Polisi Gwyliau Blynyddol ar gyfer Swyddogion Heddlu

1.      Datganiad Polisi

Nod y polisi hwn yw sicrhau cysondeb a chywirdeb wrth gyfrifo a phennu gwyliau blynyddol a gwyliau cyhoeddus, gan fodloni Rheoliadau’r Heddlu 2003 (Rheoliad 33 ac Atodiad O)

Mae’r polisi hefyd yn sicrhau bod swyddogion yn ymwybodol o’u hawl i wyliau blynyddol a’r gofynion gweithdrefnol mae’n rhaid iddynt ddilyn wrth wneud cais am wyliau blynyddol.

2.      Cwmpas y Polisi

Mae’r polisi hwn a’r ddogfen ganllaw gysylltiedig yn berthnasol i bob swyddog heddlu o rengoedd cyfunol yn Heddlu Dyfed-Powys, gan gynnwys y rhai sydd wedi’u pennu i dimoedd ac adrannau arbenigol, a’r rhai mewn rolau anweithredol.

3.       Pwerau a Gofynion Cyfreithiol/Polisi

Dylid darllen y ddogfen bolisi hon ar y cyd â’r ddogfen ganllaw Gwyliau Blynyddol ar gyfer Swyddogion Heddlu, a’r canlynol: -

• Rheoliadau’r Heddlu – Rheoliadau 33 a 22 – Atodiad E ac Atodiad O
• Y Rheoliadau Amser Gwaith
• Y Polisi Rheoli Perfformiad
• Y Polisi Rheoli Presenoldeb
• Y polisi Absenoldeb ar gyfer Rhesymau Personol a Theuluol ac Absenoldebau Arbennig Eraill.

Mae Asesiad o’r Effaith ar Gydraddoldeb wedi’i gwblhau.

4.           Dewisiadau a Chynlluniau Wrth Gefn

Amlinellir rhestr o gyfrifoldebau yn y ddogfen ganllaw Gwyliau Blynyddol ar gyfer Swyddogion Heddlu.

Mae egwyddorion Gwasanaeth Cyhoeddus, Dewrder, a Pharch ac Empathi’r Cod Moeseg yn berthnasol i’r polisi hwn.

Mae'r polisi hwn yn anelu i gefnogi cyflenwi Ein Cynllun a'n Llw Diwylliant. 

5.          Gweithredu ac adolygu.

Bydd y polisi hwn yn cael ei adolygu’n rheolaidd, a cheisir adborth gan randdeiliaid allweddol a’r gwasanaeth heddlu ehangach.  

Cofnodir unrhyw adborth neu anfodlonrwydd â’r polisi a’i drafod gyda pherchennog y polisi a chymerir camau gweithredu priodol. 

COD MOESEG - TYSTYSGRIF GYDYMFFURFIO

Mae'r polisi hwn wedi'i ddrafftio yn unol â'r Coed Moeseg ac fe'i hadolygwyd ar sail ei gynnwys a'r dystiolaeth ategol a bernir ei fod yn cydymffurfio â'r Cod hwnnw a'r egwyddorion sy'n sail iddo.

TYSTYSGRIF GYDYMFFURFIO'R DDEDDF HAWLIAU DYNOL

Mae'r polisi hwn wedi'i ddrafftio yn unol â'r Ddeddf Hawliau Dynol ac fe'i hadolygwyd ar sail ei gynnwys a'r dystiolaeth ategol a bernir ei fod yn cydymffurfio â'r Ddeddf honno a'r egwyddorion sy'n sail iddi.

ASESIAD O'R EFFAITH AR GYDRADDOLDEB

Mae adran 4 o Ddeddf Cydraddoldeb 2010 yn nodi'r nodweddion gwarchodedig sy'n gymwys i'w gwarchod o dan y Ddeddf fel a ganlyn: Oedran; Anabledd; Ailbennu Rhywedd; Priodas a Phartneriaeth Sifil; Beichiogrwydd a Mamolaeth; Hil; Crefydd neu Gred; Rhyw; Cyfeiriadedd Rhywiol.

Mae dyletswydd cydraddoldeb y sector cyhoeddus yn gosod gofyniad cyfreithiol rhagweithiol ar gyrff cyhoeddus i ystyried, wrth arfer eu swyddogaethau, yr angen i:

• ddileu gwahaniaethu, aflonyddu, erledigaeth, ac unrhyw ymddygiad arall sy'n anghyfreithlon o dan y Ddeddf;
• hyrwyddo cyfle cyfartal rhwng unigolion sy'n rhannu nodwedd warchodedig berthnasol ac unigolion nad ydynt yn ei rhannu;
• meithrin perthnasoedd da rhwng unigolion sy'n rhannu nodwedd warchodedig berthnasol ac unigolion nad ydynt yn ei rhannu.

Mae'r ddyletswydd cydraddoldeb yn berthnasol i'r holl nodweddion gwarchodedig ac eithrio Priodas a Phartneriaeth Sifil: dim ond y ddyletswydd i ystyried yr angen i ddileu gwahaniaethu sy’n berthnasol i’r nodwedd hon.

Mae cynnal asesiad o effaith ar gydraddoldeb yn cynnwys asesu'n systematig effeithiau tebygol neu wirioneddol polisïau ar bobl mewn perthynas â'r holl nodweddion gwarchodedig a nodir uchod.

Dylid cynnal asesiad o effaith ar gydraddoldeb ar unrhyw bolisi sy'n berthnasol i ddyletswydd cydraddoldeb y sector cyhoeddus.

CWBLHAWYD ASESIAD O'R EFFAITH AR GYDRADDOLDEB: Rhagfyr 2024