Troseddau rhywiol a gafodd eu cyflawni mewn barics 303/2024

Cyfeirnod Rhyddid Gwybodaeth: 303/2024 

Cais 1 - 2:

1.

Nifer yr ymosodiadau rhywiol yr adroddwyd amdanynt a ddigwyddodd lle rhestrwyd y lleoliad fel ‘barics’; ‘garsiwn’ neu Farics Cawdor, cod post SA62 6BL, rhwng 1 Ionawr 2018 a 31 Rhagfyr 2023. A wnewch chi gynnwys yn eich ymateb a arweiniodd yr adroddiad at gyhuddiad neu wŷs?

2.

Nifer yr achosion o dreisio yr adroddwyd amdanynt a ddigwyddodd lle rhestrwyd y lleoliad fel ‘barics’; ‘garsiwn’ neu Farics Cawdor, cod post SA62 6BL, rhwng 1 Ionawr 2018 a 31 Rhagfyr 2023. A wnewch chi gynnwys yn eich ymateb a arweiniodd yr adroddiad at gyhuddiad neu wŷs?

Ymateb 1:

Gallaf gadarnhau bod Heddlu Dyfed-Powys yn cadw’r wybodaeth y gofynnwyd amdani, fel yr amlinellir isod.

Adroddwyd bod cyfanswm o saith ymosodiad rhywiol o fewn yr amserlen a nodwyd ar gyfer y lleoliad a nodwyd, a arweiniodd at sero (0) cyhuddiad/gwŷs.

Ymateb 2:

Gallaf gadarnhau bod Heddlu Dyfed-Powys yn cadw’r wybodaeth y gofynnwyd amdani, fel yr amlinellir isod.

Adroddwyd bod cyfanswm o un achos o dreisio o fewn yr amserlen a nodwyd ar gyfer y lleoliad a nodwyd, a arweiniodd at sero (0) cyhuddiad/gwŷs.                                             

Dylid nodi, o ganlyniad i’r systemau a fabwysiadwyd gan Heddlu Dyfed-Powys mewn perthynas â chofnodi gwybodaeth o’r fath, y gallai’r wybodaeth a ryddheir fod yn gywir neu beidio.

Ymhellach, dylid nodi hefyd ei bod yn ofynnol i heddluoedd y Deyrnas Unedig ddarparu ystadegau trosedd i gyrff y llywodraeth yn rheolaidd a phennir y meini prawf cofnodi yn genedlaethol.  Fodd bynnag, nid yw'r systemau a ddefnyddir ar gyfer cofnodi'r ffigurau hyn yn rhai generig, nac ychwaith yw’r gweithdrefnau a ddefnyddir yn lleol i gasglu data troseddau. Dylid nodi, am y rhesymau hyn, na ddylai ymateb yr heddlu hwn i'ch cwestiynau gael ei ddefnyddio at ddibenion cymharu ag unrhyw ymateb arall y gallech ei gael.

(Ymateb yw hwn o dan Ddeddf Rhyddid Gwybodaeth 2000 ac fe’i datgelwyd ar 20 Mai 2024)