Adnabod Dioddefwyr Trychineb - 566/2021

Cais:

A gaf i ofyn am ddogfennau sy’n ymwneud ag Adnabod Dioddefwyr Trychineb (ADT) os gwelwch chi’n dda? Yn benodol:  

1. Cofnod o hyfforddiant swyddogion mewn ADT, unrhyw gwrs. Nid enwau’n benodol, ond nifer y swyddogion ac
   • y math o hyfforddiant.
2. Cofnodion hyfforddiant gloywi o ran ADT (unrhyw gwrs, ac eto, niferoedd, nid enwau).
3. Copi o ddatganiad Gallu ADT yr heddlu.
4. Copi o ganllaw ansawdd (ADT) yr heddlu os oes un gyda chi.
5. A oes gan eich heddlu ffordd o adolygu adborth (ADT) gan gwsmeriaid? Gallai hyn fod yn senarios arfer gorau, neu o ddigwyddiadau byw.

 

Ymateb:

Cwestiwn 1:

Medraf gadarnhau bod Heddlu Dyfed-Powys yn dal y wybodaeth y gofynnwyd amdani, fodd bynnag, yr ydym yn eithrio’r wybodaeth hon yn rhinwedd Adran 31(a)(b) – Gorfodi’r Gyfraith.  Gweler diwedd y ddogfen am esboniad o’r eithriad a weithredwyd os gwelwch chi’n dda.

 

Cwestiwn 1a:

Medraf gadarnhau bod Heddlu Dyfed-Powys yn dal y wybodaeth y gofynnwyd amdani. Mae’r manylion fel a ganlyn:

• Hyfforddiant Sylfaenol ADT y Coleg Plismona

 

Cwestiwn 2:

Medraf gadarnhau bod Heddlu Dyfed-Powys yn dal y wybodaeth y gofynnwyd amdani, fodd bynnag, yr ydym yn eithrio’r wybodaeth hon yn rhinwedd Adran 31(a)(b) – Gorfodi’r Gyfraith.  Gweler diwedd y ddogfen am esboniad o’r eithriad a weithredwyd os gwelwch chi’n dda.

Noder: Darparwyd y wybodaeth ganlynol y tu allan i’r Ddeddf Rhyddid Gwybodaeth fel arwydd o ewyllys da i’ch cynorthwyo â’ch cais.

Rhaid i bersonél sydd wedi derbyn hyfforddiant Sylfaenol ADT y Coleg Plismona gwblhau hyfforddiant gloywi, sy’n orfodol bob 2 flynedd.

 

Cwestiwn 3:

Medraf gadarnhau nad oes gwybodaeth yn cael ei dal/wedi’i chofnodi gan Heddlu Dyfed-Powys.

 

Cwestiwn 4:

Medraf gadarnhau nad oes gwybodaeth yn cael ei dal/wedi’i chofnodi gan Heddlu Dyfed-Powys.

 

Cwestiwn 5:

Medraf gadarnhau nad oes gan Heddlu Dyfed-Powys ffordd o adolygu adborth (ADT) gan gwsmeriaid.

Noder: Darparwyd y wybodaeth ganlynol y tu allan i’r Ddeddf Rhyddid Gwybodaeth fel arwydd o ewyllys da i’ch cynorthwyo â’ch cais.

Mae pob lleoliad gweithredol yn destun ôl-drafod ffurfiol.                         

_______________________________

Esboniad o’r eithriad a weithredwyd:

Medraf gadarnhau bod Heddlu Dyfed-Powys yn dal y wybodaeth y gofynnwyd amdani, fodd bynnag, gweithredwyd eithriad Adran 31(1)(a)(b) Gorfodi’r Gyfraith i’r wybodaeth y gofynnwyd amdani, gan eithrio ei rhyddhau.  

Mae Adran 1 Deddf Rhyddid Gwybodaeth 2000 yn gosod dwy ddyletswydd ar awdurdodau cyhoeddus. Oni bai bod eithriadau’n gymwys, y ddyletswydd gyntaf dan Adran 1(1) (a) yw cadarnhau a yw’r wybodaeth a nodir mewn cais yn cael ei dal. Yr ail ddyletswydd dan Adran 1(1) (b) yw datgelu’r wybodaeth sydd wedi’i chadarnhau fel gwybodaeth sy’n cael ei dal.

Lle y dibynnir ar eithriadau, yn ôl adran 17 o’r Ddeddf Rhyddid Gwybodaeth, mae’n ofynnol inni roi hysbysiad i’r ceisydd sy’n:

1. a) nodi’r ffaith hwnnw,
2. b) nodi’r eithriad(au) dan sylw ac
3. c) Yn nodi (pe na fyddai’n amlwg fel arall) pam fod yr eithriad yn gymwys.

 

Adran 31(1)(a)(b) – Gorfodi’r Gyfraith

(1) Mae gwybodaeth sydd heb ei heithrio yn rhinwedd adran 30 yn wybodaeth eithriedig pe bai ei datgelu o dan y Ddeddf hon yn rhagfarnu, neu’n debygol o ragfarnu -

(a) atal neu ddatrys trosedd

(b) dal neu erlyn troseddwyr

Mae Adran 31 yn eithriad cymwys ar sail rhagfarn, ac o’r herwydd, mae angen darparu manylion am y niwed yn ogystal â’r prawf budd cyhoeddus.

 

Tystiolaeth o Niwed

O dan y Ddeddf, ni allwn, ac nid ydym, yn gofyn am gymhellion unrhyw un sy’n gwneud cais am wybodaeth. Nid oes gennym unrhyw amheuaeth bod y rhan fwyaf o geisiadau a wneir dan y Ddeddf yn ddilys, ac nad oes gan y ceiswyr unrhyw gymhellion cudd. Fodd bynnag, drwy ddatgelu gwybodaeth i un ceisydd, yr ydym yn mynegi parodrwydd i’w rhoi i unrhyw un yn y byd. Golyga hyn bod datgelu’r wybodaeth i rywun sydd â gwir ddiddordeb ac sydd wir yn poeni’n ei gwneud yn agored i ddatgeliad tebyg, gan gynnwys y rhai a fyddai’n defnyddio’r wybodaeth i ennill mantais dros ein gallu i arfer ein swyddogaeth graidd, sef Gorfodi’r Gyfraith. 

Wrth ystyried pa un ai a ddylid datgelu’r wybodaeth hon ai peidio, ystyriwyd y niwed a allai gael ei achosi gan ddatgelu. Mae cyfrifoldeb ar y gwasanaeth heddlu i orfodi’r gyfraith, atal a datrys troseddau, ac amddiffyn y cymunedau yr ydym yn eu gwasanaethu. Gallai rhyddhau unrhyw allu gweithredol o ran nifer y personél sydd wedi derbyn hyfforddiant ADT danseilio’r sefyllfa hwnnw. Mae ADT yn arbenigedd sy’n cael ei ddal gan sawl gwasanaeth heddlu ledled y wlad, mewn niferoedd digonol fel bod modd i bersonél sydd wedi derbyn hyfforddiant ADT ymateb i drychineb ar y raddfa fwyaf. Byddai rhyddhau’r manylion hyn nid yn unig yn datgelu gallu gweithredol Heddlu Dyfed-Powys, ond byddai’n creu effaith fosaig ledled y wlad, gan ddangos meysydd o allu a gwendid. O ganlyniad, gallai’r rhai sy’n dymuno cyflawni gweithredoedd troseddol ddefnyddio’r wybodaeth a gafwyd am feysydd o allu a gwendid o’r datgeliad i’w mantais eu hun, gan arwain at weithgarwch troseddol pellach.

Gellir ond ystyried y byddai datgelu gwybodaeth sy’n debygol o danseilio gallu’r gwasanaeth Heddlu i wasanaethu’r cyhoedd o ran atal a datrys troseddau yn niweidiol i’r cyhoedd.

 

Prawf Budd Cyhoeddus:

Adran 31 – Ystyriaethau sy’n ffafrio datgelu:

Byddai ffactorau sy’n ffafrio datgelu’r wybodaeth hon yn cynnwys gwell ymwybyddiaeth, ac fe allai leihau trosedd neu arwain at fwy o wybodaeth gan y cyhoedd.

 

Adran 31 – Ystyriaethau sy’n ffafrio peidio â datgelu:

Fodd bynnag, ffactorau sy’n ffafrio peidio â datgelu yw’r ffaith y byddai’n cyfaddawdu tactegau gorfodi’r gyfraith a gallai mwy o droseddau gael eu cyflawni. Byddai hyn yn effeithio ar adnoddau’r heddlu ac yn rhwystro atal neu ddatrys troseddau ac yn rhoi unigolion mewn perygl.

 

Prawf Cydbwyso:

Ar ôl ystyried manteision ac anfanteision datgelu, mae’n syrthio ar Heddlu Dyfed-Powys i gynnal prawf cydbwyso ar y materion. Mae angen pwyso a mesur y ddadl gryfaf dros ddatgelu, sef y gallai gwell ymwybyddiaeth leihau trosedd neu arwain at fwy o wybodaeth gan y cyhoedd, yn erbyn y ddadl gryfaf dros beidio â datgelu, sef, yn yr achos hwn, Gorfodi’r Gyfraith yn Effeithiol. Gwaith y Gwasanaeth Heddlu yw atal a datrys troseddau a diogelu’r cyhoedd. Tra bod diddordeb cyhoeddus o ran y ffaith y gallai gwell ymwybyddiaeth leihau trosedd neu arwain at fwy o wybodaeth gan y cyhoedd, mae diddordeb cyhoeddus cryf iawn mewn gwarchod amddiffyn y cyhoedd a’r defnydd effeithiol o adnoddau’r heddlu.

Gan hynny, yn holl amgylchiadau’r achos, mae’r budd cyhoeddus ar gyfer cynnal yr eithriad yn gorbwyso’r budd cyhoeddus mewn datgelu’r wybodaeth.

___________________________________

Dylid nodi nad yw’r wybodaeth a ryddhawyd o reidrwydd yn gywir o ganlyniad i’r systemau sydd wedi’u mabwysiadu gan Heddlu Dyfed-Powys mewn perthynas â chofnodi materion o’r fath.