Ymosodiadau Peiriannau ATM 1073/2023

Cyfeirnod Rhyddid Gwybodaeth: 1073/2023

Cais:

1. Trosolwg o’r sefyllfa bresennol o ran troseddau peiriannau ATM yn yr ardal ddaearyddol yr ydych chi’n gyfrifol amdani.
2. Data ar ymosodiadau peiriannau ATM, ar gyfer y cyfnod rhwng 2019 i 2022.Mae arnom angen data wedi’u dadansoddi yn ôl y canlynol:

• Y dull o weithredu yn ystod yr ymosodiadau hyn (ee ffrwydron, dadwreiddio, eraill).
• Dosbarthiad daearyddol yn ôl lleoliad (i’n galluogi i greu map digwyddiadau yn ddaearyddol).
• Data digwyddiadau misol.
• Colledion economaidd o ganlyniad i’r ymosodiadau hyn, gan gynnwys arian wedi’i ddwyn a difrod i eiddo.
• Dosbarthiad y ffrwydron a ddefnyddiwyd (solid, nwy, ac ati).
• Statws y troseddau hyn (wedi’u cyflawni neu ymgeisiau).
• Unrhyw wybodaeth berthnasol ychwanegol, megis cenedligrwydd y sawl a ddrwgdybir, ystadegau arestio, a nodweddion ymddygiad troseddwyr, a fyddai’n cyfrannu’n fawr at ein dadansoddiad.

3. Atal troseddau:

• Cipolwg ar y mesurau atal troseddau a weithredwyd yn eich ardal ddaearyddol i rwystro ymosodiadau corfforol ar beiriannau ATM.
• Nodi’r sefydliadau sy’n gyfrifol am fonitro a gorfodi’r mesurau ataliol hyn.

Ymateb:

Mae adran 1 o Ddeddf Rhyddid Gwybodaeth 2000 yn gosod dwy ddyletswydd ar awdurdodau cyhoeddus. Oni bai bod esemptiadau’n gymwys, y ddyletswydd gyntaf yn adran 1(1)(a) yw cadarnhau neu wadu a ydyw’r wybodaeth a bennir mewn cais yn cael ei chadw. Yr ail ddyletswydd yn adran 1(1)(b) yw datgelu gwybodaeth y cadarnhawyd ei bod yn cael ei chadw.

Gallaf gadarnhau bod y gost o benderfynu a ydyw unrhyw wybodaeth sy’n ymwneud â chwestiwn 2 y cais hwn yn cael ei chadw ai peidio yn uwch na’r swm y mae’n ofynnol yn gyfreithiol i ni ymateb iddo, felly rydym yn atal yr holl wybodaeth y gofynnwyd amdani gan ein bod yn ystyried bod adran 12(2) – Esemptiad lle mae’r gost cydymffurfio yn uwch na’r terfyn priodol, yn gymwys iddi.

Lle dibynnir ar esemptiadau mae adran 17 o Ddeddf Rhyddid Gwybodaeth 2000 yn ei gwneud yn ofynnol i Heddlu Dyfed-Powys, wrth wrthod darparu gwybodaeth o’r fath (gan fod yr wybodaeth yn esempt), roi hysbysiad i chi, y ceisydd, sydd: (a) yn datgan y ffaith honno, (b) yn pennu’r esemptiad dan sylw, ac (c) yn datgan (os na fyddai hynny’n amlwg fel arall) pam fod yr esemptiad yn gymwys. Mae’r esemptiad canlynol wedi’i gymhwyso i’r holl wybodaeth yr ydych wedi gofyn amdani:

Adran 12(2) – Y gost cydymffurfio yn uwch na’r terfyn priodol

Mae adran 12(2) yn datgan: “Nid yw is-adran (1) yn esemptio’r awdurdod cyhoeddus rhag ei rwymedigaeth i gydymffurfio â pharagraff (a) o adran 1(1) oni bai y byddai’r gost amcangyfrifedig o gydymffurfio â’r paragraff hwnnw yn unig yn uwch na’r terfyn priodol.”

Mae’r gost o benderfynu pa wybodaeth a ddelir, os o gwbl, sy’n berthnasol i gwestiwn 2 eich cais yn uwch na’r swm y mae’n ofynnol yn gyfreithiol i ni ymateb iddo, hy mae’r gost o leoli ac adalw’r wybodaeth yn uwch na’r “lefel briodol” fel y nodir yn Rheoliadau Rhyddid Gwybodaeth a Diogelu Data (Terfyn a Ffioedd Addas) 2004. Amcangyfrifir y byddai’n cymryd mwy na 18 awr (hy lleiafswm o 2906.83 awr) i gydymffurfio â’ch cais. Gellir gweld y rheoliadau yn:

https://www.legislation.gov.uk/cy/uksi/2004/3244

Mae’r adran rhyddid gwybodaeth wedi cael ei hysbysu nad yw’r wybodaeth mewn perthynas â’ch cais yn cael ei chadw mewn fformat hawdd ei adalw. Felly, er mwyn penderfynu pa wybodaeth, os o gwbl, a gedwir mewn perthynas â chwestiwn 2 y cais, byddai angen archwilio’r holl droseddau perthnasol yn unigol dros yr amserlen a nodwyd i nodi a oedd y drosedd dan sylw yn ymwneud ag ymosodiadau ar beiriannau ATM. Ar gyfer y cyfnod a nodir yn y cais (h.y. 2019–2022) canfuwyd bod cyfanswm o 17,441 o droseddau perthnasol y byddai angen eu hymchwilio/adolygu. Amcangyfrifwyd y byddai’n cymryd o leiaf 10 munud i ymchwilio i un drosedd i weld a ydyw’n berthnasol i gwestiwn 2 eich cais fel yr amlinellwyd uchod, gan arwain at ddadansoddiad o’r amcangyfrif amser a ganlyn.

2019 = 4,864 trosedd ar 10 munud fesul trosedd = 810.67 awr

2020 = 3,710 trosedd ar 10 munud fesul trosedd = 618.33 awr

2021 = 3,957 trosedd ar 10 munud fesul trosedd = 659.50 awr

2022 = 4,910 trosedd ar 10 munud fesul trosedd = 818.33 awr

Cyfanswm o 2,906.83 awr i gwblhau’r dasg a’r cais cyfan

Noder: Ni allwn gadarnhau a ellir darparu ymateb i gwestiynau 1 a 3 o fewn y terfyn amser o 18 awr.  Gan fod cwestiwn 2 eisoes wedi mynd y tu hwnt i’r terfyn amser o 18 awr, nid yw cwestiynau 1 a 3 wedi’u symud ymlaen. Sylwer hefyd, os caiff y cais ei fireinio, nad yw’n dileu hawl yr Heddlu i ddyfynnu esemptiadau os ydynt yn berthnasol.

Yn unol â Deddf Rhyddid Gwybodaeth 2000, mae’r llythyr hwn yn gweithredu fel hysbysiad gwrthod i’r cyfan o’r cais hwn o dan adran 17(5). Rhaid i awdurdod cyhoeddus sydd, mewn perthynas ag unrhyw gais am wybodaeth, yn dibynnu ar hawliad bod adran 12 neu adran 14 yn gymwys, o fewn yr amser ar gyfer cydymffurfio ag adran 1(1), roi hysbysiad i’r ceisydd yn datgan y ffaith honno.

Efallai y byddwch am fireinio ac ailgyflwyno’ch cais fel ei fod yn lleihau’r amser a ddangosir uchod i ddisgyn o fewn y 18 awr. Os bydd arnoch angen rhagor o gyngor mewn perthynas â’r mater hwn, mae croeso i chi gysylltu â’r Uned Rhyddid Gwybodaeth.                                   

(Ymateb yw hwn o dan Ddeddf Rhyddid Gwybodaeth 2000 ac fe’i datgelwyd ar 07/05/24)