Teitlau swyddi, disgrifiadau, graddfa gyflog, lwfansau 472/2024
Cyfeirnod Rhyddid Gwybodaeth: 472/2024
Cais:
- A allwch chi nodi teitlau swyddi’r swyddogion heddlu/staff sy'n cyflawni'r rolau canlynol yn eich sefydliad?
- Gweithredu camerâu cyflymder symudol y tu mewn i faniau gorfodi cyfyngiadau cyflymder.
- Cludo, gosod, gweithredu a/neu gynnal a chadw camerâu diogelwch ffyrdd sefydlog.
- Gweld y delweddau ffotograffig/ffilm o’r troseddau a gafodd eu dal gan gamerâu diogelwch ac sy’n prosesu’r troseddau yn unol â chanllawiau cenedlaethol a pholisi'r heddlu.
- Prosesu hysbysiadau o’r bwriad i erlyn a hysbysiadau cosb benodedig a gynhyrchir o orfodi troseddau a ganfuwyd gan gamerâu diogelwch.
- Rheoli archebion/taliadau gan yrwyr mewn perthynas â chyrsiau Cynllun Cenedlaethol Ailhyfforddi Troseddwyr Gyrru.
- Rheolwyr llinell y swyddogion/staff sy'n cyflawni'r swyddogaethau a restrir ym mhwyntiau a-e uchod.
Ar gyfer pob rôl, atodwch y swydd-ddisgrifiad a nodwch y raddfa gyflog/amrediad cyflog sylfaenol (o 1 Ebrill 2024), a oes unrhyw lwfansau/gwelliannau am weithio ar benwythnosau/shifftiau/oriau anghymdeithasol yn ymwneud â’r swydd ac unrhyw wybodaeth bellach a fyddai’n cael eu cynnwys fel arfer mewn swydd-ddisgrifiad ar gyfer y rôl.
- Cyfanswm y swyddi swyddogion/staff cyfwerth ag amser llawn o fewn y swydd a nodir yn C1a? Rhowch fanylion unrhyw swyddi sy'n wag ar hyn o bryd o fewn y ffigur hwn.
- Os ydynt yn staff heddlu, a oes ganddynt awdurdod dirprwyedig gan y Prif Gwnstabl er mwyn ei bod yn drosedd rhwystro Swyddog Cefnogi’r Heddlu wrth gyflawni ei ddyletswydd, yn unol ag adran 38 o Ddeddf Diwygio’r Heddlu 2002 fel y’i diwygiwyd gan Ddeddf Plismona a Throsedd 2017, gan fod ganddynt bŵer a dyletswydd cwnstabl yn amodol ar yr eithriad a nodir yn rhan 1 o’r atodlen honno wrth orfodi terfynau cyflymder drwy ganfod troseddau?
- Cyfanswm nifer y faniau a ddefnyddir ar gyfer gorfodi terfynau cyflymder? Cynhwyswch gerbydau lle mae'r camera fel arfer yn cael ei weithredu o'r tu mewn i'r cerbyd yn unig. A oes unrhyw rai o'r cerbydau hyn yn rhai trydanol neu hybrid?
- Nodwch pa ddyfeisiau canfod cyflymder sy'n cael eu gweithredu ar hyn o bryd y tu mewn i faniau â chamera diogelwch yn eich heddlu, ee LTI Concept II CF, Truvelo LASERcam 4, ac ati…
- O 1 Ebrill 2024, o sawl lleoliad ydych chi'n gweithredu'r faniau â chamera cyflymder symudol? Dylech ond gynnwys lleoliadau lle mae'r camera'n cael ei weithredu o'r tu mewn i'r cerbyd yn hytrach na dyfeisiau llaw sy'n cael eu gweithredu gan swyddog/staff sy'n sefyll y tu allan i'r cerbyd.
Ymateb 1a:
Gallaf gadarnhau bod Heddlu Dyfed-Powys yn cadw’r wybodaeth y gofynnwyd amdani, fel yr amlinellir isod.
Swyddog Cefnogi'r Heddlu Lleihau Anafiadau. Swydd-ddisgrifiad wedi’i atodi. Graddfa gyflog D.
Ymateb 1b-d:
Gallaf gadarnhau nad yw Heddlu Dyfed-Powys yn cadw’r wybodaeth y gofynnwyd amdani, a hynny oherwydd mai Heddlu De Cymru sy’n cadw’r wybodaeth hon.
Ymateb 1e:
Gallaf gadarnhau bod Heddlu Dyfed-Powys yn cadw’r wybodaeth y gofynnwyd amdani, fel yr amlinellir isod.
Goruchwyliwr y Cynllun Ailhyfforddi Gyrwyr. Swydd-ddisgrifiad wedi’i atodi. Graddfa gyflog D. Nid oes unrhyw lwfansau/gwelliannau ar gyfer gweithio ar benwythnosau/shifftiau/oriau anghymdeithasol.
Cefnogaeth glerigol. Swydd-ddisgrifiad wedi’i atodi. Graddfa gyflog C. Nid oes unrhyw lwfansau/gwelliannau ar gyfer gweithio ar benwythnosau/shifftiau/oriau anghymdeithasol.
Ymateb 1f:
Gallaf gadarnhau bod Heddlu Dyfed-Powys yn cadw’r wybodaeth y gofynnwyd amdani, fel yr amlinellir isod.
Rhingyll yr heddlu. Swydd-ddisgrifiad wedi’i atodi.
Ymateb 2:
Gallaf gadarnhau bod Heddlu Dyfed-Powys yn cadw’r wybodaeth y gofynnwyd amdani, fel yr amlinellir isod.
8.75 o swyddi cyfwerth ag amser llawn
(Mae 2.25 o’r swyddi cyfwerth ag amser llawn hyn yn wag ar hyn o bryd)
Ymateb 3:
Gallaf gadarnhau bod Heddlu Dyfed-Powys yn cadw’r wybodaeth y gofynnwyd amdani, fel yr amlinellir isod.
Ydyw.
Ymateb 4:
Gallaf gadarnhau bod Heddlu Dyfed-Powys yn cadw’r wybodaeth y gofynnwyd amdani, fel yr amlinellir isod.
Nifer - 8.
Ymateb 5:
Gallaf gadarnhau bod Heddlu Dyfed-Powys yn cadw’r wybodaeth y gofynnwyd amdani, fel yr amlinellir isod.
LTI Concept
Ymateb 6:
Mae adran 1 o Ddeddf Rhyddid Gwybodaeth 2000 yn gosod dwy ddyletswydd ar awdurdodau cyhoeddus. Oni bai bod esemptiadau’n berthnasol, y ddyletswydd gyntaf yn adran 1(1)(a) yw cadarnhau, neu wadu, a yw’r wybodaeth a nodir mewn cais yn cael ei chadw. Yr ail ddyletswydd yn Adran 1(1)(b) yw datgelu gwybodaeth y cadarnhawyd ei bod yn cael ei chadw.
Lle dibynnir ar esemptiadau mae adran 17 o Ddeddf Rhyddid Gwybodaeth 2000 yn ei gwneud yn ofynnol i Heddlu Dyfed-Powys, wrth wrthod darparu gwybodaeth o’r fath (gan fod yr wybodaeth wedi’i hesemptio) roi hysbysiad i chi y sawl sy’n gwneud cais:
(a) yn datgan y ffaith honno,
(b) yn pennu'r esemptiad o dan sylw, ac
(c) yn datgan (os na fyddai hynny’n amlwg fel arall) pam bod yr esemptiad yn gymwys.
Gallaf gadarnhau bod Heddlu Dyfed-Powys yn cadw’r wybodaeth y gofynnwyd amdani, ond mae’r esemptiad a ganlyn mewn grym mewn perthynas â’r holl wybodaeth yr ydych wedi gofyn amdani:
Adran 21 – Gwybodaeth sy’n rhesymol hygyrch drwy ddulliau eraill:
“(1) Mae gwybodaeth sy’n rhesymol hygyrch i’r sawl sy’n gwneud cais ac eithrio o dan adran 1 yn wybodaeth esempt.
(2) At ddibenion is-adran (1) —
(a)gall gwybodaeth fod yn rhesymol hygyrch i’r sawl sy’n gwneud cais er mai dim ond am dâl y mae’n hygyrch, a
(b) bernir bod gwybodaeth yn rhesymol hygyrch i’r sawl sy’n gwneud cais os yw’n wybodaeth y mae’n ofynnol i’r awdurdod cyhoeddus, neu unrhyw berson arall, o dan unrhyw ddeddfiad ei chyfleu (ac eithrio drwy drefnu bod yr wybodaeth ar gael i’w harchwilio) i aelodau’r cyhoedd ar gais, boed yn rhad ac am ddim neu am dâl.
(3) At ddibenion is-adran (1), nid yw gwybodaeth a gedwir gan awdurdod cyhoeddus ac nad yw’n dod o fewn is-adran (2)(b) i’w hystyried yn rhesymol hygyrch i’r sawl sy’n gwneud cais dim ond oherwydd bod yr wybodaeth ar gael oddi wrth yr awdurdod cyhoeddus ei hun ar gais, oni bai bod yr wybodaeth ar gael yn unol â chynllun cyhoeddi’r awdurdod a bod unrhyw daliad sy’n ofynnol yn cael ei bennu yn y cynllun, neu ei benderfynu yn unol ag ef.”
Gellir cyrchu’r wybodaeth y gofynnwyd amdani yng nghwestiwn 6 drwy’r hyperddolen a ganlyn –
Map Camerâu | Partneriaeth Lleihau Anafiadau Ffyrdd Cymru GanBwyll
(Ymateb yw hwn o dan Ddeddf Rhyddid Gwybodaeth 2000 ac fe’i datgelwyd ar 06/06/2024)