Lladradau masnachol 344/2024

Cyfeirnod Rhyddid Gwybodaeth: 344/2024

Cais:

1)       Nifer y busnesau a oedd yn ddioddefwyr lladradau a gofnodwyd ar gyfer y cyfnodau rhwng 1 Ionawr 2022 a 31 Rhagfyr 2022 a rhwng mis Ionawr 2023 a 31 Awst 2023.

2)      Y termau chwilio allweddol yr wyf yn eu ceisio mewn perthynas â’r math o fusnes yw; siop gyfleustra, siop gornel, siop groser, archfarchnad, siop bapurau newydd, grŵp symbol, gwerthwr tybaco, siop drwyddedig a manwerthwr annibynnol.

Y termau chwilio allweddol yr wyf yn eu ceisio mewn perthynas â’r arf a ddefnyddiwyd yw gynnau, cyllyll, nodwyddau, heb arfau ac arfau di-fin (batiau pêl-fas, pastynau, ac ati).

3)     A allech chi hefyd roi enw masnachu’r busnesau a’u cyfeiriad.

4)     P’un a gafodd y lleidr ei arestio a’i euogfarn neu ei ddedfryd.

Ymateb:  

Gallaf gadarnhau bod Heddlu Dyfed-Powys yn cadw’r wybodaeth y gofynnwyd amdani, fel yr amlinellir isod.

Dylid nodi, o ganlyniad i’r systemau a fabwysiadwyd gan Heddlu Dyfed-Powys mewn perthynas â chofnodi gwybodaeth o’r fath, y gallai’r wybodaeth a ryddheir fod yn gywir neu beidio.

Ymhellach, dylid nodi hefyd ei bod yn ofynnol i heddluoedd yn y Deyrnas Unedig ddarparu ystadegau troseddau i gyrff y llywodraeth yn rheolaidd, a gosodir y meini prawf cofnodi yn genedlaethol. Fodd bynnag, nid yw’r systemau a ddefnyddir ar gyfer cofnodi’r ffigurau hyn yn rhai generig, nac ychwaith y gweithdrefnau a ddefnyddir yn lleol i gasglu’r data. Dylid nodi, am y rhesymau hyn, na ddylid defnyddio ymateb yr heddlu hwn i’ch cwestiynau at ddibenion cymharu ag unrhyw ymateb arall a gewch.

(Ymateb yw hwn o dan Ddeddf Rhyddid Gwybodaeth 2000 ac fe’i datgelwyd ar 13 Mai 2024)