Seiber-fflachio 330/2024

Cyfeirnod Rhyddid Gwybodaeth: 330/2024

Cais:

1) Faint o adroddiadau sydd wedi’u gwneud sy’n ymwneud â seiber-fflachio (ers iddo ddod yn drosedd ym mis Ionawr 2024?)

2) Faint o’r adroddiadau hyn sydd wedi arwain at erlyniadau llwyddiannus?

3) Faint o’r adroddiadau hyn a arweiniodd at ddim gweithredu pellach?

Eglurhad:

1. Faint o weithiau mae’r heddlu wedi cael gwybod am ddigwyddiad, ac yna faint o’r digwyddiadau hynny a gafodd eu categoreiddio fel ‘troseddau’
2. Gweler y sylw uchod (Hoffwn y ffigurau ar gyfer y ddau os gwelwch yn dda).

Ymateb:

Mae adran 1 o Ddeddf Rhyddid Gwybodaeth 2000 yn gosod dwy ddyletswydd ar awdurdodau cyhoeddus. Oni bai bod esemptiadau yn gymwys, y ddyletswydd gyntaf yn adran 1(1) (a) yw cadarnhau neu wadu a ydyw’r wybodaeth a bennir mewn cais yn cael ei chadw. Yr ail ddyletswydd yn adran 1(1) (b) yw datgelu gwybodaeth y cadarnhawyd ei bod yn cael ei chadw.

Lle dibynnir ar esemptiadau, mae adran 17 o Ddeddf Rhyddid Gwybodaeth 2000 yn ei gwneud yn ofynnol i Heddlu Dyfed-Powys, wrth wrthod darparu gwybodaeth o’r fath (gan fod yr wybodaeth yn esempt), roi hysbysiad i chi, y ceisydd, sydd:

(a) yn datgan y ffaith honno,

(b) yn pennu’r esemptiad dan sylw, ac

(c) yn datgan (os na fyddai hynny’n amlwg fel arall) pam fod yr esemptiad yn gymwys.

Gallaf gadarnhau bod Heddlu Dyfed-Powys yn cadw’r wybodaeth yr ydych wedi gofyn amdani. Fodd bynnag, rydym yn atal rhywfaint o’r wybodaeth y gofynnwyd amdani gan ein bod o’r farn bod esemptiad Adran 12(1) sef bod y gost cydymffurfio yn uwch na’r terfyn priodol yn gymwys iddo.

Adran 12 (1) – Y gost cydymffurfio yn uwch na’r terfyn priodol

Mae adran 12(1) yn datgan: “Nid yw adran 1(1) yn ei gwneud yn ofynnol i awdurdod cyhoeddus gydymffurfio â chais am wybodaeth os ydyw’r awdurdod yn amcangyfrif y byddai’r gost o gydymffurfio â’r cais yn uwch na’r terfyn priodol.”

Mae’r gost o ddarparu’r wybodaeth y gofynnir amdani mewn perthynas â’ch cais yn uwch na’r swm y mae’n ofynnol yn gyfreithiol i ni ymateb iddo, h.y. mae’r gost o leoli ac adalw’r wybodaeth yn uwch na’r “lefel briodol” fel y nodir yn Rheoliadau Rhyddid Gwybodaeth a Diogelu Data (Terfyn a Ffioedd Addas) 2004. Amcangyfrifir y byddai’n cymryd yn hwy na 18 awr (h.y. lleiafswm o 611 awr) i gydymffurfio â’r rhan hon o’ch cais.Gellir gweld y rheoliadau yn

https://www.legislation.gov.uk/cy/uksi/2004/3244

Mae’r adran rhyddid gwybodaeth wedi cael ei hysbysu nad yw’r wybodaeth y gofynnwyd amdani mewn perthynas â chwestiynau 1i 3 (digwyddiadau) yn cael ei chadw mewn fformat hawdd ei hadalw ac y byddai’n cymryd yn hwy na’r terfyn amser priodol, h.y. 18 awr, i’w hadalw. Mae hyn oherwydd y ffaith nad oes categori penodol ar gyfer seiber-fflachio felly byddai angen edrych ar wahanol gategorïau.

Amcangyfrifwyd y byddai’n cymryd tua 10 munud fesul digwyddiad i archwilio pob digwyddiad yn unigol. Canfuwyd bod cyfanswm o 3,368 o ddigwyddiadau y byddai angen eu harchwilio. Nodir yr amcangyfrif amser perthnasol isod:

2024 (hyd at 28/03/24): 3,368 digwyddiad x 10 munud fesul digwyddiad = 611.33 awr

Felly, amcangyfrif o gyfanswm yr amser i gwblhau'r cais = 611.33 awr.

Yn unol â Deddf Rhyddid Gwybodaeth 2000, mae’r llythyr hwn yn gweithredu fel hysbysiad gwrthod i’r CYFAN o’r cais hwn o dan Adran 17(5). Rhaid i awdurdod cyhoeddus sydd, mewn perthynas ag unrhyw gais am wybodaeth, yn dibynnu ar hawliad y mae adran 12 neu adran 14 yn gymwys iddo, roi hysbysiad i’r ceisydd yn datgan y ffaith honno o fewn yr amser ar gyfer cydymffurfio ag adran 1(1).

Efallai y byddwch am fireinio ac ailgyflwyno’ch cais fel ei fod yn lleihau’r amser a ddangosir uchod er mwyn bod o fewn y 18 awr. Os bydd angen rhagor o gyngor arnoch mewn perthynas â’r mater hwn, mae croeso i chi gysylltu â mi.

Nodwch hefyd, os caiff y cais ei fireinio, nid yw’n dileu hawl yr heddlu i ddyfynnu esemptiadau os yw’n berthnasol.

Er bod costau ychwanegol wedi dileu rhwymedigaethau’r heddlu o dan y Ddeddf Rhyddid Gwybodaeth, fel arwydd o ewyllys da, rwyf wedi darparu gwybodaeth, sy’n berthnasol i’ch cais, a gafodd ei hadalw neu a oedd ar gael cyn y sylweddolwyd y byddai’r terfyn ffioedd yn cael ei dorri. Hyderaf fod hyn yn ddefnyddiol, ond nid yw'n effeithio ar ein hawl gyfreithiol i ddibynnu ar y rheoliadau ffioedd ar gyfer gweddill eich cais.

Ymateb 1 - 3 (Troseddau yn Unig):

Sylwer: Mae'n bosibl bod rhai o’r achosion hyn yn parhau.

Ymateb yw hwn o dan Ddeddf Rhyddid Gwybodaeth 2000 a ddatgelwyd ar 26 Ebrill 2024.