Adroddiadau ynghylch Yubo 262/2024

Cyfeirnod Rhyddid Gwybodaeth: 262/2024

Cais:

1) Sawl digwyddiad a adroddwyd i chi yn ystod y flwyddyn ddiwethaf sy’n ymwneud â'r ap cyfryngau cymdeithasol Yubo?

2) Faint o’r digwyddiadau hynny oedd yn ymwneud â phobl dan 18 oed?

3) Sawl digwyddiad yr adroddwyd wrthych a oedd yn ymwneud â Yubo oedd yn ymwneud â throseddau rhyw a/neu feithrin perthynas amhriodol gan rywun dros 18 oed?

4) Sawl digwyddiad a adroddwyd wrthych a oedd yn ymwneud â Yubo oedd yn achosion o fwlio/aflonyddu rhwng pobl ifanc dan 18 oed?

Eglurhad:

A ydych yn cyfeirio at ddigwyddiadau neu droseddau? Sylwch fod digwyddiad yn wahanol i drosedd.  Mae digwyddiad yn gofnod o gyswllt a wneir â heddlu gan unigolyn / aelod o’r cyhoedd (fel arfer trwy alwad 999 neu 101) a throsedd yw pan fo’r trothwy wedi’i gyrraedd er mwyn i’r heddlu dybio bod trosedd wedi digwydd fel y'i diffinnir gan y gyfraith.

Hoffwn wybod am ddigwyddiadau.

Ymateb:

Gallaf gadarnhau bod Heddlu Dyfed-Powys yn cadw’r wybodaeth y gofynnwyd amdani, fel yr amlinellir isod.

C1.

Adroddwyd am gyfanswm o bedwar (4) digwyddiad yn ymwneud ag ap Yubo.

C2.

Cyfanswm y digwyddiadau yr adroddwyd amdanynt sy’n ymwneud ag ap Yubo lle'r oedd y dioddefwr o dan 18 oed yw dau (2).

C3.

Cyfanswm y digwyddiadau yr adroddwyd amdanynt sy’n ymwneud â’r ap YUBO a oedd yn ymwneud â throseddau rhyw a/neu feithrin perthynas amhriodol gan rywun dros 18 oed oedd dau (2).

C4.

Cyfanswm y digwyddiadau yr adroddwyd amdanynt a oedd yn ymwneud â Yubo ac a oedd yn achosion o fwlio/aflonyddu rhwng pobl ifanc dan 18 oed oedd sero (0).

Sylwer, mae'r digwyddiadau hyn wedi'u hadolygu â llaw ac, felly, wedi'u categoreiddio â llaw.                                               

Dylid nodi, o ganlyniad i’r systemau a fabwysiadwyd gan Heddlu Dyfed–Powys mewn perthynas â chofnodi gwybodaeth o’r fath, y gallai’r wybodaeth a ryddhawyd fod yn gywir neu beidio.

Ymhellach, dylid nodi hefyd ei bod yn ofynnol i heddluoedd y Deyrnas Unedig ddarparu ystadegau trosedd i gyrff y llywodraeth yn rheolaidd a phennir y meini prawf cofnodi yn genedlaethol.  Fodd bynnag, nid yw'r systemau a ddefnyddir ar gyfer cofnodi'r ffigurau hyn yn rhai generig, nac ychwaith yw’r gweithdrefnau a ddefnyddir yn lleol i gasglu data troseddau. Dylid nodi, am y rhesymau hyn, na ddylai ymateb yr heddlu hwn i'ch cwestiynau gael ei ddefnyddio at ddibenion cymharu ag unrhyw ymateb arall y gallech ei gael.

(Ymateb yw hwn o dan Ddeddf Rhyddid Gwybodaeth 2000 ac fe’i datgelwyd ar 19 Mawrth 2024)