Data am laddiadau 2023 405/2024

Cyfeirnod Rhyddid Gwybodaeth: 405/2024

Cais:

1. Faint o laddiadau a gofnodwyd gan eich heddlu yn 2023?

2. O’r lladdiadau a gofnodwyd gan eich heddlu yn 2023, faint o’r dioddefwyr a gafodd eu categoreiddio fel y canlynol?

• Gwryw
• Benyw
• Ddim yn hysbys/heb ei gofnodi

3. O’r lladdiadau a gofnodwyd gan eich heddlu yn 2023, faint o’r dioddefwyr a gafodd eu categoreiddio fel y canlynol?

• 0-12 oed
• 13-19 oed
• 20-24 oed
• 25-34 oed
• 35-44 oed
• 45-54 oed
• 55-64 oed
• 65 oed a throsodd 

4. O’r lladdiadau a gofnodwyd gan eich heddlu yn 2023, faint a gofnododd y dull lladd fel y canlynol?

• Cyllell neu arf miniog
• Saethu
• Arf di-awch
• Ymosodiad corfforol, dim arf
• Dull arall o ladd
• Ddim yn hysbys/heb ei gofnodi

5. O’r lladdiadau a gofnodwyd gan eich heddlu yn 2023, faint a gafodd eu hethnigrwydd wedi’i gofnodi gan y swyddog fel a ganlyn?

• Asiaidd
• Du
• Gwyn
• Arall
• Heb ei gofnodi/ddim yn hysbys 

6. O’r lladdiadau a gofnodwyd gan eich heddlu yn 2023, faint cafodd eu disgrifio fel y canlynol?

• Cam-drin domestig
• Nid cam-drin domestig 

7. O’r lladdiadau a gofnodwyd gan eich heddlu yn 2023:

• Faint oedd wedi arwain at gyhuddiad o lofruddiaeth wedi hynny ond nid euogfarn?
• Faint oedd wedi arwain at gyhuddiad o lofruddiaeth ac euogfarn wedi hynny? 
• Faint oedd heb arwain at unrhyw unigolyn yn cael ei gyhuddo o lofruddiaeth wedi hynny?

 

Ymateb:

Gallaf gadarnhau bod Heddlu Dyfed-Powys yn cadw’r wybodaeth y gofynnwyd amdani; fodd bynnag, rydym yn esemptio rhan o’r wybodaeth honno gan ein bod o’r farn bod yr esemptiadau canlynol yn gymwys:

Adran 30(1)(a) Ymchwiliadau ac achosion a gynhelir gan awdurdodau cyhoeddus

Mae adran 30(1)(a) yn esemptiad amodol ar sail dosbarth. Mae hyn yn golygu bod y deddfwyr, wrth ysgrifennu’r ddeddfwriaeth, o’r farn y byddai rhyddhau gwybodaeth o’r fath o dan Ddeddf Rhyddid Gwybodaeth 2000 yn achosi niwed i’r awdurdod cyhoeddus neu’r unigolyn dan sylw. Nid oes felly unrhyw ofyniad i gynnal prawf niwed mewn perthynas â gwybodaeth o’r fath. Fodd bynnag, mae gofyniad i gynnal prawf budd y cyhoedd er mwyn canfod a allai budd y cyhoedd yn ehangach wrth ddatgelu fod yn drech na budd y cyhoedd o gynnal yr esemptiad.

Adran 30(1)(a) Ymchwiliadau ac achosion a gynhelir gan awdurdodau cyhoeddus:

(1) Mae gwybodaeth a ddelir gan awdurdod cyhoeddus yn wybodaeth esempt os ydyw wedi cael ei chadw ar unrhyw adeg gan yr awdurdod at ddibenion—

(a) Unrhyw ymchwiliad y mae gan yr awdurdod cyhoeddus ddyletswydd i’w gynnal er mwyn canfod (i) a ddylai person gael ei gyhuddo o drosedd, neu (ii) a ydyw person sydd wedi’i gyhuddo o drosedd yn euog ohoni.

Prawf budd y cyhoedd

Ystyriaethau o blaid datgelu – Byddai datgelu’r wybodaeth yn gwella gwybodaeth a dealltwriaeth y cyhoedd o’r broses ymchwilio, a chan fod holl ymchwiliadau’r heddlu’n cael eu hariannu’n gyhoeddus, byddai’n dangos sut mae arian cyhoeddus yn cael ei wario. Mae ymchwiliadau i lofruddiaethau/lladdiadau yn hynod emosiynol ac yn denu llawer o ddiddordeb yn y cyfryngau, felly byddai datgelu’r wybodaeth yn dangos i’r cyhoedd bod yr ymchwiliad wedi’i gynnal yn briodol.

Ystyriaethau o blaid peidio â datgelu – Mae’r esemptiad hwn yn cynnwys gwybodaeth a ddelir ar unrhyw adeg at ddiben ymchwiliad, p’un a ydyw’r achos yn mynd rhagddo, wedi’i gau neu wedi’i adael. Yn ogystal â hyn, mae gweithdrefnau sefydledig eisoes ar waith ar gyfer datgelu pryd y byddai gwneud hynny o gymorth i ymchwiliad, er enghraifft, apêl am dystion drwy sianeli cyfryngau. Byddai datgelu’r wybodaeth y gofynnwyd amdani yn niweidio’r modd y cynhelir ymchwiliadau yn y dyfodol, a fyddai yn ei dro yn tanseilio hawl unigolyn i dreial teg. Byddai hyn yn rhwystro atal a chanfod troseddau a fyddai’n effeithio ar alluoedd heddluoedd i orfodi’r gyfraith yn y dyfodol.

Prawf cydbwysedd

Ar ôl ystyried manteision ac anfanteision datgelu, cyfrifoldeb Heddlu Dyfed-Powys yw cynnal prawf cydbwysedd ar y materion. Mae angen pwyso a mesur y ddadl gryfaf dros ddatgelu, sef ymwybyddiaeth y cyhoedd, yn erbyn y dadleuon cryfaf dros beidio â datgelu sef, yn yr achos hwn, y byddai’r datganiad yn tanseilio ac yn niweidio ymchwiliadau parhaus, a fyddai’n effeithio ar alluoedd yr heddluoedd i orfodi’r gyfraith yn y dyfodol drwy rwystro atal neu ganfod trosedd.

Felly, o fewn holl amgylchiadau’r achos, mae budd y cyhoedd o gadw’r esemptiad yn drech na budd y cyhoedd o ddatgelu’r wybodaeth.

 

Ymateb 1:

Lladdiadau yn 2023

4

 

Ymateb 2:

Gwryw	Benyw	Esemptiad adran 30 yn gymwys
2	1	1

 

Ymateb 3:

20-24	25-34	Esemptiad adran 30 yn gymwys
1	2	1

 

Ymateb 4:

Cyllell neu arf miniog	Esemptiad adran 30 yn gymwys
1	3

 

Ymateb 5:

Gwyn	Heb ei gofnodi/ddim yn hysbys	Esemptiad adran 30 yn gymwys
2	1	1

 

Ymateb 6:

Esemptiad adran 30 yn gymwys x 4

 

Ymateb 7:

Cyhuddiad ac euogfarn

1

Sylwch fod gan weddill y lladdiadau a gofnodwyd ddeilliannau gwahanol i’r rhai a restrir yn y cwestiwn, felly nid ydynt wedi’u cynnwys yn yr ymateb hwn.                                             

                                                           

Dylid nodi, o ganlyniad i’r systemau a fabwysiadwyd gan Heddlu Dyfed-Powys mewn perthynas â chofnodi gwybodaeth o’r fath, y gallai’r wybodaeth a ryddheir fod yn gywir neu beidio.

Ymhellach, dylid nodi hefyd ei bod yn ofynnol i heddluoedd yn y Deyrnas Unedig ddarparu ystadegau trosedd i gyrff y llywodraeth yn rheolaidd, a gosodir y meini prawf cofnodi yn genedlaethol. Fodd bynnag, nid yw’r systemau a ddefnyddir ar gyfer cofnodi’r ffigurau hyn yn rhai generig, nac ychwaith y gweithdrefnau a ddefnyddir yn lleol i gasglu’r data. Dylid nodi, am y rhesymau hyn, na ddylid defnyddio ymateb yr heddlu hwn i’ch cwestiynau at ddibenion cymharu ag unrhyw ymateb arall a gewch.

(Ymateb yw hwn o dan Ddeddf Rhyddid Gwybodaeth 2000 ac fe’i datgelwyd ar 4 Mehefin 2024)