Mapio troseddau 685/2023

Cyfeirnod Rhyddid Gwybodaeth: 685/2023

Cais:

1. Mewn perthynas â defnydd eich heddlu o ddangosydd map STORM SopraSteria a mapiau ffynhonnell agored QGIS, darparwch y canlynol:

1. Pa fathau o ddata a ddefnyddir yn y system(au) (e.e. adroddiadau trosedd, troseddau a gofnodwyd, data stopio a chwilio, data codau post, gwybodaeth economaidd-gymdeithasol, data cyfrifiad, neu ddata demograffig arall megis ethnigrwydd neu genedligrwydd);
2. Ar gyfer beth mae canlyniadau neu ragfynegiadau’r system(au) yn cael eu defnyddio yn weithredol (e.e. dyrannu adnoddau, ymyriadau wedi’u targedu, gweithrediadau);

2. A yw eich heddlu yn cadw rhestrau neu gronfeydd data penodol o bobl yr honnir eu bod yn ymwneud â mathau penodol o droseddu neu ymddygiad troseddol, megis troseddau ‘gang’, ‘llinellau sirol’, troseddau cyllyll, troseddau treisgar, camfanteisio’n droseddol ar blant, neu’n cynnal unrhyw broffilio neu asesu risg mewn perthynas â’r rhestrau neu gronfeydd data hynny? Os hynny, rhowch:

1. Enwau’r gronfa ddata / cronfeydd data neu restr(au);
2. Os yw’n hysbys ac yn hawdd ei adalw, y dyddiad y crëwyd pob cronfa ddata neu restr gyntaf;
3. Y meini prawf ar gyfer eu cynnwys yn y gronfa ddata / cronfeydd data neu restr(au);
4. Os ydynt ar gael mewn fformat hawdd ei adalw, y math o ddata a ddefnyddir i asesu’r meini prawf ar gyfer eu cynnwys yn y gronfa ddata / cronfeydd data neu restr(au);

Ymateb 1:

Gallaf gadarnhau bod Heddlu Dyfed–Powys yn cadw’r wybodaeth y gofynnwyd amdani, fel yr amlinellir isod.

O bryd i’w gilydd, bydd Swyddfa Cudd-wybodaeth yr heddlu yn defnyddio mapiau ffynhonnell agored QGIS i fapio lleoliadau troseddau yn weledol. Defnyddir y mapiau ar gyfer dogfennau strategol ac fel arddangosion cudd-wybodaeth/tystiolaeth ar gyfer ymchwiliadau gweithredol.

Mae Canolfan Gyfathrebu’r heddlu ond yn defnyddio dangosydd map STORM ar gyfer dod o hyd i ddigwyddiadau a’r uned addas agosaf ar gyfer mynychu’r digwyddiad hwnnw.

Ymateb 2:

Gallaf gadarnhau nad yw Heddlu Dyfed–Powys yn cadw’r wybodaeth y gofynnwyd amdani, fel yr amlinellir isod.

Nac ydy                                               

(Ymateb yw hwn o dan Ddeddf Rhyddid Gwybodaeth 2000 ac fe’i datgelwyd ar 3 Mehefin 2024)