Cyfathrebu rhywiol â phlentyn 519/2024

Cyfeirnod Rhyddid Gwybodaeth: 519/2024

Cais:

1. Dywedwch wrthyf nifer y troseddau a gofnodwyd o dan adran 15A o Ddeddf Troseddau Rhyw 2003, cyfathrebu rhywiol â phlentyn, (cod cofnodi’r Swyddfa Gartref: 71/17) rhwng (ac yn cynnwys) 1 Ebrill 2023 a (ac yn cynnwys) 31 Mawrth 2024.
2. Lle bo modd, hoffwn wybod oedran a rhywedd y dioddefwr, wedi’u rhannu’n grwpiau oedran: 11 ac iau, 12-15, 16 a throsodd.
3. Dywedwch wrthyf oedran a rhywedd y dioddefwr ieuengaf.
4. Dywedwch wrthyf yr holl fathau o gyfathrebu (h.y. pa gyfryngau cymdeithasol neu blatfform negeseuon fel WhatsApp, Facebook, Twitter, Instagram, Snapchat, Kik, TikTok ac ati) sydd wedi’u cofnodi fel rhai sydd wedi’u defnyddio mewn cysylltiad â throseddau a gofnodwyd o dan adran 15A o Ddeddf Troseddau Rhywiol 2003, cyfathrebu rhywiol â phlentyn, rhwng (ac yn cynnwys) 1 Ebrill 2023, a (ac yn cynnwys) 31 Mawrth 2024.

Lle mae nifer y dioddefwyr yn fwy na sero ond yn llai na phump, defnyddiwch * os oes angen, yn hytrach na gwrthod fy nghais ar sail diogelu gwybodaeth bersonol.

Ymateb 1:

Gallaf gadarnhau bod Heddlu Dyfed-Powys yn cadw’r wybodaeth y gofynnwyd amdani, fel yr amlinellir isod.

67

Ymateb 2:

Gallaf gadarnhau bod Heddlu Dyfed-Powys yn cadw’r wybodaeth y gofynnwyd amdani, fel yr amlinellir isod.

Ymateb 3:

Gallaf gadarnhau bod Heddlu Dyfed-Powys yn cadw’r wybodaeth y gofynnwyd amdani, fel yr amlinellir isod.

Benyw

10 oed

Nid yw’r uchod yn ystyried y 26 trosedd sy’n destun ymchwiliad ar hyn o bryd gan fod esemptiad adran 30 yn berthnasol i’r 26 trosedd hynny, felly maent wedi’u heithrio.

Ymateb 4:

Gallaf gadarnhau bod Heddlu Dyfed-Powys yn cadw’r wybodaeth y gofynnwyd amdani, fel yr amlinellir isod.

Eglurhad o’r esemptiadau a gymhwyswyd:

Adran 30(1)(a) Ymchwiliadau a thrafodion a gynhelir gan awdurdodau cyhoeddus:

(1) Mae gwybodaeth a gedwir gan awdurdod cyhoeddus yn wybodaeth esempt os ydyw wedi cael ei chadw gan yr awdurdod ar unrhyw adeg at ddibenion—

(a) unrhyw ymchwiliad y mae gan yr awdurdod cyhoeddus ddyletswydd i’w gynnal er mwyn canfod (i) a ddylai unigolyn gael ei gyhuddo o drosedd, neu (ii) a ydyw unigolyn sydd wedi’i gyhuddo o drosedd yn euog ohoni.

Mae adran 30(1)(a) yn esemptiad amodol ar sail dosbarth. Mae hyn yn golygu bod y deddfwyr, wrth ysgrifennu’r ddeddfwriaeth, o’r farn y byddai rhyddhau gwybodaeth o’r fath o dan Ddeddf Rhyddid Gwybodaeth 2000 yn achosi niwed i’r awdurdod cyhoeddus neu’r unigolyn dan sylw. Nid oes felly unrhyw ofyniad i gynnal prawf niwed mewn perthynas â gwybodaeth o’r fath. Fodd bynnag, mae gofyniad i gynnal prawf budd y cyhoedd er mwyn canfod a allai budd y cyhoedd yn ehangach wrth ddatgelu fod yn drech na budd y cyhoedd o gynnal yr esemptiad.

Prawf budd y cyhoedd

Ystyriaethau o blaid datgelu:

Byddai datgelu’r wybodaeth yn gwella gwybodaeth ac ymwybyddiaeth y cyhoedd ynglŷn ag amlder troseddau o’r fath.

Ystyriaethau o blaid peidio â datgelu:

Mae’r esemptiad hwn yn cynnwys gwybodaeth a gedwir ar unrhyw adeg at ddiben ymchwiliad, p’un a ydyw’r achos yn mynd rhagddo, wedi’i gau neu wedi’i adael. Gallai rhyddhau manylion ymchwiliad parhaus, fel yn yr achos hwn, danseilio a rhagfarnu’r ymchwiliadau hynny. Byddai hyn yn effeithio ar alluoedd heddluoedd i orfodi’r gyfraith yn y dyfodol drwy rwystro atal neu ganfod trosedd.

Prawf cydbwysedd

Ar ôl ystyried manteision ac anfanteision datgelu, cyfrifoldeb Heddlu Dyfed-Powys yw cynnal prawf cydbwysedd ar y materion. Mae angen pwyso a mesur y ddadl gryfaf dros ddatgelu, sef ymwybyddiaeth y cyhoedd, yn erbyn y dadleuon cryfaf dros beidio â datgelu, sef yn yr achos hwn y byddai rhyddhau’r wybodaeth yn tanseilio ac yn rhagfarnu ymchwiliad parhaus a fyddai’n effeithio ar alluoedd a phrosesau’r heddlu i orfodi’r gyfraith yn y dyfodol, trwy eu llesteirio rhag atal neu ganfod troseddau.

Felly, yn holl amgylchiadau’r achos, mae budd y cyhoedd o gadw’r esemptiad yn drech na budd y cyhoedd o ddatgelu’r wybodaeth.                                               

Dylid nodi, o ganlyniad i’r systemau a fabwysiadwyd gan Heddlu Dyfed-Powys mewn perthynas â chofnodi gwybodaeth o’r fath, y gallai’r wybodaeth a ryddheir fod yn gywir neu beidio.

Ymhellach, dylid nodi hefyd ei bod yn ofynnol i heddluoedd y Deyrnas Unedig ddarparu ystadegau trosedd i gyrff y llywodraeth yn rheolaidd a phennir y meini prawf cofnodi yn genedlaethol.  Fodd bynnag, nid yw'r systemau a ddefnyddir ar gyfer cofnodi'r ffigurau hyn yn rhai generig, nac ychwaith yw’r gweithdrefnau a ddefnyddir yn lleol i gasglu data troseddau. Dylid nodi, am y rhesymau hyn, na ddylai ymateb yr heddlu hwn i'ch cwestiynau gael ei ddefnyddio at ddibenion cymharu ag unrhyw ymateb arall y gallech ei gael.

(Ymateb yw hwn o dan Ddeddf Rhyddid Gwybodaeth 2000 ac fe’i datgelwyd ar 14 Mehefin 2024)