Polisi Dysgu Ôl-fynediad

1. Datganiad Polisi

Mae’r protocol hwn yn berthnasol ar gyfer holl swyddogion, staff a gwirfoddolwyr Heddlu Dyfed-Powys, a all wneud cais am gymorth i ymgymryd â hyfforddiant, cyfleoedd prentisiaeth neu weithgarwch addysg uwch arall.

Gweithredir y polisi hwn yn gyson i bawb. Mae’r Heddlu’n cydnabod yr amddiffyniad a roddir i swyddogion, staff a gwirfoddolwyr yr heddlu gan Ddeddf Cydraddoldeb 2010. Y ‘nodweddion gwarchodedig’ sy’n gymwys ar gyfer amddiffyniad o dan y ddeddf yw: Oed, Anabledd, Ailbennu Rhywedd, Priodas a Phartneriaethau Sifil, Beichiogrwydd a Mamolaeth, Hil, Crefydd neu Gred, Rhyw, Cyfeiriadedd Rhywiol.

Mae’n berthnasol ar gyfer y canlynol (ond heb fod yn gyfyngedig i hynny): Holl gategorïau swyddogion a staff Heddlu Dyfed-Powys, pa un ai a ydynt yn llawn amser, rhan amser, parhaol, cyfnod penodol, dros dro (gan gynnwys staff asiantaeth, cymdeithion a chontractwyr), yn staff sydd ar secondiad neu’n wirfoddolwyr. Rhaid i unrhyw swyddogion, staff neu wirfoddolwyr yr heddlu sy’n cael gafael ar asedau ac eiddo’r Heddlu a’u defnyddio roi ystyriaeth ddyledus i gynnwys y polisi hwn.

 

2. Cwmpas y Polisi

Mae egwyddorion cyffredinol y polisi hwn yn tanategu’r ffordd y mae Heddlu Dyfed-Powys yn creu Cytundeb Dysgu ffurfiol rhwng yr Heddlu a Swyddogion, Staff a Gwirfoddolwyr yr Heddlu sy’n ymgymryd â gweithgareddau dysgu o fewn eu swydd.

Cefnogir ceisiadau ar y sail ganlynol:

• Rhaglenni sy’n arwain at gymwysterau arbenigol neu gydnabyddedig sy’n gysylltiedig â gofynion Heddlu Dyfed-Powys o ran cyflenwi’r Cynllun Heddlu a Throseddu;
• Hyfforddiant sy’n cynorthwyo unigolyn i gyflawni ei ddyletswyddau yn y gwaith yn well, yn awr neu yn y dyfodol.
• Hyfforddiant sy’n cynorthwyo unigolyn i gyflawni cyfrifoldebau ei swydd yn y dyfodol yn well, yn amodol ar eu cyflawni am dair blynedd o leiaf

Rhaid i ymgeiswyr ymgyfarwyddo â’r amodau ar gyfer cymorth a’r Cytundeb Dysgu, fel y nodir yn y ddogfen hon, cyn gwneud cais.

 

3.  Pwerau a Gofynion Cyfreithiol/Polisi  

Does dim byd yn y polisi hwn sydd wedi’i fwriadu i wrth-ddweud neu beidio â chydymffurfio mewn unrhyw ffordd arall â’r ddeddfwriaeth, polisi ac arweiniad a gynhwysir yn y canlynol:

• Deddf Prentisiaethau, Sgiliau, Plant a Dysgu 2009
• Rheolau Ariannu’r Asiantaeth Ariannu Addysg a Sgiliau
• Deddf Hawliau Cyflogaeth 1996
• Y Coleg Plismona – Cydnabyddiaeth o Ddysgu Blaenorol
• Y Coleg Plismona – Datblygiad Proffesiynol Parhaus
• Y Cod Moeseg
• Y Model Penderfynu Cenedlaethol
• Y Fframwaith Cymwysterau Addysg Plismona
• Polisi Diogelu Data Heddlu Dyfed-Powys
• Polisi Iechyd a Diogelwch Heddlu Dyfed-Powys
• Telerau ac Amodau Staff yr Heddlu
• Gweithdrefn Dysgu Ôl-fynediad Heddlu Dyfed-Powys

 

4.  Dewisiadau a Chynlluniau Wrth Gefn

Cyfrifoldebau’r Myfyriwr

Mae unigolion sy’n ymgymryd â hyfforddiant, Prentisiaethau neu raglenni Addysg Uwch yn gyfrifol am y canlynol:

• Cydymffurfiaeth â’r amodau cymorth ar gyfer cefnogaeth y cytunwyd arno wrth gymeradwyo’r cais am gefnogaeth o dan y Cynllun;
• Derbyn rhan-berchnogaeth yn y broses o nodi anghenion hyfforddi a datblygu sy’n gysylltiedig â’r swydd a chytuno sut y dylid eu bodloni;
• Trefnu i gwrdd â’i reolwr/goruchwylydd bob yn ail fis o leiaf er mwyn trafod cynnydd;
• Ymgyfarwyddo ag amcanion, dulliau dysgu, diben a chynnwys y cwrs;
• Presenoldeb ym mhob sesiwn neu weithgaredd dysgu, yn unol â gofynion y rhaglen gytunedig;
• Sicrhau bod ei reolwr/goruchwylydd yn cael gwybod yn brydlon am unrhyw anawsterau mewn perthynas â phresenoldeb ar y cwrs neu gwblhau’r cwrs;
• Cwblhau a chyflwyno aseiniadau o fewn terfynau amser penodol;
• Cynnal gofynion datblygiad proffesiynol parhaus;
• Ymrwymo i raglenni dysgu cytunedig a gweithgareddau a gofynion cysylltiedig a rhoi o’u gorau glas, yn y gwaith a thu allan i’r gwaith;
• Cymryd rhan yn llawn yn ymarferion, profion, aseiniadau ac arholiadau’r cwrs;
• Adolygu, ceisio cymorth ac ymgymryd â gwaith ymchwil, yn unol â gofynion y rhaglen;
• Bod yn barod i rannu gwybodaeth a phrofiad er mwyn cefnogi cyflawni amcanion busnes; ac
• Adolygu, gwerthuso ac adlewyrchu ar ganlyniadau, gan gynnwys sicrhau trosglwyddo dysgu i’r gweithle, gan gynnwys cyflwyniadau drwy’r Grŵp Llywio Ymchwil Plismona sy’n Seiliedig ar Dystiolaeth;
• Hysbysu’r Adran Dysgu a Datblygu am gwblhau cymhwyster neu gwrs;
• Rhoi tystysgrif i’r Adran Dysgu a Datblygu i’w lanlwytho i’r Cofnod Dysgu Personol.

 

Cyfrifoldebau’r Rheolwr/Goruchwylydd

Mae rheolwyr/goruchwylwyr yn gyfrifol am y canlynol:

• Galluogi amser priodol i ffwrdd o’r gwaith er mwyn bodloni gofynion presenoldeb y rhaglen neu gwrs astudio;
• Hwyluso a chefnogi’r myfyriwr i ymgymryd ag unrhyw aseiniadau sy’n seiliedig yn y gweithle;
• Caniatáu i’r myfyriwr gwrdd ag aelodau o dîm dysgu, hyfforddi neu asesu’r cwrs yn ystod oriau gwaith ar gyfer dibenion asesu, datblygu ac arweiniad arfer proffesiynol, fel y nodir yn yr amodau cymorth;
• Trefnu i gwrdd â’r myfyriwr bob yn ail fis o leiaf er mwyn trafod cynnydd;
• Cefnogi’r myfyriwr os oes anawsterau neu broblemau’n digwydd yn ystod y rhaglen;
• Adrodd am unrhyw anghysonderau neu broblemau dysgu wrth y Gwasanaethau Dysgu a Datblygu; ac
• Adolygu a gwerthuso canlyniadau a throsglwyddo dysgu o fewn y gweithle.

Cyfrifoldebau’r Gwasanaethau Dysgu a Datblygu

Mae’r Gwasanaethau Dysgu a Datblygu’n gyfrifol am y canlynol:

• Coladu ceisiadau a wnaed ar gyfer y Cynllun Prentisiaethau ac Addysg Uwch a darparu rhagamcaniadau cost ar gyfer y Panel Prentisiaethau ac Addysg Uwch;
• Nodi a pharu mentoriaid er mwyn hwyluso dysgu;
• Rhoi cyngor ac esboniadau ar gyfer holl agweddau’r Cynllun, gan gynnwys cyngor ynghylch adfer costau;
• Rhoi gwybodaeth berthnasol er mwyn galluogi cyfranogwyr i hawlio taliadau, fel y caniateir o dan y Cynllun;
• Ymgysylltu â’r darparwr dysgu os yw unigolyn yn methu parhau â’r rhaglen neu lle mae cynnydd yn anfoddhaol.

Cyfrifoldebau’r Adran Adnoddau Dynol/Gwasanaethau Dysgu a Datblygu

•  Cyhoeddi Cytundebau Dysgu a llythyrau awdurdodi nawdd a gefnogir gan Gyfarwyddwr yr Adran Datblygu Pobl a'r Sefydliad;
• Diweddaru a chynnal cofnodion hyfforddi ar y system Trent; a
• Chynnal cofnodion cyrhaeddiad mewn perthynas â rhaglenni dysgu cymeradwy.

 

5.  Gweithredu ac adolygu  

Bydd yr adolygiad ac unrhyw ddiwygiadau’n ystyried:

• Effeithiolrwydd y polisi, fel yr aseswyd gan y Gwasanaeth Dysgu a Datblygu a’r Cyd-bwyllgor Ymgynghori a Negodi;
• Unrhyw newidiadau i ddeddfwriaethau/canllawiau cenedlaethol;
• Heriau i’r polisi; ac
• Unrhyw eitemau aneffeithlon mewn perthynas â gweithredu.

 

Bydd y polisi’n cael ei adolygu’n ffurfiol gan y Gwasanaeth Dysgu a Datblygu o fewn yr amserlenni a gyhoeddwyd ar gyfer polisïau’r Heddlu.

COD MOESEG - TYSTYSGRIF GYDYMFFURFIO

Mae'r polisi hwn wedi'i ddrafftio yn unol â'r Coed Moeseg ac fe'i hadolygwyd ar sail ei gynnwys a'r dystiolaeth ategol a bernir ei fod yn cydymffurfio â'r Cod hwnnw a'r egwyddorion sy'n sail iddo.

 

TYSTYSGRIF GYDYMFFURFIO'R DDEDDF HAWLIAU DYNOL

Mae'r polisi hwn wedi'i ddrafftio yn unol â'r Ddeddf Hawliau Dynol ac fe'i hadolygwyd ar sail ei gynnwys a'r dystiolaeth ategol a bernir ei fod yn cydymffurfio â'r Ddeddf honno a'r egwyddorion sy'n sail iddi.

 

ASESIAD O'R EFFAITH AR GYDRADDOLDEB

Mae adran 4 o Ddeddf Cydraddoldeb 2010 yn nodi'r nodweddion gwarchodedig sy'n gymwys i'w gwarchod o dan y Ddeddf fel a ganlyn: Oedran; Anabledd; Ailbennu Rhywedd; Priodas a Phartneriaeth Sifil; Beichiogrwydd a Mamolaeth; Hil; Crefydd neu Gred; Rhyw; Cyfeiriadedd Rhywiol.

Mae dyletswydd cydraddoldeb y sector cyhoeddus yn gosod gofyniad cyfreithiol rhagweithiol ar gyrff cyhoeddus i ystyried, wrth arfer eu swyddogaethau, yr angen i:

• ddileu gwahaniaethu, aflonyddu, erledigaeth, ac unrhyw ymddygiad arall sy'n anghyfreithlon o dan y Ddeddf;
• hyrwyddo cyfle cyfartal rhwng unigolion sy'n rhannu nodwedd warchodedig berthnasol ac unigolion nad ydynt yn ei rhannu;
• meithrin perthnasoedd da rhwng unigolion sy'n rhannu nodwedd warchodedig berthnasol ac unigolion nad ydynt yn ei rhannu.

Mae'r ddyletswydd cydraddoldeb yn berthnasol i'r holl nodweddion gwarchodedig ac eithrio Priodas a Phartneriaeth Sifil: dim ond y ddyletswydd i ystyried yr angen i ddileu gwahaniaethu sy’n berthnasol i’r nodwedd hon.

Mae cynnal asesiad o effaith ar gydraddoldeb yn cynnwys asesu'n systematig effeithiau tebygol neu wirioneddol polisïau ar bobl mewn perthynas â'r holl nodweddion gwarchodedig a nodir uchod.

Dylid cynnal asesiad o effaith ar gydraddoldeb ar unrhyw bolisi sy'n berthnasol i ddyletswydd cydraddoldeb y sector cyhoeddus.

CWBLHAWYD ASESIAD O'R EFFAITH AR GYDRADDOLDEB: Ionawr 2026