Dioddefwyr cam-drin domestig 565/2024

Cyfeirnod Rhyddid Gwybodaeth: 565/2024

Cais:

1. Nifer y dioddefwyr o gam-drin domestig a gofnodwyd gan eich heddlu yn ystod y flwyddyn ddiwethaf.
   • Dadansoddiad o’r dioddefwyr hyn i’r categorïau risg canlynol:
   • Risg uchel
   • Risg canolig
   • Risg safonol

Cwestiwn i geisio eglurhad:

1. A ydych yn cyfeirio at ddigwyddiadau neu droseddau?Sylwch fod digwyddiad yn wahanol i drosedd. Digwyddiad yw cofnod o gyswllt a wnaed â’r heddlu gan unigolyn/aelod o’r cyhoedd (fel arfer trwy alwad 999 neu 101), a throsedd yw pan fo’r trothwy wedi’i gyrraedd er mwyn i’r heddlu dybio bod trosedd wedi digwydd, fel y’i diffinnir gan y gyfraith.
2. Am ba gyfnod o amser ydych chi’n gwneud y cais hwn? A ydych yn dymuno cael data ar gyfer blwyddyn galendr 2023 neu rhwng 31 Mai 2023 a 30 Mai 2024?

Ateb i egluro:

Rydym mewn gwirionedd am wybod faint o ddioddefwyr cam-drin domestig sydd gennych ar eich system ar hyn o bryd, a sut mae’r niferoedd hynny’n cael eu dadansoddi a’u dosbarthu’n achosion risg uchel, canolig a safonol, lle bo ‘uchel’ yn cyfeirio at fygythiad uniongyrchol i fywyd unigolyn.

Byddwn yn gwerthfawrogi ffigurau ar gyfer y flwyddyn ariannol o 1 Ebrill 2023 i 31 Mawrth 2024. Os nad yw ffigurau eleni ar gael byddem yn hapus i gymryd y ffigurau ar gyfer y flwyddyn ariannol o 1 Ebrill 2022 i 31 Mawrth 2023.

Rydym eisoes wedi gallu cael ffigurau digwyddiadau a throseddau gan y Swyddfa Ystadegau Gwladol ar gyfer y flwyddyn ariannol o 1 Ebrill 2022 i 31 Mawrth 2023.

Ymateb:

Gallaf gadarnhau bod Heddlu Dyfed-Powys yn cadw’r wybodaeth y gofynnwyd amdani, fel yr amlinellir isod.

Sylwch, byddai nifer y dioddefwyr yr un fath â nifer y digwyddiadau o gam-drin domestig (troseddau a digwyddiadau), hy un dioddefwr fesul digwyddiad neu drosedd.

Mae’r ffigurau isod yn cyfeirio at nifer y digwyddiadau ac maen nhw wedi’u dadansoddi yn ôl risg, sy’n seiliedig ar Hysbysiad er Diogelu’r Cyhoedd (PPN) cychwynnol o ran cam-drin domestig sydd ynghlwm wrth drosedd / digwyddiad.

Dylid nodi, o ganlyniad i’r systemau a fabwysiadwyd gan Heddlu Dyfed-Powys mewn perthynas â chofnodi gwybodaeth o’r fath, y gallai’r wybodaeth a ryddheir fod yn gywir neu beidio.

Ymhellach, dylid nodi hefyd ei bod yn ofynnol i heddluoedd y Deyrnas Unedig ddarparu ystadegau trosedd i gyrff y llywodraeth yn rheolaidd a phennir y meini prawf cofnodi yn genedlaethol.  Fodd bynnag, nid yw'r systemau a ddefnyddir ar gyfer cofnodi'r ffigurau hyn yn rhai generig, nac ychwaith yw’r gweithdrefnau a ddefnyddir yn lleol i gasglu data troseddau. Dylid nodi, am y rhesymau hyn, na ddylai ymateb yr heddlu hwn i'ch cwestiynau gael ei ddefnyddio at ddibenion cymharu ag unrhyw ymateb arall y gallech ei gael.

(Ymateb yw hwn o dan Ddeddf Rhyddid Gwybodaeth 2000 ac fe’i datgelwyd ar 10 Mehefin 2024)