Arestiadau am droseddau o’r math llithio 144/2024

Cyfeirnod Rhyddid Gwybodaeth: 144/2024

Cais:

Gofynnaf yn garedig am yr wybodaeth ganlynol ar gyfer y pum mlynedd diwethaf, yn cwmpasu’r cyfnod rhwng 1 Ionawr 2019 a 31 Rhagfyr 2023.

1. Cyfanswm yr arestiadau a wnaed am lithio, wedi’u dadansoddi fesul blwyddyn. 

1. Cyfanswm yr arestiadau a wnaed am gadw puteindai (neu derm arall), wedi’u dadansoddi fesul blwyddyn.
2. Cyfanswm yr arestiadau a wnaed am achosi neu annog puteindra er budd, wedi’u dadansoddi fesul blwyddyn.
3. Cyfanswm yr arestiadau a wnaed am reoli puteindra er budd.
4. Cyfanswm yr arestiadau a wnaed am dalu am wasanaethau rhywiol putain dan orfodaeth ac ati.
5. Cyfanswm yr arestiadau a wnaed am hel puteiniaid o gerbyd, wedi’u dadansoddi fesul blwyddyn. 
6. Sawl adroddiad a chofnod o bob digwyddiad yn ardal yr heddlu (ar draws pob math o drosedd) a ddefnyddiodd y geiriau ‘gwaith/gweithiwr rhyw, putain/puteindra, neu buteindy’ mewn perthynas â’r dioddefwr. 
7. Dadansoddiad o’r adroddiadau a’r cofnodion hyn yn ôl y math o drosedd (ee dwyn, ymosod cyffredin, ymosodiad rhywiol).

Ymateb:

Mae adran 1 o Ddeddf Rhyddid Gwybodaeth 2000 yn gosod dwy ddyletswydd ar awdurdodau cyhoeddus. Oni bai bod esemptiadau’n gymwys, y ddyletswydd gyntaf yn adran 1(1)(a) yw cadarnhau neu wadu a ydyw’r wybodaeth a bennir mewn cais yn cael ei chadw. Yr ail ddyletswydd yn adran 1(1)(b) yw datgelu gwybodaeth y cadarnhawyd ei bod yn cael ei chadw.

Gallaf gadarnhau bod y gost o benderfynu a ydyw unrhyw wybodaeth sy’n ymwneud â chwestiynau 7 ac 8 y cais hwn yn cael ei chadw ai peidio yn uwch na’r swm y mae’n ofynnol yn gyfreithiol i ni ymateb iddo, felly rydym yn atal yr holl wybodaeth y gofynnwyd amdani gan ein bod yn ystyried bod adran 12(2) – Esemptiad lle mae’r gost cydymffurfio yn uwch na’r terfyn priodol, yn gymwys iddi.

Lle dibynnir ar esemptiadau mae adran 17 o Ddeddf Rhyddid Gwybodaeth 2000 yn ei gwneud yn ofynnol i Heddlu Dyfed-Powys, wrth wrthod darparu gwybodaeth o’r fath (gan fod yr wybodaeth yn esempt), roi hysbysiad i chi, y ceisydd, sydd: (a) yn datgan y ffaith honno, (b) yn pennu’r esemptiad dan sylw, ac (c) yn datgan (os na fyddai hynny’n amlwg fel arall) pam fod yr esemptiad yn gymwys. Mae’r esemptiad canlynol wedi’i gymhwyso i’r holl wybodaeth yr ydych wedi gofyn amdani:

Adran 12(2) – Y gost cydymffurfio yn uwch na’r terfyn priodol

Mae adran 12(2) yn datgan: “Nid yw is-adran (1) yn esemptio’r awdurdod cyhoeddus rhag ei rwymedigaeth i gydymffurfio â pharagraff (a) o adran 1(1) oni bai y byddai’r gost amcangyfrifedig o gydymffurfio â’r paragraff hwnnw yn unig yn uwch na’r terfyn priodol.”

Mae’r gost o benderfynu pa wybodaeth a ddelir, os o gwbl, sy’n berthnasol i gwestiynau 7 ac 8 eich cais yn uwch na’r swm y mae’n ofynnol yn gyfreithiol i ni ymateb iddo, hy mae’r gost o leoli ac adalw’r wybodaeth yn uwch na’r “lefel briodol” fel y nodir yn Rheoliadau Rhyddid Gwybodaeth a Diogelu Data (Terfyn a Ffioedd Addas) 2004. Amcangyfrifir y byddai’n cymryd mwy na 18 awr (hy lleiafswm o 31 awr) i gydymffurfio â’ch cais. Gellir gweld y rheoliadau yn: https://www.legislation.gov.uk/uksi/2004/3244

Mae’r adran Rhyddid Gwybodaeth wedi cael ei hysbysu nad yw rhywfaint o’r wybodaeth sy’n ymwneud â’ch cais yn cael ei chadw mewn fformat hawdd ei adalw. Byddai’n rhaid cynnal adolygiad â llaw o’r holl gofnodion a oedd yn defnyddio’r geiriau ‘gwaith/gweithiwr rhyw, putain/puteindra’ i nodi a oeddent yn berthnasol i’r dioddefwr ai peidio.

Canfuwyd bod yna gyfanswm o 376 o gofnodion sy’n cwmpasu cyfnod eich cais.  Canfuwyd hefyd y byddai’n cymryd o leiaf bum munud i adolygu a chael yr wybodaeth ar gyfer un cofnod mewn perthynas â’ch cais (fel yr amlinellir uchod). Mae’r broses a amlinellir yn arwain at yr amcangyfrif amser isod.

376 cofnod x 5 munud fesul cofnod = 31 awr

Amcangyfrif amser i gwblhau’r dasg = 31 awr

Noder: Mae modd adalw ymateb i gwestiynau 1 - 6 eich cais o fewn y terfyn amser o 18 awr, ac y mae wedi’i amlinellu ar ddiwedd y ddogfen fel arwydd o ewyllys da a thu allan i’r Ddeddf Rhyddid Gwybodaeth.

Yn unol felly â Deddf Rhyddid Gwybodaeth 2000, mae’r llythyr hwn yn gweithredu fel hysbysiad gwrthod i’r cyfan o’r cais hwn o dan adran 17(5). Rhaid i awdurdod cyhoeddus sydd, mewn perthynas ag unrhyw gais am wybodaeth, yn dibynnu ar hawliad bod adran 12 neu adran 14 yn gymwys, roi hysbysiad i’r ceisydd yn datgan y ffaith honno o fewn yr amser ar gyfer cydymffurfio ag adran 1(1).

Efallai y byddwch am fireinio ac ailgyflwyno’ch cais fel ei fod yn lleihau’r amser a ddangosir uchod er mwyn bod o fewn y 18 awr. Os bydd arnoch angen rhagor o gyngor mewn perthynas â’r mater hwn mae croeso i chi gysylltu â’r Uned Rhyddid Gwybodaeth. Sylwer hefyd, os caiff y cais ei fireinio, nad yw’n dileu hawl yr awdurdod cyhoeddus i ddyfynnu esemptiadau os ydynt yn berthnasol.

Er bod costau ychwanegol yn dileu rhwymedigaethau’r heddlu o dan y Ddeddf Rhyddid Gwybodaeth i ddarparu unrhyw wybodaeth bellach, fel arwydd o ewyllys da, rwyf wedi darparu gwybodaeth, mewn perthynas â chwestiynau 1 - 6 eich cais, y bu’n hawdd ei hadalw ac sy’n cael ei hamlinellu isod. Hyderaf fod hyn yn ddefnyddiol, ond nid yw’n effeithio ar ein hawl gyfreithiol i ddibynnu ar y rheoliadau ffioedd am weddill eich cais.

Ymateb 1:

Ymateb 2:

Ymateb 3:

Ymateb 4:

Ymateb 5:

Ymateb 6:

Dylid nodi, o ganlyniad i’r systemau a fabwysiadwyd gan Heddlu Dyfed-Powys mewn perthynas â chofnodi gwybodaeth o’r fath, y gallai’r wybodaeth a ryddheir fod yn gywir neu beidio.

Ymhellach, dylid nodi hefyd ei bod yn ofynnol yn rheolaidd i heddluoedd yn y Deyrnas Unedig ddarparu ystadegau trosedd i gyrff y llywodraeth a gosodir y meini prawf cofnodi yn genedlaethol. Fodd bynnag, nid yw’r systemau a ddefnyddir ar gyfer cofnodi’r ffigurau hyn yn rhai cyffredinol, ac ni ddefnyddir y gweithdrefnau’n lleol ychwaith i gasglu data troseddau. Dylid nodi, am y rhesymau hyn, na ddylid defnyddio ymateb yr heddlu hwn i’ch cwestiynau at ddibenion cymharu ag unrhyw ymateb arall a gewch.

(Ymateb yw hwn o dan Ddeddf Rhyddid Gwybodaeth 2000 ac fe’i datgelwyd ar 27 Mawrth 2024)