Polisi Absenoldeb ar gyfer Rhesymau Personol a Theuluol ac Absenoldebau Arbennig Eraill

1. Datganiad Polisi

Dylid darllen y polisi hwn ar y cyd â’r ddogfen ganllaw Absenoldeb ar gyfer Rhesymau Personol a Theuluol ac Absenoldebau Arbennig Eraill.

Nod y Polisi hwn yw cyfuno gwybodaeth am hawliau o ran amser i ffwrdd ac absenoldebau y cyfeirir atynt fel arall ar wahân mewn dogfen bolisi, amodau gwasanaeth a rheoliadau’r heddlu. Dylai hyn gynorthwyo rheolwyr a staff i adnabod hawliau o ran amser i ffwrdd ac absenoldebau’n gyflym.

 

Mae’n berthnasol i’r canlynol (ond heb fod yn gyfyngedig i hynny): Holl gategorïau swyddogion a staff Heddlu Dyfed-Powys, boed yn staff llawn amser, rhan amser, parhaol, tymor penodol, dros dro (gan gynnwys staff asiantaeth, contractwyr a chymdeithion) staff ar secondiad a gwirfoddolwyr. Dylai swyddogion, staff a gwirfoddolwyr yr Heddlu sy’n cael mynediad at asedau ac eiddo’r Heddlu ac sy’n eu defnyddio roi ystyriaeth ddyledus i gynnwys y polisi hwn.

 

 

 

2. Cwmpas y Polisi

Mae Heddlu Dyfed-Powys yn cydnabod bod yn rhaid i lawer o’i weithwyr gydbwyso gofynion gweithio ar gyfer y Gwasanaeth Heddlu â’u hymrwymiadau cartref/teuluol. 

Mae’r polisi hwn yn crynhoi’r mathau gwahanol o absenoldebau ac amser i ffwrdd o’r gwaith y mae gan swyddogion a staff yr hawl iddynt. 

Mae’r polisi hwn yn berthnasol i Swyddogion a Staff. Nid yw’n ffurfio rhan o delerau ac amodau cyflogaeth, a gall newid yn ôl disgresiwn Prif Swyddogion. 

 

2.1  Mae categorïau Absenoldeb Teuluol a Phersonol yn cynnwys: -

• Absenoldeb Mamolaeth, Tadolaeth a Mabwysiadu, ac Absenoldeb Rhieiniol a Rennir
• Absenoldeb Rhieiniol
• Absenoldeb i dderbyn Triniaeth Ffrwythloni
• Amser i ffwrdd ar gyfer Dibynyddion, gan gynnwys cyfnodau yn yr ysbyty.
• Absenoldeb Tosturiol
• Absenoldeb Profedigaeth Rhieni
• Mynychu Apwyntiadau Meddyg a Deintydd
• Apwyntiadau sgrinio meddygol
• Amser i ffwrdd ar gyfer mynychu apwyntiadau ysbyty.
• Absenoldeb Anabledd
• Absenoldeb Astudio
• Absenoldeb Di-dâl
• Absenoldeb Gofalwyr
• Absenoldeb Newydd-eni
• Caniatâd yn ôl disgresiwn

 

2.2.  Categorïau absenoldeb eraill, gan gynnwys y canlynol: -

• Dyletswyddau Undeb Llafur a Chymdeithas Staff
• Mynd i Gyfweliadau a Phrosesau Dethol
• Mynd i Flint House.
• Gwasanaeth Rheithgor

2.3   Categorïau Absenoldeb Arbennig, gan gynnwys y canlynol: -

• Dyletswyddau Cyhoeddus
• Cystadlaethau Chwaraeon yr Heddlu
• Milwyr Wrth Gefn

 

3.  Pwerau a Gofynion Polisi/Cyfreithiol

Mae’r polisi hwn wedi’i greu yn unol â chanllawiau a deddfwriaethau cyfraith cyflogaeth ac ar ôl ymgynghori â chymdeithasau staff a rhwydweithiau cymorth.

Mae ffurflen Asesiad o’r Effaith ar Gydraddoldeb wedi’i gwblhau.

Mae’r dogfennau mewnol canlynol yn ymwneud yn uniongyrchol â’r polisi hwn: -

• Dogfen ganllaw Absenoldeb ar gyfer Rhesymau Personol a Theuluol ac Absenoldebau Arbennig Eraill.
• Llawlyfr Cyflog ac Amodau Gwasanaeth Staff yr Heddlu dyddiedig Tachwedd 2021.
• Cylchlythyr Staff yr Heddlu Rhif 139 - Dyletswyddau Cyhoeddus
• Polisi Mamolaeth, Tadolaeth a Mabwysiadu.
• Polisi Absenoldeb Rhieiniol a Rennir

 

4.  Opsiynau a Dewisiadau wrth Gefn

Mae’r Cod Moeseg yn berthnasol i’r polisi hwn a’r ddogfen ganllaw gysylltiedig.

Mae angen y canlynol ar gyfer plismona moesegol - 

• Dewrder
• Parch ac Empathi
• Gwasanaeth Cyhoeddus

Mae'r polisi hwn yn anelu i gefnogi cyflenwi Ein Cynllun a'n Llw Diwylliant.

 

5.  Gweithredu ac Adolygu

Bydd yr adran Datblygu Pobl a’r Sefydliad yn monitro’r polisi hwn a’r ddogfen ganllaw gysylltiedig ac yn ei adolygu yn gyson.

Bydd y dogfennau’n cael eu monitro er mwyn sicrhau eu bod yn addas ar gyfer y diben, newidiadau i ddeddfwriaethau a chanllawiau cenedlaethol ac unrhyw heriau i’r polisi.

Bydd unrhyw ddiwygiadau i’r polisi hwn a’r ddogfen ganllaw gysylltiedig yn cael eu cwblhau gan yr adran Datblygu Pobl a’r Sefydliad a’u gweithredu drwy’r Bwrdd Pobl, Diwylliant a Moeseg.

Diben y polisi hwn yw cyfuno hawl ar gyfer amser i ffwrdd ac absenoldebau er mwyn darparu cysondeb ar gyfer staff a rheolwyr.

COD MOESEG - TYSTYSGRIF GYDYMFFURFIO

Mae'r polisi hwn wedi'i ddrafftio yn unol â'r Coed Moeseg ac fe'i hadolygwyd ar sail ei gynnwys a'r dystiolaeth ategol a bernir ei fod yn cydymffurfio â'r Cod hwnnw a'r egwyddorion sy'n sail iddo.

 

TYSTYSGRIF GYDYMFFURFIO'R DDEDDF HAWLIAU DYNOL

Mae'r polisi hwn wedi'i ddrafftio yn unol â'r Ddeddf Hawliau Dynol ac fe'i hadolygwyd ar sail ei gynnwys a'r dystiolaeth ategol a bernir ei fod yn cydymffurfio â'r Ddeddf honno a'r egwyddorion sy'n sail iddi.

 

ASESIAD O'R EFFAITH AR GYDRADDOLDEB

Mae adran 4 o Ddeddf Cydraddoldeb 2010 yn nodi'r nodweddion gwarchodedig sy'n gymwys i'w gwarchod o dan y Ddeddf fel a ganlyn: Oedran; Anabledd; Ailbennu Rhywedd; Priodas a Phartneriaeth Sifil; Beichiogrwydd a Mamolaeth; Hil; Crefydd neu Gred; Rhyw; Cyfeiriadedd Rhywiol.

Mae dyletswydd cydraddoldeb y sector cyhoeddus yn gosod gofyniad cyfreithiol rhagweithiol ar gyrff cyhoeddus i ystyried, wrth arfer eu swyddogaethau, yr angen i:

• ddileu gwahaniaethu, aflonyddu, erledigaeth, ac unrhyw ymddygiad arall sy'n anghyfreithlon o dan y Ddeddf;
• hyrwyddo cyfle cyfartal rhwng unigolion sy'n rhannu nodwedd warchodedig berthnasol ac unigolion nad ydynt yn ei rhannu;
• meithrin perthnasoedd da rhwng unigolion sy'n rhannu nodwedd warchodedig berthnasol ac unigolion nad ydynt yn ei rhannu.

Mae'r ddyletswydd cydraddoldeb yn berthnasol i'r holl nodweddion gwarchodedig ac eithrio Priodas a Phartneriaeth Sifil: dim ond y ddyletswydd i ystyried yr angen i ddileu gwahaniaethu sy’n berthnasol i’r nodwedd hon.

Mae cynnal asesiad o effaith ar gydraddoldeb yn cynnwys asesu'n systematig effeithiau tebygol neu wirioneddol polisïau ar bobl mewn perthynas â'r holl nodweddion gwarchodedig a nodir uchod.

Dylid cynnal asesiad o effaith ar gydraddoldeb ar unrhyw bolisi sy'n berthnasol i ddyletswydd cydraddoldeb y sector cyhoeddus.

CWBLHAWYD ASESIAD O'R EFFAITH AR GYDRADDOLDEB: Gorffennaf 2025