Lladdiadau trais domestig 85/2024

Cyfeirnod Rhyddid Gwybodaeth: 85/2024

Cais:

A fyddech cystal â darparu’r wybodaeth ganlynol os gwelwch yn dda?

Dros y pum mlynedd diwethaf:

1.  Faint o’r rhai a laddwyd o ganlyniad i drais domestig a oedd wedi cysylltu â’r heddlu am gymorth yn flaenorol?
2.  Faint o’r rhai a gafwyd yn euog o lofruddiaeth/dynladdiad a oedd yn ad-droseddwyr?

Ymateb:

Gallaf gadarnhau bod Heddlu Dyfed-Powys yn cadw’r wybodaeth y gofynnwyd amdani, fel yr amlinellir isod.

1) O’r pedwar achos o laddiad domestig a ddigwyddodd dros y pum mlynedd diwethaf, roedd un wedi cysylltu â’r heddlu yn flaenorol.

(Fodd bynnag, noder y gallai’r cyswllt hwn fod yn gysylltiedig ag unrhyw beth ac nid trais domestig yn unig.)

2) Mewn un achos, roedd gan y sawl y’i cafwyd yn euog o lofruddiaeth/dynladdiad euogfarn flaenorol.(Dylid nodi nad dyma’r drosedd y cysylltodd y dioddefwr â’r heddlu yn ei chylch yn flaenorol).                                              

Dylid nodi, o ganlyniad i’r systemau a fabwysiadwyd gan Heddlu Dyfed-Powys mewn perthynas â chofnodi gwybodaeth o’r fath, y gallai’r wybodaeth a ryddheir fod yn gywir neu beidio.

Ymhellach, dylid nodi hefyd ei bod yn ofynnol i heddluoedd y Deyrnas Unedig ddarparu ystadegau trosedd i gyrff y llywodraeth yn rheolaidd a phennir y meini prawf cofnodi yn genedlaethol.  Fodd bynnag, nid yw'r systemau a ddefnyddir ar gyfer cofnodi'r ffigurau hyn yn rhai generig, nac ychwaith yw’r gweithdrefnau a ddefnyddir yn lleol i gasglu data troseddau. Dylid nodi, am y rhesymau hyn, na ddylai ymateb yr heddlu hwn i'ch cwestiynau gael ei ddefnyddio at ddibenion cymharu ag unrhyw ymateb arall y gallech ei gael.

(Ymateb yw hwn o dan Ddeddf Rhyddid Gwybodaeth 2000 ac fe’i datgelwyd ar 19 Mawrth 2024)