeddf hon, mae unrhyw gyfeiriad at “gais am wybodaeth” yn gyfeiriad at gais o’r fath sydd:–

(a) yn ysgrifenedig,

(b) yn datgan enw’r ymgeisydd a chyfeiriad ar gyfer gohebiaeth, ac

(c) yn disgrifio’r wybodaeth y gofynnwyd amdani.

(2) At ddibenion is-adran (1)(a), mae cais i’w drin fel pe bai wedi ei wneud yn ysgrifenedig pan fo testun y cais:–

(a) yn cael ei drosglwyddo drwy ddull electronig,

(b) yn dod i law ar ffurf ddarllenadwy, ac

(c) yn addas i’w ddefnyddio at ddibenion cyfeirio dilynol.

Mae’n ofynnol yn ôl statud i gais o dan Ddeddf Rhyddid Gwybodaeth 2000 ddisgrifio’r wybodaeth y gofynnir amdani, yn nhermau gwybodaeth gofnodedig a gedwir gan Heddlu Dyfed–Powys, fel y’i diffinnir gan adran 8(1)(c).

Mae’r Ddeddf Rhyddid Gwybodaeth yn rhoi’r hawl i gyrchu gwybodaeth a gofnodwyd yn unig. Nid yw’n ei gwneud yn ofynnol i awdurdod cyhoeddus ateb cwestiynau uniongyrchol neu ddamcaniaethol na rhoi sylwadau neu farn, oni bai fod gwybodaeth gofnodedig yn bodoli a allai ateb cwestiynau o’r fath ei hun.

Yn unol â Deddf Rhyddid Gwybodaeth 2000, mae’r ymateb hwn yn cynrychioli hysbysiad gwrthod ar gyfer y rhan hon o’ch cais o dan adran 8(1)(c) o’r Ddeddf.

______________________________

Dylid nodi, o ganlyniad i'r systemau a fabwysiadwyd gan Heddlu Dyfed–Powys mewn perthynas â chofnodi gwybodaeth o’r fath, y gallai’r wybodaeth a ryddhawyd fod yn gywir neu beidio.

Ymhellach, dylid nodi hefyd ei bod yn ofynnol i heddluoedd yn y Deyrnas Unedig ddarparu ystadegau trosedd i gyrff y llywodraeth yn rheolaidd, a gosodir y meini prawf cofnodi yn genedlaethol. Fodd bynnag, nid yw’r systemau a ddefnyddir ar gyfer cofnodi’r ffigurau hyn yn rhai generig, nac ychwaith y gweithdrefnau a ddefnyddir yn lleol i gasglu’r data am droseddau. Dylid nodi, am y rhesymau hyn, na ddylid defnyddio ymateb yr heddlu hwn i’ch cwestiynau at ddibenion cymharu ag unrhyw ymateb arall a gewch.

Ymateb yw hwn o dan y Ddeddf Rhyddid Gwybodaeth ac fe’i datgelwyd ar 31 Mai 2024