Pibellau egsôst anghyfreithlon ar gerbydau 539/2023

Cyfeirnod Rhyddid Gwybodaeth: 539/2023

Cais:

Rwyf ar hyn o bryd yn ymchwilio i ymateb yr heddlu i bibellau egsôst anghyfreithlon ar gerbydau; hynny yw, rhai sydd wedi’u haddasu i fod yn fwy swnllyd nag y’u gwnaed yn ystod y gwneuthuriad gwreiddiol ac felly’n torri adran 54(2) o Reoliadau Cerbydau Ffordd (Adeiladu a Defnyddio) 1986.

1. Byddwn yn gwerthfawrogi esboniad byr yn unig ynghylch pa gamau y byddai’r heddlu’n eu cymryd pe bai aelod o’r cyhoedd yn ffonio 101 gyda marciau cofrestru cerbyd, yn rhoi gwybod am bibell egsôst anghyfreithlon.

Ymateb:  

Gallaf gadarnhau bod Heddlu Dyfed-Powys yn cadw’r wybodaeth y gofynnwyd amdani, fel yr amlinellir isod.

Camau tebygol i’w cymryd gan Heddlu Dyfed-Powys:

Nid oes gan Heddlu Dyfed-Powys offer cofnodi sŵn penodol ar gyfer y mathau hyn o droseddau.

Os rhoddir rhif cofrestru’r cerbyd a’i fod yn dangos ceidwad blaenorol yna byddem yn dod o hyd i geidwad y cerbyd ac yna lleoli’r cerbyd.

Mae’n bosibl y bydd y cerbyd yn cael ei ychwanegu at ‘restr goch’ a byddai patrolau heddlu’n cael eu hanfon i leoliadau tebygol y cerbyd.

Mae’r troseddau’n eithaf syml i’w profi. Os caiff y bibell egsôst ei ‘newid’ o safon y gwneuthurwr, yna mae’n drosedd, a bydd y gyrrwr yn cael ei wneud yn hysbys i’r heddlu. Y ddirwy fel arfer yw £50 os caiff ei thalu drwy gosb benodedig.

Mae troseddau tebyg eraill megis ‘wedi’u haddasu er mwyn cynyddu sŵn’ neu ‘distewyddion/systemau diffygiol’ ymhlith eraill sy’n dod o dan yr un pennawd.

Bydd y llys yn penderfynu a ydyw’r bibell egsôst a osodwyd yn cyfateb i’r un a osodwyd yn y ffatri. Os ydyw’n fwy swnllyd, heb unrhyw offer distewi, neu os nad yw’n addas ar gyfer y car, bydd yn cyflawni’r drosedd.

Bydd rhai pibellau egsôst â stamp ‘Ddim at ddefnydd ffordd’ arnynt.                                               

(Ymateb yw hwn o dan Ddeddf Rhyddid Gwybodaeth 2000 ac fe’i datgelwyd ar 21 Mawrth 2023)