Cofnodi cerbydau wedi’u dwyn o dan reolau cyfrif y Swyddfa Gartref 550/2024

Cyfeirnod Rhyddid Gwybodaeth:  550/2024

Cais:

1. A allwch chi ddarparu ystadegau ar gyfer nifer y digwyddiadau a adroddwyd i Heddlu Dyfed-Powys am ‘gerbydau wedi’u dwyn’ (unrhyw fath o gymryd cerbyd heb awdurdod), rhwng 1 Medi 2023 a diwedd Ebrill 2024?
2. O’r nifer hwnnw, nodwch faint o’r achosion hyn a gofnodwyd o dan gategori troseddau cerbydau y Swyddfa Gartref (trosedd cerbydau 48 yn benodol – unrhyw fath o ddwyn neu gymryd cerbyd modur heb awdurdod), fel y’i dynodir yn y tabl gwirio’r prif drosedd.)
3. O’r digwyddiadau cychwynnol hynny a gofnodwyd, hoffwn gael dadansoddiad o’r canlynol:

(a) Sawl un a arweiniodd at weithredu llwyddiannus gan yr heddlu

(b) Sawl un yr ymchwiliwyd iddo lle bu’r heddlu yn aflwyddiannus yn eu hymdrechion i ddatrys yr achos

(c) Sawl un nad ymchwiliwyd iddo o gwbl (ac os yw’n bosibl, a allwch eu didoli i ddigwyddiadau a gaewyd oherwydd diffyg tystiolaeth i gychwyn ymchwiliad iddynt, a digwyddiadau yr ymchwiliwyd iddynt ond a newidiwyd i ‘fater sifil’?)

(d) A fyddech cystal ag esbonio sut mae Heddlu Dyfed-Powys yn cofnodi, ac yna’n archwilio, achosion sy’n cael eu newid i achosion nad ydynt yn drosedd (er enghraifft, pan fydd y swyddog yn dweud ei fod yn ‘fater sifil’) pan nad oes cod ar gyfer mater sifil neu debyg o fewn rheolau cyfrif y Swyddfa Gartref? 

Ymateb i gwestiwn 1

187

Ymateb i gwestiwn 2

105

Ymateb i gwestiwn 3a

27

(*Mae 30 o ymchwiliadau yn parhau i fynd rhagddynt felly mae’r ffigur uchod yn debygol o newid)

Ymateb i gwestiwn 3b

71

(*Mae 30 o ymchwiliadau yn parhau i fynd rhagddynt felly mae’r ffigur uchod yn debygol o newid)

Ymateb i gwestiwn 3c

Byddent i gyd yn cael eu hymchwilio i ryw raddau ond gallai hynny fod yn ddibynnol ar nifer o ffactorau. Caewyd 25 o ymchwiliadau oherwydd anawsterau tystiolaethol; ond gellid dod â’r rhain i’w terfyn ar unrhyw adeg o’r ymchwiliad. Nid ydym yn cofnodi deilliant mewn perthynas â materion sifil.

Ymateb i gwestiwn 3d

Mewn perthynas â chwestiwn 3d ar gyfer y cais rhyddid gwybodaeth sydd wedi’i rifo uchod, dyma fy niweddariad:

“Yn unol â rheolau cyfrif y Swyddfa Gartref, mae troseddau hysbysadwy yn cael eu cofnodi cyn gynted ag y mae’n ymarferol ar sail yr wybodaeth a ddarparwyd ar adeg yr adroddiad.  Os daw i’r amlwg yn ystod ymchwiliad ‘nad ydyw’n drosedd’, e.e. mater sifil (nad yw’n drosedd hysbysadwy yn unol â rheolau cyfrif y Swyddfa Gartref) a bod digon o wybodaeth wiriadwy ychwanegol i gadarnhau hyn, gall y swyddog sy’n cynnal yr ymchwiliad gyflwyno cais i’w ganslo.  Mae hon yn broses a gwblheir trwy Niche gan swyddog yr achos, sy’n darparu’r wybodaeth wiriadwy ychwanegol lawn sy’n dangos nad trosedd mohoni, ac sy’n ei chyflwyno i’r lle cywir i’w hadolygu a’i chanslo.  Dim ond penderfynwyr dynodedig o fewn y Tîm Archwilio Troseddau a all ganslo.”

Dylid nodi, o ganlyniad i’r systemau a fabwysiadwyd gan Heddlu Dyfed-Powys mewn perthynas â chofnodi gwybodaeth o’r fath, y gallai’r wybodaeth a ryddheir fod yn gywir neu beidio. Dylid nodi, am y rhesymau hyn, na ddylid defnyddio ymateb yr heddlu hwn i’ch cwestiynau at ddibenion cymharu ag unrhyw ymateb arall a gewch.           

(Ymateb yw hwn o dan Ddeddf Rhyddid Gwybodaeth 2000 ac fe’i datgelwyd ar 17 Mehefin 2024)