Camymddwyn gan yr heddlu 273/2024

Cyfeirnod Rhyddid Gwybodaeth: 273/2024

Cais:

1. A allwch ddweud wrthyf faint o swyddogion heddlu yr ymchwiliwyd iddynt gan yr adran safonau proffesiynol am unrhyw fath o gamymddwyn ym mhob blwyddyn dros y 10 mlynedd diwethaf. 

Cofiwch gynnwys y canlynol:

• disgrifiad o'r camymddwyn yr ymchwilir iddo
• yn fras pryd ddigwyddodd y camymddwyn 
• canlyniad yr ymchwiliad
• rheng y swyddog heddlu
• faint o amser a gymerodd pob ymchwiliad (y dyddiad y dechreuodd yr ymchwiliad a'r dyddiad y daeth i ben) 
• enw'r achos yr oedd y camymddwyn yn ymwneud ag ef

2. A wnewch chi hefyd ddweud wrthyf beth yw cyllideb yr adran safonau proffesiynol ar gyfer pob blwyddyn dros y 10 mlynedd diwethaf. 

Ymateb:

Mae adran 1 o Ddeddf Rhyddid Gwybodaeth 2000 yn gosod dwy ddyletswydd ar awdurdodau cyhoeddus. Oni bai bod eithriadau’n berthnasol, y ddyletswydd gyntaf yn adran 1(1)(a) yw cadarnhau neu wadu a yw’r wybodaeth a nodir mewn cais yn cael ei chadw. Yr ail ddyletswydd yn adran 1(1)(b) yw datgelu gwybodaeth y cadarnhawyd ei bod yn cael ei chadw.

Pan ddibynnir ar esemptiadau, mae adran 17 o Ddeddf Rhyddid Gwybodaeth 2000 yn ei gwneud yn ofynnol i Heddlu Dyfed-Powys, wrth wrthod darparu gwybodaeth o’r fath (gan fod yr wybodaeth yn esempt), roi hysbysiad i chi’r ceisydd sydd: (a) yn datgan y ffaith honno, (b) yn pennu’r esemptiad dan sylw, ac (c) yn datgan (os na fyddai hynny’n amlwg fel arall) pam fod yr esemptiad yn gymwys.

Gallaf gadarnhau bod Heddlu Dyfed-Powys yn dal yr wybodaeth y gofynnwyd amdani, fel yr amlinellir isod. Fodd bynnag, rydym yn atal yr holl wybodaeth y gofynnwyd amdani gan ein bod yn ystyried bod adran 12(1) – Esemptiad lle mae’r gost cydymffurfio yn uwch na’r terfyn priodol, yn gymwys iddi.

Adran 12(1) – Mae cost cydymffurfio yn uwch na'r terfyn priodol

Mae adran 12(1) yn datgan: “Nid yw adran 1(1) yn ei gwneud yn ofynnol i awdurdod cyhoeddus gydymffurfio â chais am wybodaeth os ydyw’r awdurdod yn amcangyfrif y byddai’r gost o gydymffurfio â’r cais yn uwch na’r terfyn priodol.”

Mae’r gost o ddarparu’r wybodaeth y gofynnir amdani mewn perthynas â’ch cais yn uwch na’r swm y mae’n ofynnol yn gyfreithiol i ni ymateb iddo, h.y. mae’r gost o leoli ac adalw’r wybodaeth yn uwch na’r “terfyn priodol” fel y nodir yn Rheoliadau Rhyddid Gwybodaeth a Diogelu Data (Terfyn a Ffioedd Priodol) 2004. Amcangyfrifir y byddai’n cymryd mwy na 18 awr (h.y. isafswm o 978 awr) i gydymffurfio â’r rhan hon o’ch cais. Gellir dod o hyd i’r rheoliadau yn https://www.legislation.gov.uk/cy/uksi/2004/3244

Mae'r adran Rhyddid Gwybodaeth wedi cael ei hysbysu, oherwydd swm yr wybodaeth mewn perthynas â chwestiwn 1 eich cais, fod y data a gynhyrchir yn rhy fawr i'w allforio. Yr unig ddewis arall yw cynnal archwiliad â llaw o'r holl gofnodion i nodi'r achosion perthnasol.

Mae wedi'i ganfod bod cyfanswm o 5,871 o gofnodion sy'n cwmpasu cyfnod eich cais.  Mae hefyd wedi'i ganfod y byddai'n cymryd o leiaf 10 munud i adolygu a chael yr wybodaeth ar gyfer un cofnod/swyddog mewn perthynas â'ch cais (fel yr amlinellwyd uchod).  Mae'r broses a amlinellir yn arwain at yr amcangyfrif amser isod.

Amcangyfrif amser i gwblhau'r dasg = 978.45 awr

Yn unol felly â Deddf Rhyddid Gwybodaeth 2000, mae’r llythyr hwn yn gweithredu fel Hysbysiad Gwrthod i’r cais hwn YN GYFAN o dan Adran 17(5) Rhaid i awdurdod cyhoeddus sydd, mewn perthynas ag unrhyw gais am wybodaeth, yn dibynnu ar hawliad y mae adran 12 neu adran 14 yn gymwys, roi hysbysiad i’r ymgeisydd yn datgan y ffaith honno o fewn yr amser ar gyfer cydymffurfio ag adran 1(1).

Efallai yr hoffech fireinio ac ailgyflwyno eich cais fel ei fod yn lleihau’r amser a ddangosir uchod er mwyn bod o fewn y 18 awr. Os oes angen unrhyw gyngor pellach arnoch mewn perthynas â’r mater hwn, mae croeso i chi gysylltu â’r Uned Rhyddid Gwybodaeth. Sylwch hefyd, os caiff y cais ei fireinio, nad yw'n dileu hawl yr awdurdod cyhoeddus i ddyfynnu esemptiadau os ydynt yn berthnasol.

Er bod costau ychwanegol yn dileu rhwymedigaethau’r heddlu o dan y Ddeddf Rhyddid Gwybodaeth i ddarparu unrhyw wybodaeth bellach, fel arwydd o ewyllys da rwyf wedi darparu gwybodaeth, mewn perthynas â chwestiwn 1 eich cais, y mae’n hawdd ei hadalw ac sy’n cael ei hamlinellu isod. Gobeithiaf fod hyn yn ddefnyddiol, ond nid yw’n effeithio ar ein hawl gyfreithiol i ddibynnu ar y rheoliadau ffioedd am weddill eich cais.

C2.

Gallaf gadarnhau bod Dyfed-Powys yn cadw gwybodaeth mewn perthynas â’r cais hwn, fel yr amlinellir isod:

(Ymateb yw hwn o dan Ddeddf Rhyddid Gwybodaeth 2000 ac fe’i datgelwyd ar 23 Mai 2024)