Polisi Iechyd Galwedigaethol
1. Datganiad Polisi
Mae Iechyd Galwedigaethol yn gyfrifoldeb a rennir. O dan y gyfraith, mae Heddlu Dyfed-Powys (HDP) yn gyfrifol am iechyd a diogelwch ei swyddogion a’i staff, sydd, yn eu tro, â chyfrifoldeb i ofalu am eu hiechyd a diogelwch eu hunain. Mae Heddlu Dyfed-Powys a’i weithwyr yn gyfrifol am ofalu am iechyd a diogelwch eraill.
Mae’n berthnasol i’r canlynol (ond heb fod yn gyfyngedig i hynny): Yr holl weithwyr Iechyd Galwedigaethol a gyflogir gan Heddlu Dyfed-Powys, gan gynnwys staff Iechyd Galwedigaethol asiantaeth, boed yn staff llawn amser, rhan amser, parhaol, tymor penodol, dros dro (gan gynnwys staff asiantaeth, contractwyr a chymdeithion) neu staff ar secondiad. Dylai unrhyw weithiwr sy’n cael mynediad at asedau ac eiddo’r Heddlu ac sy’n eu defnyddio roi ystyriaeth ddyledus i gynnwys y polisi hwn.
2. Cwmpas y Polisi
Mae iechyd galwedigaethol yn cofleidio:
- effaith gwaith ar iechyd, boed hynny drwy anaf sydyn neu gysylltiad hirdymor â chyfryngau ag effeithiau cudd ar iechyd, ac atal afiechyd galwedigaethol drwy dechnegau sy’n cynnwys goruchwyliaeth iechyd, ergonomeg a systemau rheoli effeithiol.
- effaith iechyd ar waith, a chofio y dylai arfer iechyd galwedigaethol da fynd i’r afael ag addasrwydd y dasg ar gyfer y swyddog/aelod staff/gwirfoddolwr, nid addasrwydd y swyddog/aelod staff/gwirfoddolwr ar gyfer y dasg yn unig.
- rhaglenni adsefydlu ac adfer.
- helpu’r anabl i sicrhau a chadw gwaith.
- rheoli agweddau salwch sy’n gysylltiedig â gwaith gydag achosion amlffactoraidd posibl (e.e., Lles Meddyliol, anhwylderau cyhyrysgerbydol, clefyd coronaidd y galon) a helpu gweithwyr i wneud dewisiadau gwybodus ynghylch materion dulliau byw.
3. Pwerau a Gofynion Cyfreithiol/Polisi
Nid yw’r rhestr hon yn gynhwysfawr. Mae’n cynnwys y canlynol, ond heb fod yn gyfyngedig i hynny.
- Deddf Iechyd a Diogelwch yn y Gwaith 1974
- Goruchwyliaeth Iechyd ar gyfer y rhai sy’n dod i gysylltiad â silica crisialog anadladwy – Canllawiau ategol ar gyfer gweithwyr proffesiynol iechyd galwedigaethol (diwygiwyd Ionawr 2016). Yr Awdurdod Gweithredol Iechyd a Diogelwch.
- Rheoliadau Rheoli Sŵn yn y Gwaith 2005
- Rheoliadau Rheoli Sylweddau Peryglus i Iechyd 2002
- Rheoliadau Rheoli Dirgryniad yn y Gwaith 2005
- Deddf Diogelu Data 2018 a'r Rheoliad Cyffredinol ar Ddiogelu Data (GDPR y DU)
- Deddf Cydraddoldeb 2010
- Rheoliadau Rheoli Iechyd a Diogelwch yn y Gwaith 1999
- Deddf Cofnodion Meddygol 1988
- Rheoliadau’r Heddlu 2003
- Rheoliadau Adrodd ar Anafiadau, Clefydau neu Ddigwyddiadau Peryglus 2013
- Safonau Recriwtio Meddygol Cenedlaethol (2004) ar gyfer Mynediad i Wasanaethau Heddlu ac Adroddiad Addasrwydd ar gyfer Winsor 2012
- Y Cyngor Nyrsio a Bydwreigiaeth 2022
4. Dewisiadau a Chynlluniau Wrth Gefn
Mae’r egwyddorion Cod Moeseg canlynol hefyd yn gyson â chod y Cyngor Nyrsio a Bydwreigiaeth ac yn berthnasol ar gyfer y polisi Iechyd Galwedigaethol hwn..
Egwyddorion plismona
- Atebolrwydd
- Tegwch
- Gonestrwydd
- Unplygrwydd
- Arweinyddiaeth
- Gwrthrychedd
- Didwylledd
- Parch
- Anhunanoldeb
Codau’r Cyngor Nyrsio a Bydwreigiaeth
- Blaenoriaethu pobl
- Ymarfer yn effeithiol
- Diogelu diogelwch
- Hyrwyddo proffesiynoldeb a ffydd
5. Gweithredu ac Adolygu
Bydd y polisi’n cael ei adolygu ar ôl blwyddyn i ddechrau, a bob yn ail flwyddyn wedi hynny. Bydd unrhyw ddiwygiadau newydd yn cael eu hychwanegu a’u cofnodi’n briodol.
Mae’r gweithdrefnau canlynol yn berthnasol o fewn y polisi hwn ar gyfer Adran Iechyd Galwedigaethol Heddlu Dyfed-Powys.
- Profion meddygol sylfaenol / recriwtiaid newydd (gan gynnwys Swyddogion Tywys y Ddalfa, Cwnstabliaid Gwirfoddol a Gwirfoddolwyr Cefnogi’r Heddlu)
- Sbirometreg
- Awdioleg (gan gynnwys pob recriwt newydd, trinwyr cŵn, arfau saethu, goruchwylwyr a thrinwyr canolfan alwadau)
- Goruchwyliaeth croen
- Profion golwg (gan gynnwys arfau saethu, recriwtiaid newydd, gyrwyr a defnyddwyr taser)
- Dirgryndod Llaw-Braich
- Profion meddygol Cemegol, Biolegol, Radiolegol a Niwclear
- Profion meddygol Adnabod Dioddefwyr Trychineb
- Profion meddygol arfau saethu (gan gynnwys y tîm lleoliadau trosedd, Tarian ac Uned Eithafiaeth a Gwrthderfysgaeth Cymru)
- Gweithio ar Uchder
- Mannau cyfyng
- Profion meddygol gyrwyr
- Brechiadau
- Tynnu gwaed
- Cyfrinachedd (gan gynnwys hysbysiad preifatrwydd)
- Cadw cofnodion (gan gynnwys y system rheoli cofnodion)
- Diogelu data
- Iechyd a Diogelwch (gweithio’n unigol, diogelwch tân, offer sgrin arddangos, cysylltiad biolegol, codi a chario, cyfleusterau anabl, adroddiadau Rheoliadau Adrodd ar Anafiadau, Clefydau neu Ddigwyddiadau Peryglus)
- Archwilio
- Gwastraff Clinigol
- Goruchwyliaeth Glinigol
- Asesiadau seicolegol
- Technegwyr cynnal cerbydau
- SCHTh (Swyddfa Comisiynydd yr Heddlu a Throseddu) – tir a chynnal a chadw
- Brysbennu a chyfeiriadau rheolwyr (gan gynnwys ymarferwr meddygol arbenigol ac ymgynghorydd meddygol yr Heddlu)
- Rheoli heintiau (gan gynnwys Covid a ffliw)
- Archebu cyflenwadau meddygol a chyfrif stoc
- Cwynion
Bydd archwiliad misol o’r holl nodiadau clinigwyr yn cynnwys detholiad ar hap o 2 adroddiad a 2 set o nodiadau clinigol gan bob clinigwr, gan gynnwys nyrs sgrinio, Ymgynghorwyr Iechyd Galwedigaethol, Ymgynghorydd Cyhyrysgerbydol, Cwnsler ac Ymgynghorwyr Meddygol yr Heddlu. Gwneir hyn gan ddefnyddio arf archwilio a rhoddir y canlyniadau i bob unigolyn a’i reolwr llinell. Cedwir yr holl ganlyniadau, adborth ac adolygiadau ar olrheiniwr archwilio.
COD MOESEG - TYSTYSGRIF GYDYMFFURFIO
Mae'r polisi hwn wedi'i ddrafftio yn unol â'r Coed Moeseg ac fe'i hadolygwyd ar sail ei gynnwys a'r dystiolaeth ategol a bernir ei fod yn cydymffurfio â'r Cod hwnnw a'r egwyddorion sy'n sail iddo.
TYSTYSGRIF GYDYMFFURFIO'R DDEDDF HAWLIAU DYNOL
Mae'r polisi hwn wedi'i ddrafftio yn unol â'r Ddeddf Hawliau Dynol ac fe'i hadolygwyd ar sail ei gynnwys a'r dystiolaeth ategol a bernir ei fod yn cydymffurfio â'r Ddeddf honno a'r egwyddorion sy'n sail iddi.
ASESIAD O'R EFFAITH AR GYDRADDOLDEB
Mae adran 4 o Ddeddf Cydraddoldeb 2010 yn nodi'r nodweddion gwarchodedig sy'n gymwys i'w gwarchod o dan y Ddeddf fel a ganlyn: Oedran; Anabledd; Ailbennu Rhywedd; Priodas a Phartneriaeth Sifil; Beichiogrwydd a Mamolaeth; Hil; Crefydd neu Gred; Rhyw; Cyfeiriadedd Rhywiol.
Mae dyletswydd cydraddoldeb y sector cyhoeddus yn gosod gofyniad cyfreithiol rhagweithiol ar gyrff cyhoeddus i ystyried, wrth arfer eu swyddogaethau, yr angen i:
- ddileu gwahaniaethu, aflonyddu, erledigaeth, ac unrhyw ymddygiad arall sy'n anghyfreithlon o dan y Ddeddf;
- hyrwyddo cyfle cyfartal rhwng unigolion sy'n rhannu nodwedd warchodedig berthnasol ac unigolion nad ydynt yn ei rhannu;
- meithrin perthnasoedd da rhwng unigolion sy'n rhannu nodwedd warchodedig berthnasol ac unigolion nad ydynt yn ei rhannu.
Mae'r ddyletswydd cydraddoldeb yn berthnasol i'r holl nodweddion gwarchodedig ac eithrio Priodas a Phartneriaeth Sifil: dim ond y ddyletswydd i ystyried yr angen i ddileu gwahaniaethu sy’n berthnasol i’r nodwedd hon.
Mae cynnal asesiad o effaith ar gydraddoldeb yn cynnwys asesu'n systematig effeithiau tebygol neu wirioneddol polisïau ar bobl mewn perthynas â'r holl nodweddion gwarchodedig a nodir uchod.
Dylid cynnal asesiad o effaith ar gydraddoldeb ar unrhyw bolisi sy'n berthnasol i ddyletswydd cydraddoldeb y sector cyhoeddus.
CWBLHAWYD ASESIAD O'R EFFAITH AR GYDRADDOLDEB: Hydref 2023