Polisi Cam-drin Domestig

Nid yw JavaScript wedi'i alluogi

Heb JavaScript ni fydd ffurflenni'n gweithio.

1. Datganiad Polisi

Mae Heddlu Dyfed-Powys wedi gwneud mynd i’r afael â cham-drin domestig yn flaenoriaeth strategol i'r heddlu. Dyma ein nod i ddileu cam-drin domestig yn ardal ein heddlu. Byddai cymryd unrhyw safbwynt yn llai na hyn yn gyfystyr â derbyn rhyw lefel o oddefgarwch.

Mae Heddlu Dyfed-Powys yn cydnabod yr effaith y mae cam-drin domestig yn ei chael ar fywydau dioddefwyr, plant a’n cymunedau. Mae’r effaith hirdymor yn aml yn parhau trwy'r cylch cenhedlaeth oherwydd ymatebion trawma a ddatblygwyd wrth ddod i gysylltiad â cham-drin domestig yn ifanc. Mae’r dioddefaint yn aml yn cael ei guddio o’r golwg, gan greu rhwystrau ychwanegol i gael mynediad at gymorth.

Rydym yn cydnabod na ellir mynd i'r afael â Cham-drin Domestig drwy blismona yn unig a byddwn yn ceisio ymgysylltu cymaint â phosibl â phartneriaethau lleol a chenedlaethol i sicrhau ein bod yn cyflawni ein nodau. Ni fydd egwyddorion cydweithio yn gyfyngedig i ymgysylltu ymarferol mewn digwyddiadau a byddant yn cynnwys rhannu gwybodaeth, cydleoli, a chyllido ar y cyd.

Nod y polisi hwn yw sicrhau bod gan Heddlu Dyfed-Powys drefn gyson ac ymagwedd broffesiynol at blismona achosion o Gam-drin Domestig, yn unol ag

Arfer Proffesiynol Awdurdodedig y Coleg Plismona ar gyfer Cam-drin Domestig, sydd yn nodi'r egwyddorion a'r safonau i'w dilyn. Bydd yr holl swyddogion a staff yn deall eu cyfrifoldebau wrth ymdrin ag achosion o Gam-drin Domestig er mwyn

lleihau'r perygl o niwed i ddioddefwyr.

Bydd hyn yn cael ei gyflawni trwy’r dulliau canlynol:

Sicrhau bod holl weithwyr Heddlu Dyfed-Powys sy'n ymdrin â'r cyhoedd yn cael hyfforddiant digonol i adnabod arwyddion cam-drin domestig yn y pwynt cyswllt
Darparu ymateb i bob galwad sy’n ymwneud â cham-drin domestig sy’n rhoi ystyriaeth ddyledus i risg barhaus trwy ddefnyddio offeryn asesu risg DASH (Cam-drin Domestig, Stelcio ac Aflonyddu) wrth ystyried amgylchiadau ac anghenion y dioddefwr.
Cydnabod y perygl o niwed o ymddygiadau camdriniol fel stelcio, aflonyddu, a mathau o gam-drin corfforol, emosiynol, rhywiol ac economaidd ac ymddygiad rheolaeth drwy orfodaeth, ac ymateb i hyn i amddiffyn unrhyw un y canfyddir ei fod mewn perygl o niwed.
Cynnal ymchwiliadau a arweinir gan dystiolaeth i sicrhau bod troseddwyr yn cael eu dal yn atebol am eu gweithredoedd heb ddibynnu ar dystiolaeth y dioddefwr. Byddwn yn ceisio canlyniad cyfiawnder troseddol i ddod â’r rhai sy’n cyflawni troseddau sy’n ymwneud â cham-drin domestig gerbron y llys.
Sefydlu asesiad risg a chynllun rheoli risg effeithiol ym mhob achos o gam-drin domestig. Lle bo’n briodol, gweithio gyda’n partneriaid i ddarparu cymorth ac amddiffyniad effeithiol i ddioddefwyr trwy ddarparu gwasanaeth effeithiol sy’n cydnabod y gall mathau o gam-drin fod yn wahanol o ran natur, dynameg ac effaith. Bydd y pecyn cymorth Trais yn Erbyn Menywod a Merched yn gweithredu fel fframwaith ar gyfer rheoli risg.
Sefydlu dull effeithiol o reoli ymddygiad troseddwyr yn y tymor hir drwy ddefnyddio gorchmynion ac ymgysylltu amlasiantaethol. Lle bo'n bosibl, byddwn yn ceisio darparu cyfleoedd adsefydlu sy'n achosi newid ymddygiadol

Yn berthnasol (ond heb fod yn gyfyngedig) i'r canlynol: Pob categori o weithwyr Heddlu Dyfed-Powys, boed yn llawn amser, rhan amser, parhaol, cyfnod penodol, dros dro (gan gynnwys staff asiantaeth, cymdeithion a chontractwyr) neu staff ar secondiad. Rhaid i unrhyw weithiwr sy'n cyrchu ac yn defnyddio asedau ac eiddo'r Heddlu roi sylw dyledus i gynnwys y polisi hwn.

2. Cwmpas y Polisi

Bydd y polisi hwn ar gael i bob aelod o staff ei ddilyn yn ystod eu dyletswyddau a bydd swyddogion yn cael canllawiau gweithdrefnol lleol penodol yn unol ag Ymarfer Proffesiynol Awdurdodedig ar gam-drin domestig gan y Coleg Plismona.

Bydd Heddlu Dyfed-Powys yn gweithio mewn partneriaeth ag asiantaethau allanol i nodi a diogelu’r rhai sydd mewn perygl, a sicrhau bod gwybodaeth yn cael ei rhannu’n briodol i amddiffyn oedolion a phlant sy’n agored i niwed. Rydym yn ymwybodol o bwysigrwydd dull sy’n ystyriol o drawma a byddwn yn ceisio deall sut y gall nodweddion gwarchodedig a gwendidau effeithio ar y dioddefwr a deall a dileu rhwystrau.

Byddwn yn ceisio meithrin ymddiriedaeth i helpu pobl i ddatgelu troseddau Cam-drin Domestig – er enghraifft, drwy gynyddu hyder mewn grwpiau lleiafrifol sy’n ofni erledigaeth os ydynt mewn cysylltiad ag asiantaethau gorfodi’r gyfraith.

Mae diogelu’r rhai sydd mewn perygl o gam-drin domestig yn gyfrifoldeb i bawb a bydd Heddlu Dyfed-Powys yn arfogi ei staff i adnabod ac ymateb yn gyflym ac yn effeithiol i amddiffyn y rhai sydd mewn perygl o niwed. Mae hyn yn cynnwys cydnabod effaith presenoldeb yr heddlu ar blant yn y cartref.

Bydd yr holl staff yn dilyn egwyddorion y polisi hwn wrth ymdrin â’r patrwm o adrodd am ddigwyddiadau cam-drin domestig, ymateb ac ymchwilio iddynt, a’u herlyn. Bydd canllawiau Heddlu Dyfed-Powys yn rhoi manylion am gyfrifoldebau’r holl bartïon sy’n ymwneud â chynnal a rheoli ymchwiliadau, o’r cyswllt cyntaf â gweithiwr Heddlu Dyfed-Powys i’r gwerthusiad ar ôl y treial, sydd ar gael ar y fewnrwyd fewnol.

Mae diogelwch dioddefwyr yn hollbwysig. Mae methu ag adnabod cam-drin domestig ac ymdrin yn gadarn ag ef cyn gynted â phosibl yn erydu hyder ac yn caniatáu i'r rhai a ddrwgdybir barhau â'u hymddygiad. Gall hyn olygu bod dioddefwyr yn agored i berygl cynyddol, gan gynnwys mwy o drais, ymosodiadau rhywiol a dynladdiad. Rhaid felly ystyried y peryglon i ddioddefwyr yn ofalus yn yr achosion hyn. Mae hyn nid yn unig mewn perthynas â'r perygl uniongyrchol gan y sawl a ddrwgdybir i'r dioddefwyr, ond hefyd o ran unrhyw un sy'n gysylltiedig â dioddefwyr, megis eu plant a'u dibynyddion, aelodau o'r teulu a ffrindiau.

Mae angen darllen y polisi hwn ar y cyd â’r polisi Cam-drin ar Sail Anrhydedd, Priodas Dan Orfod ac Anffurfio Organau Cenhedlu Benywod. Er nad oes diffiniad statudol o gam-drin ar sail anrhydedd, casgliad ydyw o arferion a ddefnyddir i reoli ymddygiad o fewn teuluoedd a chymunedau i warchod eu hanrhydedd tybiedig, neu fynd i’r afael â chywilydd neu embaras y credir sydd wedi’i ddwyn ar y teulu. Gall troseddwyr cam- drin ar sail anrhydedd gynnwys partneriaid rhywiol neu gyn bartneriaid rhywiol, aelodau o’r teulu genedigol (megis rhieni, brodyr a chwiorydd neu gefndryd a chyfnitherod), neu deulu yng nghyfraith, ac felly bodloni diffiniad cam-drin domestig.

Byddwn yn cadw at y safon genedlaethol cofnodi troseddau (NCRS) drwy gofnodi unrhyw droseddau’n gywir a’u fflagio fel ‘Cam-drin Domestig’, gan sicrhau hefyd bod ymddygiadau fel gorfodaeth a rheolaeth, aflonyddu a stelcio, a all fod yn rhan o’r cam- drin, yn cael eu cofnodi fel troseddau ar wahân. Bydd torri gorchmynion yn cael ei ystyried yn drosedd stelcio/aflonyddu newydd.

Byddwn yn sicrhau bod dioddefwyr yn cael gwybodaeth am y broses cyfiawnder troseddol a'u bod yn cael eu diweddaru'n rheolaidd yn unol â'u hawliau dan y Cod Dioddefwyr. Bydd pob dioddefwr yn cael gwybodaeth am y darpariaethau mesurau arbennig sydd ar gael i gefnogi'r dystiolaeth a ddarperir.

Rydym wedi ymrwymo i rannu gwybodaeth ag ysgolion o dan Ymgyrch Encompass fel y gall staff hyfforddedig ddarparu cymorth emosiynol a chymorth ymarferol i ddisgyblion y mae cam-drin domestig yn effeithio arnynt.

Lle canfyddir cyflawnwyr, byddwn yn ystyried ac yn defnyddio'r ystod o offer sydd ar gael i ni i reoli risg a berir gan droseddwyr: Mechnïaeth Amodol; Hysbysiadau Amddiffyn Trais Domestig / Gorchmynion Amddiffyn Trais Domestig; Gorchmynion Ataliol; Gorchmynion Amddiffyn rhag Stelcio; Gorchmynion Amddiffyn rhag Priodas dan Orfod; Gorchmynion Amddiffyn rhag Anffurfio Organau Cenhedlu Benywod.

Diffiniadau

Ceir diffiniad statudol o Gam-drin Domestig yn adrannau 1-3 Deddf Cam-drin Domestig 2021:

– Diffiniad o Gam-drin Domestig

Mae ymddygiad person (“A”) tuag at berson arall (“B”) yn “gam-drin domestig” os—

bod A a B ill dau yn 16 oed neu’n hŷn ac yn gysylltiedig yn bersonol â’i gilydd,

bod yr ymddygiad yn

Mae ymddygiad yn “gamdriniol” os yw’n cynnwys unrhyw un o’r canlynol—

cam-drin corfforol neu rywiol;
ymddygiad treisgar neu fygythiol;
ymddygiad sy'n rheolaethol neu'n orfodaethol; (ch) cam-drin economaidd (gweler isod);
cam-drin seicolegol, emosiynol neu fel arall;

ac nid oes gwahaniaeth a yw'r ymddygiad yn cynnwys un digwyddiad neu’n ymddygiad parhaus.

Mae “cam-drin economaidd” yn golygu unrhyw ymddygiad sy'n cael effaith andwyol sylweddol ar allu B i wneud y canlynol:

caffael, defnyddio neu gynnal arian neu eiddo arall, neu
cael nwyddau neu

At ddibenion y Ddeddf hon, gall ymddygiad A fod yn ymddygiad “tuag at” B er gwaethaf y ffaith ei fod yn cynnwys ymddygiad sydd wedi'i gyfeirio at berson arall (er enghraifft, plentyn B).

Diffiniad o ‘Gysylltiedig yn Bersonol’

Mae dau berson “yn gysylltiedig yn bersonol” â’i gilydd os oes unrhyw un o’r canlynol yn berthnasol:
- eu bod, neu wedi bod, yn briod â'i gilydd;
- eu bod, neu wedi bod, yn bartneriaid sifil i'w gilydd;
- eu bod wedi cytuno i briodi ei gilydd (pa un a yw’r cytundeb wedi cael ei derfynu ai peidio);

(ch) eu bod wedi ymrwymo i gytundeb partneriaeth sifil (pa un a yw’r cytundeb wedi cael ei derfynu ai peidio);

eu bod, neu wedi bod, mewn perthynas bersonol agos â'i gilydd;

(dd) bod gan bob un ohonynt, neu y bu amser pan oedd gan bob un ohonynt, berthynas riant mewn perthynas â’r un plentyn (gweler isadran (2));

eu bod yn

At ddibenion isadran (1)(dd), mae gan berson berthynas riant mewn perthynas â phlentyn os —
- bod yr unigolyn yn rhiant i'r plentyn, neu
bod gan yr unigolyn gyfrifoldeb rhiant dros y
- Yn yr adran hon —

ystyr “plentyn” yw person o dan 18 oed;

mae i “cytundeb partneriaeth sifil” yr ystyr a roddir gan adran 73 Deddf Partneriaeth Sifil 2004;

mae i “cyfrifoldeb rhiant” yr un ystyr ag yn Neddf Plant 1989;

mae i “perthynas” yr ystyr a roddir gan adran 63(1) Deddf Cyfraith Teulu 1996. (gweler isod)

Mae “perthynas” yn golygu

Tad, mam, llystad, llysfam, mab, merch, llysfab, llysferch, mam-gu, tad-cu, ŵyr neu wyres

y person hwnnw NEU briod, cyn-briod, partner sifil neu gynbartner sifil yr unigolyn hwnnw;

Brawd, chwaer, ewythr, modryb, nith, nai neu gefnder cyntaf (boed yn waed llawn neu hanner gwaed neu drwy briodas neu bartneriaeth sifil) yr unigolyn hwnnw NEU briod, cyn- briod, partner sifil neu gynbartner sifil yr unigolyn hwnnw.

Mewn perthynas â pherson sy'n cyd-fyw neu sydd wedi cyd-fyw â pherson arall, mae'n cynnwys unrhyw unigolyn a fyddai’n dod o fewn paragraff (a) neu (b) pe bai’r partïon yn briod â'i gilydd neu'n bartneriaid sifil i'w gilydd.

Adran 3. Plant fel dioddefwyr cam-drin domestig

Mae’r adran hon yn gymwys pan fo ymddygiad person (“A”) tuag at berson arall (“B”) yn gam-drin domestig.
Mae unrhyw gyfeiriad yn y Ddeddf hon at ddioddefwr cam-drin domestig yn cynnwys cyfeiriad at blentyn sydd —
- yn gweld neu’n clywed, neu’n profi effeithiau’r gamdriniaeth, ac
- yn perthyn i A neu
Mae plentyn yn perthyn i berson at ddibenion isadran (2) -
- os yw’r person yn rhiant i’r plentyn, neu â chyfrifoldeb rhiant dros y plentyn, neu
- bod y plentyn a'r person yn
Yn yr adran hon —
ystyr “plentyn” yw person o dan 18 oed;
mae i “cyfrifoldeb rhiant” yr un ystyr ag sydd yn Neddf Plant 1989 (gweler adran 3 o’r Ddeddf honno);
mae i “perthynas” yr ystyr a roddir gan adran 63(1) Deddf Cyfraith Teulu 1996

** Mae’r Swyddfa Gartref wedi cadarnhau y gall plentyn 16-18 oed sydd wedi ei faethu fod yn ddioddefydd cam-drin domestig. Rydym yn aml yn disgrifio hwn fel ‘gwarcheidiaeth’, sy’n cwmpasu maethu, hir a byr dymor.

Diffiniad o Ymddygiad Rheolaethol a Gorfodaethol (a.77 Deddf Troseddau Difrifol 2015):

Ymddygiad Rheolaethol yw: Ystod o weithredoedd wedi'u cynllunio i wneud person yn israddol a/neu'n ddibynnol drwy ei ynysu oddi wrth ffynonellau cymorth, manteisio ar ei adnoddau a'i alluoedd er budd personol, ei amddifadu o'r modd sydd ei angen ar gyfer annibyniaeth, gwrthwynebiad a dianc, a rheoli ei ymddygiad bob dydd; ac

Ymddygiad Gorfodaethol yw : Gweithred neu batrwm o weithredoedd o ymosod, bygwth, bychanu a brawychu neu gamdriniaeth arall a ddefnyddir i niweidio, cosbi neu godi ofn ar ddioddefwr.

3. Pwerau a Gofynion Cyfreithiol/Polisi

Y sail gyfreithiol ar gyfer arfer pwerau a dyletswyddau a amlinellir yn y polisi hwn yw:

Deddf Cam-drin Domestig 2021
Cyfraith gyffredin
Deddf Troseddau yn Erbyn y Person 1861
Deddf Troseddau Rhywiol 1956
Deddf Difrod Troseddol 1971
Deddf Mechnïaeth 1976
Deddf yr Heddlu a Thystiolaeth Droseddol 1984
Deddf Cyfiawnder Troseddol 1988
Deddf Plant 1989
Deddf Cyfiawnder Troseddol a Threfn Gyhoeddus 1994
Deddf Achosion Troseddol ac Ymchwiliadau 1996
Deddf Cyfraith Teulu 1996
Deddf Anffurfio Organau Cenhedlu Benywod 2003
Deddf Amddiffyn rhag Aflonyddu 1997
Deddf Trosedd ac Anhrefn 1998
Deddf Cyfiawnder Ieuenctid a Thystiolaeth Droseddol 1999
Deddf Cyfiawnder Troseddol a'r Heddlu 2001
Deddf Trais Domestig, Troseddau a Dioddefwyr 2004
Deddf Troseddau Difrifol 2015
- Gweithdrefnau Diogelu Cymru
- Protocol Rhannu Gwybodaeth Cynhadledd Amlasiantaeth Asesu Risg Dyfed-Powys
- Deddf Diwygio’r Heddlu a Chyfrifoldeb Cymdeithasol 2011
- Deddf Ymddygiad Gwrthgymdeithasol, Troseddu a Phlismona 2014

4. Dewisiadau a Chynlluniau Wrth Gefn

Cyflwyno Tactegol

Mae’r Comander Ardal Blismona Leol a’r Ditectif Brif Arolygydd yn gyfrifol am y canlynol:

Gwybodaeth, gweithrediad a chydymffurfedd y polisi hwn gyda'u
Nodi swyddogion addas i ymgymryd â hyfforddiant a rolau sydd eu hangen ar gyfer yr ymchwiliad arbenigol.

Bydd y Pennaeth Cyswllt a Rheoli Digwyddiadau yn gyfrifol am y canlynol:

Gwybodaeth, gweithrediad a chydymffurfedd y polisi hwn gyda staff Canolfan Reoli’r Heddlu.
Sefydlu hyfforddiant addas sy'n ymgorffori anghenion y rhai sy'n ymwneud â'r cyswllt cychwynnol â dioddefwyr.

Bydd y Prif Arolygydd arweiniol ar gyfer y Ganolfan Fregusrwydd yn gyfrifol am y canlynol:

Gwybodaeth, gweithrediad a chydymffurfedd y polisi hwn gyda'i
Sicrhau y cynhelir asesiadau risg eilaidd
Sicrhau bod trefniadau amlasiantaethol yn cael eu cynnal ar gyfer sefydlu cynlluniau rheoli risg.

Bydd yr Rweinydd Lifrog ar gyfer Cam-drin Domestig (Uwcharolygydd) (yn cefnogi’r Ditectif Uwcharolygydd Diogelu Pobl Agored i Niwed) yn gyfrifol am y canlynol:

Cefnogi ymdrechion strategol a fwriadwyd i gael effaith cadarnhaol ar fentrau a drosglwyddir yn lleol wedi eu hanelu at ymdrin â cham-drin domestig (e.e. ymwybyddiaeth o’r Swyddog Gorchmynion Sifil)
Hyrwyddo ymdrechion i wella cysondeb a chywirdeb cofnodi ar PPN DASH ac OEL ac ar negeseua ehangach o amgylch y gofyniad hwn.
Cefnogi adolygiad misol Archwiliadau Cam-drin Domestig er mwyn adnabod materion thematig a gosod gweithgarwch perthnasol.
Goruchwylio gweithgarwch cydlynol ar gyfer pencampwyr Cam-drin Domestig ym mhob Uned Reoli Sylfaenol.
Gweithredu fel sianel ar gyfer negeseua Cyfathrebu/yr Heddlu mewn perthynas ag unrhyw newid deddfwriaethol sy’n effeithio ar ymdrechion i ymdrin â Cham-drin Domestig.
Hyrwyddo atgyfeirio at Gynlluniau Troseddwyr lle ceir amodau priodol ond dealltwriaeth o ‘Gynllun B’ pan nad yw troseddwyr yn cymryd rhan.
Sicrhau bod strwythurau cyson mewn lle ar gyfer rheoli risg (manteision Erlyniad Dan Arweiniad Tystiolaeth/goruchwylio unigolion ar Orchmynion Sifil)
Llinell riportio ar gyfer uwchgyfeirio materion – Tîm Uwch-arweinwyr Wythnosol/Misol yr Uwcharolygydd, yna’r Bwrdd Gweithrediadau Arbenigol a gadeirir gan y Prif Gwnstabl Cynorthwyol.

Adrodd

Mae pum ffordd o roi gwybod i Heddlu Dyfed Powys am bryderon ynghylch Cam-drin Domestig:

Adroddiad ffôn i Ganolfan Reoli'r Heddlu;
Adroddiadau ar-lein drwy’r Hafan Ar-lein Unigol neu gyfryngau cymdeithasol;
Adrodd i'r Swyddog Ymholiadau Cyhoeddus yn yr orsaf;
Adrodd wrth swyddogion rheng flaen ar batrôl;
Atgyfeiriad gan bartneriaid i Gynhadledd Amlasiantaeth Asesu

*Gall adroddiadau gael eu gwneud gan ddioddefwyr neu gan drydydd parti ar ran dioddefwyr.

Dylai swyddogion ymateb a fydd yn darparu'r ymateb diogelu cychwynnol ymdrin ag adroddiadau sy'n gofyn am gamau diogelu ar unwaith. Bydd pob adroddiad yn cael ei ystyried gan ddefnyddio asesiad THRIVE (Bygythiad, Niwed, Risg, Ymchwilio, Bregusrwydd ac Ymgysylltu) i sefydlu lefel yr ymateb sydd ei hangen.

Ymateb i adroddiadau

Mae Heddlu Dyfed-Powys yn cyfeirio at arfer proffesiynol awdurdodedig y Coleg Plismona fel arfer gorau ar gyfer arweiniad ar sut rydym yn disgwyl ymateb i gam-drin domestig.

Ymateb Cychwynnol

Bydd lefel yr ymateb yn cael ei phennu gan y triniwr cyswllt yn dilyn asesiad
Bydd swyddog ymateb yn mynychu pob achos a bennir fel lefelau ymateb Gradd 1 neu 2 yn unol â'r safonau cenedlaethol ar gyfer mynychu galwadau.
Mewn achos lle penderfynir bod galwad yn safon Gradd 3, gellir ystyried bod defnyddio Ymateb dros Fideo yn Gyntaf neu Ymateb dros y Ffôn yn Gyntaf yn gyswllt cychwynnol priodol yn dilyn asesiad o fregusrwydd a chytundeb gan y

Presenoldeb ar y safle (ymatebion Gradd 1 a 2)

Ymdrinnir â phob presenoldeb ar safle â meddylfryd ymchwiliad a arweinir gan
Rhaid i gamera corff gael ei actifadu i gipio’r dystiolaeth sydd ar gael a'r adroddiad cychwynnol a ddarparwyd. Dylai camera corff fod YMLAEN hefyd wrth gwblhau’r asesiad risg DASH gyda’r dewis i beidio â recordio os yw’r amgylchiadau’n mynnu hynny (h.y. lle mae dioddefwr yn gyndyn i ymgysylltu â’r swyddog os yw’r camera corff ymlaen ac wedi rhoi gwybod i’r swyddog am hyn). RHAID cipio’r recordiad o’r sail resymegol dros beidio â recordio gan ardystiad clir ar y digwyddiad NICHE. Arfer gorau fyddai gwneud hynny ar gamera corff lle bo’n bosibl. (Yn unol â pharagraff 7c y Canllawiau Camera Corff sy’n dilyn canllawiau diwygiedig gan Gyngor Cenedlaethol Prif Swyddogion yr Heddlu ym mis Medi 2022).
Rhaid esbonio argaeledd mesurau arbennig wrth y dioddefwr i gefnogi darparu tystiolaeth mewn unrhyw wrandawiad llys dilynol.
Lle bo'n briodol, dylid cymryd camau cadarnhaol i sicrhau bod y dioddefwr yn cael ei Dylai hyn gynnwys arfer pwerau arestio oni bai fod cyfiawnhad clir i beidio â gwneud hynny.
Dylai llais y dioddefwr gael ei gofnodi a’i ystyried ym mhob agwedd ar ein penderfyniadau. Cydnabyddir na fydd dioddefwyr yn aml yn lleisio awydd i gefnogi camau diogelu oherwydd gorfodaeth neu ofn y Mewn

amgylchiadau lle mae risg yn parhau, mae'n debygol y bydd angen gweithredu yn erbyn dymuniadau'r dioddefwr.

Sefydlir cytundeb cyswllt dioddefwr ym mhob Mae hyn yn hollbwysig ar gyfer sicrhau bod y dioddefwr yn cael gwybod am gynnydd yr ymchwiliad yn ystod amserau a thrwy ddull cyswllt (ffôn/neges destun/e-bost) y cytunwyd arnynt rhwng yr ymchwilydd a’r dioddefwr. Dylid ailymweld â chytundeb cyswllt dioddefwr yn dilyn pob cysylltiad er mwyn sicrhau bod y cytundeb dal yn unol â dymuniadau’r dioddefwr.
Lle bo modd, dylid atgyfeirio at asiantaethau cymorth cyn gadael y dioddefwr a dylid ystyried defnyddio llinell gymorth Byw Heb Ofn (0808 8010 800) i ddarparu cymorth ar unwaith i’r dioddefwr.
O dan y Cod Ymarfer i Ddioddefwyr, mae’n ofynnol i ddioddefwyr derbyn diweddariadau rheolaidd. Bydd bob amser angen asesiad anghenion cychwynnol i sefydlu anghenion y dioddefwr a pha un ai a oes hawl gan y dioddefwr i wasanaeth uwch. Dylid ailymweld ag asesiad anghenion yn rheolaidd yn ystod yr ymchwiliad, yn arbennig pan mae penderfyniadau allweddol yn cael eu gwneud (e.e. Arestiadau, cyfweliadau, mechnïaeth, gwarediadau, canlyniad).
Os yw’r digwyddiad yn ymwneud â cham-drin ar sail anrhydedd, yna bydd yr ymatebwyr cyntaf yn dilyn y canllawiau a ddarperir gan Arfer Proffesiynol Awdurdodedig y Coleg Plismona ar Gamau Ymatebwyr Cyntaf o ran Cam-drin ar Sail Anrhydedd.

Ymateb Fideo Cyflym (YFC)

Gwasanaeth ymgynghoriad fideo dwy ffordd yw YFC sy’n galluogi Swyddogion a Staff Heddlu Dyfed-Powys i ddefnyddio llwyfan meddalwedd fideo i ddarparu ymateb fideo di-oed i alwadau cymwys am wasanaeth cam-drin domestig lle nad yw’r troseddwr yn bresennol. Bydd y gwasanaeth ymateb fideo cyflym yn darparu’r un ymateb ag y byddai ymateb cyntaf yn ei wneud yn bersonol, gan gynnal pob llwybr ymholi yn unol â chanllawiau’r Coleg Plismona ar ymchwilio a diogelu’r cyhoedd.

Bydd swyddogion sydd wedi derbyn hyfforddiant Ymateb Fideo Cyflym (YFC) yn gallu defnyddio meddalwedd fideo i gynnal ymgynghoriadau. Bydd swyddogion a staff heddlu sydd wedi’u hyfforddi’n briodol yn gallu cael mynediad i’r llwyfan, gan adolygu darnau ffilm wedi’u recordio a’u trosglwyddo. Defnyddir y feddalwedd fideo ar gyfer dibenion plismona yn unig mewn modd cywir a thryloyw, gan ddilyn y deddfwriaethau a’r codau ymarfer perthnasol.

Bydd diogelwch cyhoeddus, hyder cymunedol a’r broses cyfiawnder troseddol yn cael eu gwella drwy ddarparu gwasanaeth ymateb newydd a dewisol ar gyfer dioddefwyr trosedd priodol.

Rhaid i bob defnyddiwr ddarllen y dogfennau hyfforddi sydd ar gael neu dderbyn cyflwyniad hyfforddi gan swyddog neu aelod o staff yr heddlu sy’n deall sut i ddefnyddio’r system. Bydd hyfforddiant yn canolbwyntio ar sicrhau bod defnyddwyr yn deall bod defnyddio’r gwasanaeth gydag aelodau o’r cyhoedd yn cael ei ysgogi gan ganiatâd ac yn cael ei ddefnyddio’n gyfreithlon.

Bydd Goruchwylwyr yr Uned Ymateb Fideo i Gam-drin Domestig yn gyfrifol am wirio ansawdd ymatebion swyddogion YFC.

Mae Swyddogion Heddlu, Staff Heddlu a gwirfoddolwyr unigol yn gyfrifol am sicrhau eu bod nhw’n cydymffurfio â’r canllawiau perthnasol ar gyfer eu rôl.

Cynhelir asesiadau risg priodol gan swyddogion Canolfan Gyfathrebu’r Heddlu a’r Uned Ymateb Fideo i Gam-drin Domestig drwy bob galwad 999/101 er mwyn sicrhau nad yw pobl yn cael eu rhoi mewn perygl drwy ddefnyddio’r llwyfan meddalwedd fideo.

Asesu risg

Ym mhob digwyddiad, bydd asesiad risg cam-drin domestig, stelcio ac aflonyddu (DASH) yn cael ei gwblhau ar gyfer pob dioddefwr a bydd cynllun rheoli risg priodol yn cael ei sefydlu.
Mewn achosion lle mae dioddefydd yn gwrthod ateb cwestiynau DASH, mae’n hollbwysig bod y swyddog sy’n cwblhau’r asesiad risg DASH yn darparu cymaint o gyd-destun â phosibl yn yr adran sylwadau. Er na fydd dioddefydd o bosibl eisiau ateb, gall swyddogion fod wedi casglu gwybodaeth allweddol i hysbysu’r atebion wrth ymgysylltu â’r dioddefydd. Gall y cyd-destun a’r naratif a ddarperir yn yr adran ‘arsylwadau swyddog’ gynorthwyo asesiad risg a graddau dilynol yn fawr. Os yw swyddog yr achos yn ymwybodol o wybodaeth o ddigwyddiadau/asesiadau DASH blaenorol a fyddai’n cefnogi’r asesiad risg, gellir cynnwys y wybodaeth honno yn yr adran arsylwadau swyddog hefyd.
Mae angen dogfennu’r rhesymau dros wrthod cwblhau’r DASH ar y templed Niche Cynllun Rheoli Risg Cam-drin Domestig o dan ‘Wedi gwrthod DASH: Do/Naddo’.
Wrth ddeall lefelau risg, mae'r isod yn nodi'r safonau risg a ddisgwylir.
Y ddiffiniadau hyn yw'r diffiniadau seiliedig ar risg newydd o'r Asesiad Risg Cam-drin Domestig.

Lefelau risg DASH

Safonol – Ymddengys nad oes patrwm o ymddygiad camdriniol, neu reolaeth gan unigolyn dros rywun arall. Nid yw tystiolaeth gyfredol yn dynodi tebygolrwydd o achosi niwed difrifol.

Canolig – Ymddengys bod patrwm o gam-drin/rheolaeth gan unigolyn dros rywun arall a/neu drais corfforol mynych. Mae gan y cyflawnwr y potensial i achosi niwed difrifol ond mae’n annhebygol o wneud hynny oni bai fod newid mewn amgylchiadau, megis y dioddefydd yn ceisio gadael.

Uchel – Mae lefel eithafol o reolaeth gan unigolyn dros rywun arall a/neu drais corfforol difrifol aml iawn. Mae’r troseddwr yn cyflwyno bygythiad difrifol o niwed i’r troseddwr. Gallai'r digwyddiad posibl ddigwydd unrhyw bryd a byddai'r effaith yn ddifrifol.

Wrth ystyried y diffiniad o niwed difrifol, bydd yr heddlu yn defnyddio diffiniad Trefniadau Amlasiantaethol ar gyfer Amddiffyn y Cyhoedd (MAPPA) o niwed difrifol:

“Diffinnir risg o niwed difrifol fel: y tebygolrwydd o ymddygiad niweidiol o natur dreisgar neu rywiol sy’n bygwth bywyd a/neu’n drawmatig, ac y gellir yn rhesymol ddisgwyl y byddai adferiad yn ei sgil, boed yn gorfforol neu’n seicolegol, yn anodd neu’n amhosibl.”

Mewn achosion lle mae tagu wedi’i nodi fel ffactor risg, bydd hyn bob amser yn cael ei weld fel dangosydd risg o niwed difrifol ac felly ni fydd yn cael ei gofnodi fel achos risg safonol.

Lle canfyddir gwahaniad, ni fydd hyn yn cael ei ddefnyddio fel ffactor i liniaru risg yn y berthynas. Mae Heddlu Dyfed–Powys yn cydnabod y risg gynyddol i oroeswyr cam- drin domestig ar adeg gwahanu.

Unwaith y bydd gradd risg wedi'i sefydlu gan y swyddog â gofal a'i chytuno gan oruchwylydd y swyddog â gofal, ni wneir unrhyw newidiadau i'r asesiad risg heb gytundeb Uned Asesu Risg Eilaidd yr heddlu. Yn absenoldeb Uned Asesu Risg Eilaidd, gall Swyddog Cam-drin Domestig gynnal yr adolygiad. Dylid defnyddio Cyfarfod Rheoli Dyddiol yr Ardal Blismona Leol fel proses ddwysáu os oes anghytuno ynghylch graddau risg sy’n effeithio ar berchnogaeth a phennu (megis achosion dalfa). Yna, gellir dwysáu hyn i Gyfarfod Rheoli Dyddiol yr Heddlu.

Dylid cynnig cymorth arbenigol trwy asiantaethau partner i bob lefel risg. Mewn achosion risg uchel, bydd Cynghorydd Annibynnol ar Drais Domestig (IDVA) yn cael y dasg ragweithiol i ymgysylltu â’r dioddefwr.

Asesiad o Anghenion Gofal Tyst

Mewn achosion Cam-drin Domestig Perygl Uwch, fel arfer, y Swyddog â Gofal fydd yn gyfrifol am gwblhau Asesiad o Anghenion Gofal Tyst yn dilyn Cyhuddiad. Arfer gorau yw cwblhau’r asesiad anghenion ar y cyd â’r Cynghorydd Annibynnol ar Drais Domestig/ Cynghorydd Annibynnol ar Drais Rhywiol (os oes cynghorydd o’r fath wedi’i bennu).

Gan ystyried anghenion / gwendidau’r dioddefwr ynghyd ag unrhyw gymhlethdodau ymchwilio, os yw’r Swyddog â Gofal yn ei ystyried yn briodol i Ofal Tystion gynnal yr Asesiad Anghenion ar ei ran, bydd yn hysbysu Gofal Tystion, a fydd yna’n medru cynnal yr asesiad, drwy e-bost.

Perchnogaeth a phennu droseddau:

Bydd Heddlu Dyfed-Powys yn mabwysiadu ymagwedd sy'n seiliedig ar risg at berchnogaeth ar gynlluniau rheoli risg a chymorth parhaus i ddioddefwyr. Ni ddylai dyraniad yr ymchwiliad i drosedd fod yn seiliedig yn unig ar yr asesiad risg DASH sy'n gysylltiedig â'r digwyddiad ond dylai ystyried difrifoldeb a chymhlethdod y digwyddiad yn unol â chanllawiau dyrannu troseddau. Mae'r isod yn nodi'r egwyddorion a fydd yn cael eu cymhwyso:

Risg uchel - Pennir Swyddog Diogelu Pobl Fregus arbenigol i sefydlu a rheoli’r cynllun rheoli risg a darparu cymorth ymchwiliol o ran cipio tystiolaeth ar gyfer achosion perygl uwch. Bydd hyn yn cefnogi’r pwynt cyswllt sengl ac yn lleihau ail-drawmateiddio drwy ailadrodd cyfrifon. Bydd achosion risg uchel yn cael eu hadolygu gan Dditectif Arolygydd er mwyn ystyried dyrannu ymchwilydd hyfforddedig PIP2 (neu ymchwilydd sy’n gweithio tuag at PIP Lefel 2) ar gyfer achosion difrifol neu gymhleth. Os yw'r drosedd yn ymwneud â thrais a throseddau rhywiol difrifol neu ymosodiad ag anafiadau niwed corfforol difrifol, yna bydd hwn yn cael ei ddyrannu i ymchwilydd PIP Lefel 2 (neu ymchwilydd sy’n gweithio tuag at PIP Lefel 2).

Risg ganolig - Ar gyfer achosion perygl cymedrol, bydd angen i’r swyddog sy’n bresennol sefydlu cynllun rheoli risg effeithiol. Bydd y cynllun hwn yn cael ei adolygu gan Swyddog Diogelu Pobl Fregus er mwyn sicrhau y darparwyd cyngor ac ystyriaeth arbenigol. Bydd yr ymchwiliad yn aros gyda’r swyddog PIP Lefel 1 sydd â gofal dros yr achos a bennwyd oni bai fod y drosedd yn ymwneud â thrais neu droseddau rhywiol difrifol neu mae ymosodiad ag anafiadau niwed corfforol difrifol yn drais neu drosedd rywiol ddifrifol/anafiadau niwed corfforol difrifol, neu y byddai difrifoldeb neu gymhlethdod yr achos yn gofyn am sgiliau ymchwilydd PIP2.

Risg safonol – Ar gyfer achosion perygl safonol, bydd angen i Swyddog yr Achos sefydlu cynllun rheoli risg effeithiol. Swyddog hyfforddedig PIP1 a fydd yn cael ei sefydlu fel y swyddog â gofal i gynnal yr ymchwiliad oni bai fod y drosedd yn ymwneud â thrais neu drosedd rywiol ddifrifol neu ymosodiad ag anafiadau niwed corfforol difrifol, yn drais neu drosedd rywiol ddifrifol/anafiadau niwed corfforol difrifol, neu y byddai difrifoldeb neu gymhlethdod yr achos yn gofyn am sgiliau ymchwilydd PIP2.

Er nad yw difrifoldeb a/neu gymhlethdod wedi'u diffinio, mae canllawiau dyrannu troseddau'r heddlu yn nodi'r canlynol fel ystyriaethau:

Difrifoldeb a/neu gymhlethdodau

Yn cynnwys y defnydd o drais, gan gynnwys y defnydd o arfau ac arfau saethu
Ymosodiadau rhywiol difrifol
Yn ymwneud a marwolaeth neu'n debygol o arwain at farwolaeth
Mae'n arwain at elw neu golled ariannol sylweddol
Yn cynnwys llawer o bobl wrth geisio cyflawni pwrpas cyffredin
Yn debygol o arwain at ddedfryd sylweddol o garchar
Yn gysylltiedig a gweithgaredd neu grwpiau troseddu trefnedig
Byrgleriaethau sleifio i mewn / drwy dynnu sylw

Graddio risg	Cyfrifoldeb ymchwilio	Nodyn	Cyfrifoldeb diogelu
Safonol	Uned Ymchwilio i Droseddau		Swyddog â gofal
Canolig	Uned Ymchwilio i Droseddau	Heb drais neu drosedd rywiol ddifrifol arall, anafiadau niwed corfforol difrifol, neu’n ddifrifol a chymhleth	Swyddog â gofal gyda swyddog diogelu pobl fregus yn adolygu’r cynllun rheoli risg
Risg uchel	Uned Ymchwilio i Droseddau	Pob achos cam-drin domestig sydd â sgôr risg uchel	Swyddog Diogelu Pobl Fregus / Cynghorydd Annibynnol ar Drais Domestig / Cynghorydd Annibynnol ar Drais Rhywiol
Unrhyw risg	CID	Os yw'n drais neu drosedd rywiol ddifrifol arall, yn gysylltiedig â niwed corfforol difrifol, neu’n ddifrifol a chymhleth

Cyfrifoldebau ar gyfer sicrhau bod troseddau’n cael eu pennu’n effeithiol:

Bydd Ditectif Arolygwyr yn adolygu pob digwyddiad domestig sydd â gradd risg uchel, a gan ddefnyddio’r meini prawf uchod, yn gwneud y penderfyniad (gan roi ardystiad ar y cofnod ymholiad digwyddiad) ac yn rhoi manylion am y rhesymau pam fod yr ymchwiliad yn mynd i gael ei ymchwilio gan yr Adran Ymchwilio i Droseddau neu’r Uned Ymchwilio Leol.

Os bydd unrhyw anghytuno ynghylch penderfyniad y Ditectif Arolygydd, bydd y mater yn cael ei ddwysáu i’r Ditectif Brif Arolygydd Rhanbarthol neu Uwch Swyddog Ymchwilio’r Heddlu os nad yw’n gweithio.
Bydd perchnogaeth yn cael ei drafod a’i gadarnhau gan gadeirydd y Cyfarfod Rheoli Dyddiol sirol.

Adolygiad Risg Eilaidd a Chynhadledd Amlasiantaeth Asesu Risg

Bydd Uned Asesu Risg Eilaidd Heddlu Dyfed–Powys yn cynnal adolygiad o'r holl asesiadau risg DASH a gwblhawyd i sicrhau bod unrhyw risg weddilliol yn cael ei rheoli'n effeithiol trwy ddarpariaethau'r Gynhadledd Amlasiantaeth Asesu Risg neu waith Cydnabyddir bod cynllunio rheoli risg tymor hwy yn heriol yn syth ar ôl digwyddiad trawmatig a thu allan i oriau swyddfa arferol.
Bydd pob achos lle mae sgôr risg uchel yn cael ei ystyried gan bartneriaeth y Gynhadledd Amlasiantaeth Asesu Risg, a fydd yn cadw at ganllawiau SafeLives y gynhadledd.
Bydd unrhyw achos yr ystyrir ei fod wedi cael gwrandawiad yn flaenorol gan y Gynhadledd Amlasiantaeth Asesu Risg neu’n achos sydd wedi’i ddwysáu (tri digwyddiad yn y deuddeg mis blaenorol) yn cael ei ystyried gan banel sy’n cynnwys arbenigwr Cam-drin Domestig yr heddlu, Cynghorydd Annibynnol ar Drais Domestig a chymorth i ddioddefwyr, iechyd, gwasanaethau plant/oedolion, profiannaeth prawf, tai i nodi unrhyw fudd o ran ei atgyfeirio at y gynhadledd.
Os nad yw arbenigwyr o fewn yr Uned Asesu Risg Eilaidd yn credu y byddai achos sydd wedi cael gwrandawiad yn flaenorol gan y Gynhadledd Amlasiantaeth Asesu Risg neu achos dwysáu’n elwa o gael ei gyfeirio at Drafodaeth Ddyddiol oherwydd lefel y cymorth parhaus a’r rheolaeth risg sydd eisoes yn bodoli, bydd y penderfyniad hwn yn cael ei adolygu a’i ddilysu gan Dditectif Ringyll o fewn yr Uned Asesu Risg Eilaidd.
Yn ystod yr asesiad risg eilaidd, bydd ystyriaeth ychwanegol yn cael ei rhoi i'r risg a achosir gan gyflawnwyr sy'n arddangos nodweddion gorfodaethol a rheolaethol, gan gynnwys Bydd hyn yn cynnwys asesiad yn erbyn wyth cam llinell amser lladdiadau a’r offeryn buddsoddi amser stelcio. Bydd yr asesiadau hyn yn rhoi gwell dealltwriaeth o'r risg a achosir gan nodweddion trosedd ymddygiadol.

Plant sy’n agored i Gam-drin Domestig

Pan nodir bod plentyn yn rhan o deulu lle mae unrhyw gam-drin domestig wedi digwydd, nodir y gall yr effaith ar y plentyn hwnnw fod yn niweidiol gyda thrawma yn para am oes. Bydd Heddlu Dyfed-Powys yn gwneud y canlynol:

Trwy broses asesu risg eilaidd a Chynhadledd Amlasiantaeth Asesu Risg, ceisio nodi pob plentyn, boed yn bresennol yn y digwyddiad ai
Byddwn yn cynrychioli llais y plentyn drwy siarad â’r plentyn a deall yr effaith mae’r amgylchiadau presennol yn ei chael ar y plentyn.
Byddwn yn rhannu gyda’r awdurdod lleol perthnasol fanylion y plentyn a’r digwyddiad er mwyn gallu cynnal asesiad diogelu.
Byddwn yn rhannu manylion digwyddiadau o'r fath yn awtomatig ag adran addysg yr awdurdod lleol perthnasol o dan delerau ‘Ymgyrch Encompass’ fel y cytunwyd o dan y protocol lleol.

Os nodir bod plentyn mewn perygl o niwed sylweddol, yna disgwylir i’r swyddog sy’n cyflwyno’r Hysbysiad Diogelu’r Cyhoedd sy’n ymwneud â cham- drin domestig, stelcio ac aflonyddu gyflwyno Hysbysiad Diogelu’r Cyhoedd sy’n ymwneud â phlant ar wahân a fydd yna’n cychwyn trafodaeth ynghylch strategaeth diogelu plant.

Llais y Plentyn

Os oes plant wedi’u henwi ar Hysbysiad Diogelu’r Cyhoedd sy’n ymwneud â cham- drin domestig, RHAID i’r swyddog gipio llais y plentyn o fewn yr hysbysiad.

Os oes plentyn yn bresennol pan mae’r heddlu yno, mae angen cipio’r canlynol o fewn y maes Llais y Plentyn o fewn yr Hysbysiad Diogelu’r Cyhoedd sy’n ymwneud â phlant:

Ymddangosiad
Geiriau
Gweithgarwch ac Ymddygiad
Perthnasau a Dynameg
Amgylchedd

*Os oes plentyn yn bresennol ond mae’n ymddangos ei fod yn cysgu, RHAID i swyddogion ddefnyddio barn broffesiynol wrth benderfynu pa un ai a ddylid deffro’r plentyn/plant. Rhaid cydbwyso hyn yn erbyn y gofyniad diogelu â’r effaith emosiynol/seicolegol o ddeffro’r plentyn er mwyn cipio ei lais. Gallai’r swyddog dal gipio manylion ‘Ymddangosiad ac Amgylchedd’ o fewn yr Hysbysiad Diogelu’r Cyhoedd sy’n ymwneud â cham-drin domestig. Dylid nodi’r rhesymau dros beidio â deffro’r plentyn/plant o fewn y maes ‘Llais y Plentyn’ ar yr Hysbysiad Diogelu’r Cyhoedd.

Os nad yw’r plentyn/plant yn bresennol, RHAID i’r swyddog gipio’r elfen Amgylchedd o fewn yr Hysbysiad Diogelu’r Cyhoedd sy’n ymwneud â cham-drin domestig.

Cam-drin Rhieni gan Blant

Mae Heddlu Dyfed-Powys yn cydnabod Cam-drin Rhieni gan Blant fel math o Gam- drin Domestig. Ar hyn o bryd, does dim diffiniad cyfreithiol o Gam-drin Rhieni gan Blant. Fodd bynnag, caiff ei gydnabod yn gynyddol fel math o Gam-drin Domestig, a chan ddibynnu ar oed y plentyn, gall ddod o dan diffiniad swyddogol y llywodraeth o gam-drin a thrais domestig (dros 16).

Mae Heddlu Dyfed-Powys yn cydnabod bod Cam-drin Rhieni gan Blant yn fater gydol oes. Mae’r canllawiau hyn yn berthnasol ar gyfer y berthynas rhwng rhiant a phlentyn, gan gynnwys cam-drin rhieni gan blant ifanc, pobl ifainc a phlant sy’n oedolion.

Bydd Heddlu Dyfed-Powys yn gweithio mewn partneriaeth â Parent Educational Growth Support (PEGS) drwy gyfeirio dioddefwyr cam-drin rhieni gan blant atynt unwaith y ceir caniatâd hyddysg. Bydd HDP yn glynu wrth y Canllawiau Rhanbarthol ar Gam-drin Rhieni gan Blant a grëwyd gan Fwrdd Diogelu Canolbarth a Gorllewin Cymru.

Tynnu cwyn dioddefwr yn ôl

Mae sawl rheswm pam mae dioddefwyr yn ceisio tynnu eu cwyn am gam-drin domestig yn ôl. Efallai bod eu camdriniwr yn eu bygwth; mae gormod o ofn arnynt; mae aelodau eraill o’r teulu’n dwyn perswâd arnynt; maent wedi cymodi â’u camdriniwr; maent yn dewis parhau drwy’r llysoedd sifil; neu maen nhw’n teimlo nad ydynt eisiau rhoi tystiolaeth yn y llys a mynd drwy’r broses farnwrol. Ceir pwerau sy’n caniatáu i Wasanaeth Erlyn y Goron (GEG) gyflwyno tystiolaeth y dioddefwr heb fod angen iddo fod yn bresennol yn y llys.

Pan mae dioddefwr yn dweud ei fod eisiau tynnu ei gefnogaeth yn ôl ar gyfer y broses erlyn, dylid cymryd datganiad sy’n nodi ac yn disgrifio unrhyw resymau dros dynnu’n ôl. Pan fydd ar gael, ar gyfer achosion ôl-gyhuddo, dylai Swyddog Diogelu Pobl Fregus gymryd datganiad tynnu’n ôl ar gyfer dioddefwyr cam-drin domestig perygl Uwch/Canolig/Safonol. Y swyddog hwnnw sydd yn y sefyllfa orau i drafod oblygiadau llawn y cam hwn gyda dioddefwr. Os nad yw’r Swyddog Diogelu Pobl Fregus ar gael, dylai’r swyddog sy’n cymryd datganiad tynnu’n ôl geisio cyngor Swyddog Diogelu Pobl Fregus neu Oruchwylydd neu Dditectif Ringyll CID.

Dylai pob datganiad tynnu’n ôl gynnwys y canlynol:

cadarnhad o ran a oedd y datganiad gwreiddiol a roddwyd i’r heddlu’n wir – os oes angen diwygio’r cyfrif gwreiddiol, dylid cynnwys eglurhad drosto
pa un ai a yw’r dioddefwr wedi’i roi dan bwysau i dynnu’n ôl
natur yr honiad gwreiddiol (os nad ydyw wedi’i drafod yn llawn mewn datganiad blaenorol)
rhesymau’r dioddefwr dros dynnu’r honiad yn ôl
gyda phwy y mae wedi trafod yr achos – yn arbennig unrhyw un sydd wedi’i gynghori (cyfreithiwr, er enghraifft)
pa un ai a oes unrhyw weithdrefnau sifil wedi’u cychwyn, neu’n debygol o gael eu cychwyn
yr effaith ar fywyd y dioddefwr a bywydau unrhyw blant os yw’r achos yn mynd yn ei flaen

Bydd adroddiad gan swyddog â gofal (MG6(DA)) yn cyd-fynd â datganiad tynnu’n ôl y dioddefwr

Cwblhad canlyniad 16 – angen awdurdodiad Arolygydd

Rhaid i arolygwyr awdurdodi gweithredu Canlyniad 16 ar gyfer pob digwyddiad Cam- drin Domestig. Rhaid i arolygwyr fod yn fodlon ar yr isod cyn cadarnhau y gellir ffeilio’r mater o dan Ganlyniad 16:

Ymchwiliwyd yn llawn i’r
Ymgymerwyd â’r holl lwybrau ymholi
Does dim llwybrau ymchwilio posibl
Mae’r holl gudd-wybodaeth sydd ar gael wedi’i nodi a’i thrin yn unol â
Cadarnhawyd nad oes unrhyw gyfleoedd ar gyfer erlyniad a arweinir gan dystiolaeth (mae angen rhesymeg)
Adolygiad y swyddog â gofal o’r asesiad Risg / Niwed / Bygythiad

Gwarediad y Tu Allan i’r Llys ac arfau dargyfeiriol ar gyfer ymchwiliadau Cam- drin Domestig

Bydd Heddlu Dyfed-Powys yn dilyn Arfer Proffesiynol Awdurdodedig y Coleg Plismona a chanllawiau GEG ar y defnydd o warediadau y tu allan i’r llys ar gyfer achosion Cam- drin Domestig.

Defnyddio Cyfiawnder Adferol

Ni fydd Heddlu Dyfed-Powys yn cefnogi’r defnydd o gyfiawnder adferol mewn achosion Cam-drin Domestig. Ni ddylid defnyddio cyfiawnder adferol fel gwarediad ar gyfer unrhyw drosedd Cam-drin Domestig. Mae gan bob dioddefwr yr hawl i dderbyn gwybodaeth am gyfiawnder adferol gan yr heddlu, gan gynnwys dioddefwyr cam-drin domestig, ond nid yw Heddlu Dyfed-Powys yn cefnogi defnyddio cyfiawnder adferol ar gyfer unrhyw drosedd Cam-drin Domestig.

Rhybuddion Syml Oedolion

Nid yn aml y mae rhybuddion yn briodol mewn achosion cam-drin domestig. Wrth natur, maen nhw’n cynnwys y ffactor gwaethygol o dor-ymddiriedaeth ac nid yw cam- drin yn cael ei adrodd yn syth ar ôl yr achos cyntaf yn aml iawn. Gall ymddygiad rheolaethol neu orfodaethol hefyd ddylanwadu ar farn y dioddefwr ar rybudd. Gan hynny, cyhuddiad yw’r dewis sy’n cael ei ffafrio bob amser pan mae’r achos yn pasio’r profion budd cyhoeddus a thystiolaethol. Mewn egwyddor, os oes digon o dystiolaeth i rybuddio, mae digon o dystiolaeth i gyhuddo. Gall fod budd cyhoeddus neu resymau eraill dros beidio â pharhau ag erlyniad mewn achos penodol – yn yr achosion hynny, gellir ystyried rhybudd fel dewis arall yn lle ‘Dim Gweithredu Pellach’.

Gellir ond ystyried rhybuddion yn warediad priodol pan mae’r prawf tystiolaethol wedi’i basio, ac mae’r canlynol wedi’u hystyried (Gall yr heddlu ond gwneud penderfyniadau ynghylch cyhoeddi rhybuddion ar droseddau naill ffordd neu’r llall ac NID troseddau ditiadwy YN UNIG):

Cam-drin Domestig sy’n cynnwys Trais, Trosedd Rywiol, Stelcio neu droseddau Aflonyddu:

Mae’r troseddwr wedi cyfaddef yn llawn ac nid yw wedi sôn am y posibilrwydd o amddiffyniad, er enghraifft, mewn achos o ymosod, hunanamddiffyn.
Mae’r troseddwr yn dangos edifeirwch
Mae’r asesiad risg DASH yn dangos nad yw’r perygl i ddiogelwch y dioddefwr a/neu’r teulu’n uwch na dosbarthiad risg “Safonol”.
Peth tystiolaeth mai trosedd gyntaf cam-drin domestig ydyw – gwiriwch nad oes unrhyw adroddiadau eraill neu gudd-wybodaeth am gam-drin blaenorol o’r dioddefwr, cyn bartneriaid neu aelodau o’r (Os oes adroddiadau blaenorol am gam-drin domestig o fewn y 3 blynedd diwethaf, ni ellir cyhoeddi rhybudd. Bydd angen ystyried adroddiadau blaenorol am gam-drin domestig sy’n hŷn na 3 blynedd ar sail achos wrth achos)
Difrifoldeb y drosedd a’r amrediad o gosbau (Gellir ond ystyried rhybuddion ar gyfer troseddau naill ffordd neu’r llall/diannod)
Crynswth y troseddu presennol a hanes o euogfarnau blaenorol a gwarediadau y tu allan i’r llys, yn arbennig os yn ddiweddar neu’n debyg. (Ni ellir cyhoeddi rhybudd syml os yw’r troseddwr wedi derbyn datrysiad y tu allan i'r llys ar gyfer digwyddiad domestig o fewn y 6 blynedd diwethaf. Os yw’r troseddwr wedi derbyn dtarysiad y tu allan i'r llys sy’n hŷn na 6 blynedd ac roedd yn ymwneud â Digwyddiad Domestig nad oedd yn dreisgar, gellir ystyried rhybudd yn unol ag ystyriaethau eraill HEBLAW bod y datrysiady tu allan i'r llys yn ymwneud â’r un dioddefwr. Bydd angen ystyried unrhyw euogfarnau/datrysiad y tu allan i’r llys dros 6 blynedd mewn perthynas â pherthynas diffynnydd/dioddefwr gwahanol ar sail achos wrth achos, yn unol ag ystyriaethau/ffactorau eraill)
Ni ddylai fod gan y dioddefwr gofnod heddlu blaenorol perthnasol ar gyfer trais. (Os oes gan y diffynnydd unrhyw gofnodion heddlu sy’n awgrymu tuedd tuag at drais sydd heb arwain at euogfarn/gwarediad y tu allan i’r llys, yna bydd yn rhaid ystyried diweddaredd a difrifoldeb y trais yr adroddwyd amdano yn unol â )
Mae’r ymchwiliad wedi’i adolygu ac mae’r swyddog awdurdodi’n fodlon na fyddai erlyniad a arweinir gan dystiolaeth o fudd i’r cyhoedd ac nad oes potensial pellach ar gyfer datblygu ymchwiliad a allai effeithio ar y penderfyniad budd cyhoeddus.
Does dim tystiolaeth o ymddygiad gorfodaethol neu reolaethol ar ran y drwgdybyn o fewn y berthynas a allai dylanwadu ar farn y dioddefwr (i’w ddilysu gan y gwasanaethau cymorth lle mae’n bosibl).
Mae sancsiynau cyfiawnder posibl eraill wedi’u harchwilio a’u
Mae barn y dioddefwr wedi’i geisio – mae’n ofynnol o dan God Ymarfer y Weinyddiaeth Gyfiawnder (2015) ar gyfer Dioddefwyr Trosedd bod yr heddlu’n gofyn i’r dioddefwr am ei farn ac yn ei ystyried wrth wneud y penderfyniad, pan yn ymarferol.

Cam-drin Domestig HEB Drais, Trosedd Rywiol, Stelcio neu droseddau Aflonyddu:

Mae’r troseddwr wedi cyfaddef yn llawn ac nid yw wedi sôn am y posibilrwydd o amddiffyniad, er enghraifft, mewn achos o ymosod, hunanamddiffyn.
Mae’r troseddwr yn dangos edifeirwch
Mae’r asesiad risg DASH yn dangos nad yw’r perygl i ddiogelwch y dioddefwr a/neu’r teulu’n uwch na dosbarthiad risg “Safonol”.
Peth tystiolaeth mai trosedd gyntaf cam-drin domestig ydyw – gwiriwch nad oes unrhyw adroddiadau eraill neu gudd-wybodaeth am gam-drin blaenorol o’r dioddefwr, cyn bartneriaid neu aelodau o’r teulu. (Os oes adroddiadau blaenorol am gam-drin domestig o fewn y flwyddyn ddiwethaf, ni ellir cyhoeddi Bydd angen ystyried adroddiadau blaenorol am gam-drin domestig sy’n hŷn na blwydd ar sail achos wrth achos, yn unol â’r ystyriaethau isod)
Difrifoldeb y drosedd a’r amrediad o gosbau
Crynswth y troseddu presennol a hanes euogfarnau blaenorol a gwarediadau y tu allan i’r llys, yn arbennig os yn ddiweddar neu’n debyg. (Ni ellir cyhoeddi rhybudd syml os yw’r troseddwr wedi derbyn satrysiad y tu allan i'r llys ar gyfer digwyddiad domestig o fewn y 6 blynedd diwethaf. Os yw’r troseddwr wedi derbyn datrysiad y tu allan i'r llys sy’n hŷn na 6 blynedd mewn perthynas â Digwyddiad Domestig, gellir ystyried rhybudd os yw’n unol ag ystyriaethau eraill HEBLAW bod y datrysiad y tu allan i'r llys yn ymwneud â’r un dioddefwr. Os yw’n ymwneud â’r un dioddefwr, ni ellir cyhoeddi rhybudd syml. Bydd angen ystyried unrhyw euogfarnau/datrysiad y tu allan i’r llys dros 6 blynedd mewn perthynas â pherthynas diffynnydd/dioddefwr gwahanol ar sail achos wrth achos, yn unol ag ystyriaethau/ffactorau eraill)
Ni ddylai fod gan y diffynnydd gofnod heddlu blaenorol perthnasol ar gyfer trais. (Os oes gan y diffynnydd unrhyw gofnodion heddlu sy’n awgrymu tuedd tuag at drais sydd heb arwain at euogfarn/gwarediad y tu allan i’r llys, yna bydd yn rhaid ystyried diweddaredd a difrifoldeb y trais yr adroddwyd amdano yn unol â )
Mae’r ymchwiliad wedi’i adolygu ac mae’r swyddog awdurdodi’n fodlon na fyddai erlyniad a arweinir gan dystiolaeth o fudd i’r cyhoedd ac nad oes potensial pellach ar gyfer datblygu ymchwiliad a allai effeithio ar y penderfyniad budd cyhoeddus.
Mae sancsiynau cyfiawnder posibl eraill wedi’u harchwilio a’u
Mae barn y dioddefwr wedi’i geisio – mae’n ofynnol o dan God Ymarfer y Weinyddiaeth Gyfiawnder (2015) ar gyfer Dioddefwyr Trosedd bod yr heddlu’n gofyn i’r dioddefwr am ei farn ac yn ei ystyried wrth wneud y penderfyniad, pan yn ymarferol.

Ni ddylid defnyddio rhybuddion oherwydd eu bod yn ymddangos yn ddewis haws nag adeiladu ffeil erlyniad. Dylai goruchwylwyr fonitro unrhyw rybuddion a weinyddir mewn achosion Cam-drin Domestig yn agos.

Rhaid i swyddog o reng Arolygydd neu uwch awdurdodi pob rhybudd ar gyfer digwyddiadau sy’n ymwneud â cham-drin domestig a rhaid rhoi rhesymeg glir ar y cofnod ymholiad digwyddiad sy’n cynnwys yr ystyriaethau uchod.

Rhybuddion Amodol a Rhybuddio a Cham-drin Perthynas (CARA)

Mae ymyrraeth Rhybuddio a Cham-drin Perthynas (CARA) yn gorwedd o fewn y system Cyfiawnder Troseddol fel ymyrraeth gynnar sy’n targedu troseddwyr cam-drin domestig sy’n bodloni meini prawf penodol ac sy’n derbyn Rhybudd Amodol. O dan y fframwaith datrysiad y tu allan i’r llys newydd, defnyddir CARA ar gyfer troseddwyr sy’n derbyn Rhybudd Dargyfeiriol.

Mae CARA yn cefnogi troseddwyr i wneud dewisiadau gwell o ran ymddygiad yn eu perthnasau. Mae’n hyrwyddo diogelwch teulu’r troseddwr drwy wasanaeth cyswllt dioddefwyr cysylltiedig sy’n cynnig diogelu a chefnogaeth.

Mae CARA yn hyrwyddo gwell ymateb Cyfiawnder Troseddol ar gyfer dioddefwyr Cam-drin Domestig –

Mae dioddefwyr yn dweud yn aml nad ydynt eisiau gadael y berthynas a’u bod eisiau i’w partner gael help;
Nid yw rhybudd syml yn herio troseddwyr i adlewyrchu ar effaith eu hymddygiad ar eu teulu ac nid yw’n cynnwys unrhyw elfen ‘adsefydlu’;
Mae ymgysylltiad â dioddefwyr gan yr heddlu ac asiantaethau trydydd sector yn cael ei hybu, gan wella rheoli risg.
Nid arestio a chyhuddo pobl am gam-drin domestig yw’r unig ffordd o fynd i’r afael â cham-drin domestig ac atal troseddu pellach bob amser.
Gellir defnyddio rhybuddion fel tystiolaeth o droseddu blaenorol mewn gweithdrefnau llys yn y dyfodol. Gan hynny, mae CARA am wella atebolrwydd y troseddwr yn achos unrhyw arestiadau yn y dyfodol.
Mae gan gyfeiriad CARA feini prawf penodol, sy’n nodi’r paramedrau ar gyfer pwy sy’n gymwys am gyfeiriad.

Ceir manylion pellach am y broses CARA o fewn y ddogfen weithdrefn gysylltiedig.

Datrysiadau Cymunedol Oedolion

Eto, mae Datrysiadau Cymunedol Oedolion yn annhebygol o fod yn briodol fel gwarediad cam-drin domestig. Dylai ymchwilwyr wastad ceisio Cyhuddo troseddwr o gam-drin domestig, ac os nad yw erlyniad o fudd i’r cyhoedd, dylid ystyried Rhybudd Syml gan ddefnyddio’r canllawiau uchod ar Rybuddion Cam-drin Domestig. Os bydd y drwgdybyn yn gwneud cyfaddefiad llawn ac nid yw Cyhuddiad neu Rybudd o fudd i’r cyhoedd, er bod hynny’n annhebygol, gellir ystyried datrysiad cymunedol oedolion ar gyfer achosion cam-drin domestig heb fod o natur bersonol a heb fod yn dreisgar. Bydd yr amgylchiadau hyn yn cael eu hystyried fel rhai eithriadol, ac mae angen awdurdod y Prif Arolygydd. Rhaid cofnodi’r rhesymeg lawn ar y system Niche, gan amlinellu ei benderfyniad ynglŷn â pham oedd Cyhuddiad neu Rybudd yn amhriodol yn glir.

*Gan na ellir defnyddio’r cynllun dargyfeiriol ar gyfer troseddau rhywiol neu gam-drin domestig, mae’n annhebygol y byddai datrysiad cymunedol oedolion yn briodol dros Rybudd syml.

Dylid defnyddio’r matrics difrifoldeb oedolion wrth ystyried gwarediad drwy gyfrwng Datrysiad Cymunedol. Ni ddylid cyhoeddi datrysiad cymunedol oedolion ar gyfer y canlynol:

Troseddau ditiadwy yn unig
Cam-drin domestig gan bartner agos
Troseddau treisgar nad ydynt yn bersonol

Canllawiau 2023 ar gyfer Datrysiadau Cymunedol Oedolion f6:

Y Cynllun Datgelu Trais Domestig

Mae gan yr heddlu bwerau cyfraith gyffredin i ddatgelu gwybodaeth, yn fras lle mae angen dybryd i amddiffyn pobl. Yn y cyd-destun hwn, mae’r pwerau hyn yn sail i ddatgeliadau o dan y Cynllun Datgelu Trais Domestig, sy’n golygu yn ymarferol y gellir rhannu gwybodaeth am hanes hysbys rhywun o drais neu gam-drin, sydd fel arfer yn ymwneud ag euogfarnau neu gyhuddiadau blaenorol, i aelodau o’r cyhoedd lle mae angen dybryd am ddatgelu’r wybodaeth er mwyn atal rhagor o droseddu.

Prif nod y Cynllun Datgelu Trais Domestig yw cyflwyno gweithdrefnau cydnabyddedig a chyson ar gyfer arfer y pŵer hwn yn y cyd-destun hwn, er mwyn galluogi’r heddlu i ddatgelu gwybodaeth lle byddai’n amddiffyn aelod o’r cyhoedd a allai fod mewn perygl o ddioddef cam-drin domestig.

Mae gan y cynllun ddwy elfen: yr “Hawl i Ofyn” a’r “Hawl i Wybod”.

Bydd Heddlu Dyfed-Powys yn glynu wrth Ganllawiau Statudol Cynllun Datgelu Trais Domestig y Swyddfa Gartref (Ebrill 2023) ac yn cydymffurfio â mapio prosesau mewnol.

Trafodaethau Amlasiantaeth

Yr Hawl i Ofyn – Bydd pob achos sy’n cael ei ystyried yn achos Perygl Uwch yn cael ei gyfeirio at fforwm Trafodaeth Dyddiol (MARAC). Ni fydd achosion Perygl Safonol a Chanolig yn cael eu trafod fel arfer, heblaw eu bod wedi’u cyfeirio drwy farn proffesiynol.

Yr Hawl i Wybod – Bydd pob achos sy’n cael ei gyfeirio at yr Uned MARAC gan bartneriaid allanol yn cael ei gyfeirio at fforwm Trafodaeth Dyddiol (MARAC).

Bydd y fforwm yn cynnwys 3 Asiantaeth arall o leiaf – asiantaethau craidd – sef yr Heddlu/y Gwasanaeth Prawf/Cynghorydd Annibynnol ar Drais Domestig. Bydd gwybodaeth yn cael ei rhannu yn y fforwm hwn a diogelu’n cael ei drafod. Gall gwybodaeth a rennir mewn paneli amlasiantaeth hysbysu ystyriaethau o gwmpas datgelu lle bo’n berthnasol, ond yr heddlu sy’n gyfrifol am wneud y penderfyniad terfynol o ran pa un ai a i ddatgelu ai peidio.

Cam-drin domestig a gyflawnir gan yr heddlu

Fel swyddogion a staff yr heddlu, yr ydym yn dal swyddi o awdurdod a phŵer. Mae ein cymunedau’n ymddiried ynom i ymateb i adroddiadau am Gam-drin Domestig, cefnogi dioddefwyr a dwyn troseddwyr i gyfiawnder. Pan mae cam-drin domestig yn cael ei gyflawni gan un o weithwyr y sefydliad, yr ydym yn cydnabod y bydd y ffordd yr ydym yn ymateb i adroddiadau o’r fath yn adlewyrchu ar ein sefydliad a’r hyder sydd gan ein staff a’n cymunedau yn ein hymrwymiad i fynd i’r afael â Cham-drin Domestig. Deallwn fod hyder mewn plismona’n cael ei erydu yn absenoldeb ymateb cadarn a thryloyw. Does dim lle ar gyfer y rhai sy’n cymryd rhan mewn Cyflawni Cam-drin Domestig o fewn plismona.

Mae Cam-drin Domestig yn ymddygiad annerbyniol ac ni fydd yn cael ei oddef gan Heddlu Dyfed-Powys.

Bydd Heddlu Dyfed-Powys yn ymchwilio’n gadarn i honiadau o gam-drin domestig a gall cyflawnwyr a geir yn euog mewn achosion troseddol a/neu ddisgyblu dilynol o droseddau o’r fath gael eu diswyddo o’r gwasanaeth.

Wrth ystyried mesurau disgyblu, mae'n hanfodol nad yw diogelwch y dioddefwr a'i blant yn cael ei beryglu.

Bydd Heddlu Dyfed-Powys yn dal i ystyried y defnydd o gamau disgyblu yn erbyn Swyddogion/Staff yr honnir eu bod wedi cyflawni cam-drin domestig. Yn absenoldeb euogfarn droseddol, efallai y bydd achos disgyblu yn dal i gael ei gynnal, gyda'r ystod lawn o sancsiynau disgyblu ar gael, gan gynnwys diswyddo. Bydd mesurau asesu risg yn cael eu hadolygu gan y rheolwr llinell, ac ar y cyd â'r Adran Safonau Proffesiynol.

Ymchwiliadau (troseddol a chamymddwyn)

Rhaid i Reolwr Digwyddiadau’r Heddlu fod yn ymwybodol o bob digwyddiad Cam- Drin domestig lle mae swyddog heddlu / staff heddlu yn cael ei enwi fel drwgdybyn
Rhaid i Reolwr Digwyddiadau’r Heddlu gysylltu â'r Comander Arian ar ddyletswydd i sicrhau bod y mater yn cael ei reoli'n briodol a bod adnoddau priodol yn cael eu darparu. Dylai’r Comander Arian benodi Ditectif Arolygydd i gael arolygiaeth oruchwyliol a chynnal asesiad risg priodol, gan sicrhau a gwirio annibyniaeth ymchwilwyr oddi wrth y sawl a ddrwgdybir a’r dioddefwr. Gellir cyflawni hyn trwy drosglwyddo'r ymchwiliad i Ardal Blismona Leol neu adran wahanol, ond gall heddluoedd partner fod yn opsiwn – er enghraifft, os yw'r sawl a ddrwgdybir mewn swydd amlwg neu arweiniol.
Lle mae bygythiad uniongyrchol, a risg barhaus i'r dioddefwr, ni ddylai'r ymateb cychwynnol, na'r ymchwiliad, gael eu gohirio er mwyn sicrhau ymchwilydd
Sicrhewch fod llwybrau cyfrinachol fel cyfyngu ar y digwyddiad yn cael eu
Dylid hysbysu'r Adran Safonau Proffesiynol cyn gynted â Mewn achosion lle bernir ei bod yn gymesur ac yn angenrheidiol arestio ar unwaith, y tu allan i oriau swyddfa arferol yr Adran Safonau Proffesiynol byddai hyn yn cyfiawnhau cysylltu ag aelod o staff yr adran sydd ar alwad.
Bydd y Ditectif Arolygydd sy'n goruchwylio yn cysylltu â'r Adran Safonau Proffesiynol i sefydlu a oes unrhyw wybodaeth bellach yn cael ei chadw yn ymwneud â’r rhai dan sylw a fyddai’n berthnasol ar gyfer diogelu (gan gynnwys ond heb fod yn gyfyngedig i, ymchwiliadau blaenorol yr Adran Safonau Proffesiynol).
Mae cyfarwyddiadau penodol i’w rhoi, gan sicrhau nad ymdrinnir â’r person yr ymchwilir iddo mewn unrhyw ffordd (e.e. cadw neu ymchwilio) gan gydweithiwr sydd â gwybodaeth bersonol neu broffesiynol agos am yr unigolyn.
Mae swyddogion ymchwilio i lofnodi ymrwymiad nad oes ganddynt wrthdaro buddiannau proffesiynol neu Bydd hyn yn sicrhau bod gan yr ymchwilydd brofiad addas a/neu fod ganddo oruchwyliaeth a chefnogaeth addas gan y rhai sydd â phrofiad o ymchwilio i gam-drin domestig a chamymddwyn. Mewn geiriau eraill, naill ai arbenigwr cam-drin domestig gyda chefnogaeth Camymddwyn neu i'r gwrthwyneb.
Er mwyn sicrhau trylwyredd ymchwiliadau camymddwyn troseddol a chyfochrog, a lleihau risgiau sy'n gysylltiedig â rhannu gwybodaeth aneffeithiol rhwng timau ymchwilio, lle mae gallu ac amgylchiadau'n caniatáu, bydd ymchwiliadau cam-drin domestig a gyflawnir gan bersonél yr heddlu yn cael eu cynnal gan yr Adran Safonau Proffesiynol yn dilyn ymateb cychwynnol, h.y. y digwyddiad cyntaf yn y ddalfa pan fydd arestiad ar unwaith yn angenrheidiol. (Gweler y tabl ymchwilio i gam-drin domestig a gyflawnir gan yr heddlu)
Bydd rhesymau ar gyfer penderfyniadau’n ymwneud â pherchen ymchwiliad yn cael eu cofnodi’n llawn.
Gall fod yn briodol cyfeirio achos ar gyfer ymchwiliad heddlu allanol pan: mae pryderon nad oes modd dod o hyd i ymchwilwyr gwirioneddol annibynnol o fewn yr heddlu e.e. mewn achosion sy’n ymwneud â drwgdybyn sydd, oherwydd ei swydd uwch neu hyd ei wasanaeth, yn adnabyddus o fewn yr heddlu; neu ni ellir sicrhau hyder a ffydd y dioddefwr mewn ffordd arall.
Rhaid cwblhau hysbysiad amddiffyn y cyhoedd (PPN) fel y disgwylid mewn unrhyw ddigwyddiad o gam-drin Mae angen i'r broses hon ddigwydd cyn gynted â phosibl er mwyn caniatáu i fesurau diogelu gael eu rhoi ar waith.
Er y bydd ymchwiliadau troseddol a chamymddwyn yn cael eu datblygu gan yr Adran Safonau Proffesiynol, bydd y cyfrifoldeb am ddiogelu priodol yn cael ei gadw gan swyddogion cam-drin domestig / swyddog â gofal (yn unol â “Pherchnogaeth a Phennu Trosedd”).
Bydd uwch dîm rheoli’r Adran Safonau Proffesiynol, ar ôl ystyried amgylchiadau'r ymchwiliad ac mewn ymgynghoriad â rheolwr llinell y swyddog/aelod o staff heddlu, yn cynghori'r Awdurdod Priodol ynghylch mesurau adleoli neu atal dros dro tra bod yr ymchwiliad yn cael ei gynnal.
Dylai cyfarfod pryderon proffesiynol/Cyfarfod Strategaeth Cam-drin Proffesiynol (PASM) gael ei ystyried a’i fynychu gan Dditectif Arolygydd yr Adran Safonau Proffesiynol.
Ar gyfer gweithwyr gwasanaethau sy'n ymwneud â phroses y Gynhadledd Amlasiantaeth Asesu Risg (e.e. yr heddlu, y Cynghorydd Annibynnol ar Drais Domestig, yr awdurdod lleol), defnyddir Cynadleddau Amlasiantaeth Asesu Risg caeedig i sicrhau cyfrinachedd y dioddefwr a dim ond pobl sy'n derbyn gwybodaeth werthfawr ddylai gael caniatâd i fynychu gyda chytundeb cadeirydd y
Fel ym mhob ymchwiliad cam-drin domestig, rhoddir ystyriaeth i geisio gorchmynion sifil, lle bo hynny'n gymesur ac yn angenrheidiol.
Bydd yr ymchwiliad troseddol yn cael ei gychwyn a’i ddilyn gyda’r un diwydrwydd ag ymchwiliad i achos o gam-drin domestig sydd heb ei gyflawni gan aelod o’r heddlu, gydag ystyriaeth yn cael ei roi i Erlyniadau sy’n Seiliedig ar Dystiolaeth (heb ddioddefwr) lle bo’n briodol.
Ni fydd rheolwyr llinell na'r aelodau hynny o staff sy'n cefnogi dioddefwyr, o dan unrhyw amgylchiadau, yn cynnal cyfryngu rhwng y dioddefwr a'r Rhaid i reolwyr llinell gofio hefyd nad oes angen iddynt ymgymryd â rôl cwnselydd – rhaid gadael hyn i gwnselwyr hyfforddedig neu arbenigwyr cam-drin domestig.
Dylid cynnig cymorth ymyrraeth gynnar i aelodau’r gweithlu sydd wedi cydnabod y gallent fod mewn perygl o gyflawni cam-drin domestig.
Gwneir pob ymdrech i roi disgresiwn i’r rhai dan sylw yn y gweithle, a bydd yr Adran Safonau Proffesiynol yn ystyried camau gweithredu priodol yn unol â chanllawiau deddfwriaethol tuag at y rhai sy’n cyrchu neu’n ceisio cyrchu gwybodaeth heb gyfiawnhad cyfreithlon dros wneud hynny.
Cynigir cyfeiriad i droseddwyr sy’n Swyddog Heddlu neu’n aelod o staff yr heddlu i’r Uned Iechyd Galwedigaethol a byddant yn cael eu cyfeirio i Cymorth ar gyfer Troseddwyr Cam-drin Domestig | Llinell Ffôn Respect y DU.

Os yw aelod o staff yn profi neu wedi profi cam-drin domestig

Cydnabyddir bod holl weithwyr Heddlu Dyfed-Powys hefyd yn ddinasyddion cyhoeddus yn gyntaf ac yn flaenaf.

Mae Heddlu Dyfed-Powys yn cydnabod y gallai ein gweithwyr fod yn ddioddefwyr Cam-drin Domestig. Rhaid trin Swyddogion Heddlu neu aelodau staff sy’n ddioddefwyr cam-drin domestig felly. Ni ddylid disgwyl i ddioddefwyr sy’n aelodau o’r heddlu ymateb neu ymddwyn yn unol â’u hyfforddiant neu brofiad gwaith. Dylid eu trin â’r un urddas a pharch a rhoi iddynt yr un lefel o wasanaeth ag y byddai unrhyw aelod arall o’r cyhoedd yn derbyn, gan gofio hefyd bod gan wasanaethau heddlu’r un rhwymedigaethau ag unrhyw gyflogwr arall i gefnogi eu gweithwyr a’u diogelu nhw a’u cydweithwyr.

Gall dioddefwyr Cam-drin Domestig sy’n aelodau o’r heddlu fod yn ddioddefwyr cyflawnwyr sy’n aelodau o’r heddlu neu gyflawnwyr sydd ddim yn aelodau o’r heddlu.

Wrth ymdrin ag unrhyw aelod o staff sy’n dioddef neu sydd wedi profi cam-drin domestig, rhaid i’r rheolwr wneud y canlynol:

Cymryd yr aelod o staff o ddifrif, gwrando arno a chredu’r hyn sy'n cael ei
Sicrhau bod unrhyw drafodaeth gydag aelod o staff am ei amgylchiadau yn digwydd yn breifat.
Sicrhau bod y dioddefwr a’r teulu ehangach/plant yn cael eu diogelu’n Bydd diogelu’r dioddefwr ac unrhyw berson bregus cysylltiedig bob amser yn flaenoriaeth ar ôl datgelu cam-drin domestig.
Sicrhau bod Hysbysiad Diogelu’r Cyhoedd Cam-drin Domestig yn cael ei gwblhau, gan alluogi asesiad risg.
Lle sefydlir bod y dioddefwr yn swyddog heddlu neu’n aelod o staff yr heddlu, ystyrir yn ofalus sut y gweithredir y strategaeth Dylai swyddogion oedi a derbyn cyngor goruchwyliol cyn cymryd unrhyw gamau y tu allan i ddymuniadau’r dioddefwr, heblaw bod bygythiad uchel yn cael ei sefydlu, ac mae’r bygythiad hwnnw’n agos.
Lle mae’r bygythiad yn risg safonol ac nid yw’r dioddefwr yn cefnogi’r ymchwiliad, dylid ystyried adnabod cynllun diogelu sydd ddim yn hysbysu’r troseddwr am yr ymyrraeth ac yn rhoi cyfle i’r dioddefwr ddylanwadu ar y canlyniad, os yn briodol.
Ar gyfer Cam-drin Domestig sydd heb ei gyflawni gan aelod o’r heddlu, pennir yr ymchwiliad yn seiliedig ar “Berchnogaeth a Dyrannu Troseddau”. Os yw’r troseddwr yn swyddog heddlu neu’n aelod o staff yr heddlu, pennir yr ymchwiliad i’r Adran Safonau Proffesiynol (Gweler y tabl ymchwilio i gam-drin domestig a gyflawnir gan yr heddlu).
Fel arfer, bydd unrhyw ymchwiliad Cam-drin Domestig lle mae’r dioddefwr yn gweithio i’r heddlu yn cael ei ymchwilio o fewn ardal blismona leol ar wahân i’r ardal blismona leol lle mae’r dioddefwr yn Bydd yn cael ei ymchwilio gan swyddogion sydd heb gysylltiad blaenorol â’r dioddefwr neu’r troseddwr. Fodd bynnag, ystyrir llais a dymuniadau’r dioddefwr.

Egwyddorion Allweddol a Chamau Gweithredu:

Rhoi caniatâd i gael mynediad at ffôn ac e-bost gwaith i dderbyn cymorth
Gwneud amser yn ystod oriau gwaith i aelod o staff fynychu apwyntiadau
Rhaid ystyried atgyfeiriad at Gynghorydd Annibynnol ar Drais Domestig neu wasanaethau cymorth. (Gweler yr Adran Gymorth)
Parchu cyfrinachedd cyn belled ag y bo modd (gweler yr adran gyfrinachedd).
Deall efallai na fydd yr aelod o staff yn dymuno trafod unrhyw fanylion gyda’i reolwr llinell ac efallai y byddai’n well ganddo gynnwys trydydd parti fel cydweithiwr, swyddog arall, cynrychiolydd undeb llafur neu asiantaeth allanol.
Peidio â rhoi pwysau gormodol ar staff i ddatgelu unrhyw wybodaeth bersonol nad ydynt yn teimlo'n gyfforddus yn ei rhannu.
Darganfod beth mae'r aelod o staff ei eisiau ac a all rheolwr, swyddog arall neu asiantaeth arall ei helpu i gyflawni hynny.
Bod yn onest am yr hyn y gellir ei
Bod yn ymwybodol o unrhyw faterion ychwanegol a wynebir gan yr aelod o staff, oherwydd ei nodweddion gwarchodedig megis oedran, rhyw, rhywioldeb, cefndir ethnig neu anabledd ac ati.
Bod yn sensitif ac anfeirniadol – efallai y bydd angen peth amser ar yr aelod o staff i benderfynu beth i’w wneud.
Bod yn ymwybodol o ba gymorth sydd ar gael ac archwilio’r opsiynau hyn gyda'r aelod o staff, gan gynnwys unrhyw addasiadau rhesymol y gellid eu gwneud i sicrhau diogelwch y gweithiwr. (Gweler yr adran Gymorth)
Annog personél i geisio cyngor gan asiantaethau perthnasol sy'n darparu gwasanaethau arbenigol.
Peidio â chymryd yn ganiataol y bydd yr aelod o staff yn gyfarwydd â'r prosesau dim ond oherwydd ei fod yn gweithio i'r sefydliad.
Sicrhau bod gan y dioddefwr eiriolaeth a chefnogaeth gymharol ac annibynnol fel sydd gan y sawl a gyhuddir, e.e. trwy Ffederasiwn yr Heddlu/Undebau Llafur.
Trafod camau penodol y gellir eu cymryd i helpu rhywun i aros yn ddiogel yn y gweithle ac yn y cartref.
Sicrhau bod dioddefwyr swyddogion/staff yn cael eu cefnogi fel dioddefwyr, gan gynnwys cael eu diweddaru yn unol â'r Cod Dioddefwyr, wrth fod yn ymwybodol o'r pryderon unigryw a all fod gan ddioddefwyr.
Ystyried risgiau penodol sy’n gysylltiedig ag unrhyw bartïon dan sylw (e.e. arfau saethu).

* Dylid ymgynghori â’r Adran Safonau Proffesiynol bob amser mewn achosion lle mae’r dioddefwr a’r troseddwr yn aelodau o Bersonél yr Heddlu.

Bydd dioddefwyr cam-drin domestig a gyflawnir gan yr heddlu, gan gynnwys dioddefwyr sydd hefyd yn swyddogion heddlu neu aelodau o staff yr heddlu, yn cael yr un lefel o wasanaeth â dioddefwyr eraill cam-drin domestig. Byddant yn cael cynnig cymorth cyfrinachol o ffynonellau mewnol ac allanol. Bydd ganddynt fynediad i'r un lefel o gymorth heddlu, os oes angen, trwy drefniadau i gyrchu hwn gan isadran heddlu neu heddlu arall.

Penodir swyddog lles priodol, a fydd yn sicrhau y gwneir cyfeiriadau cymorth dioddefwyr perthnasol. Gallai’r swyddog lles fod o’r Adran Safonau Proffesiynol, neu’r Ardal Blismona Leol. Ar gyfer achosion perygl uwch, fel arfer, bydd y swyddog lles yn Swyddog Diogelu Pobl Fregus. Mewn achosion perygl Safonol / Canolig, efallai mai goruchwylydd y dioddefwr, y swyddog â gofal, neu unigolyn dibynadwy arall a nodir gan y dioddefwr fydd y swyddog lles.

Bydd Heddlu Dyfed-Powys yn sicrhau bod dioddefwyr sy’n aelodau o’r heddlu’n cael esboniad llawn o’r adran berthnasol hon o’r Polisi Cam-drin Domestig ac yn cael eu hysbysu’n llawn am gynnydd ymchwiliadau mewnol a phrosesau camymddwyn. Darperir copi o’r Polisi Cam-drin Domestig.

Dylai personél yr heddlu sy'n darparu gwybodaeth o'r fath fod o reng briodol a meddu ar y sgiliau a hyfforddiant priodol. Y nod yw y bydd ymchwiliadau troseddol a chamymddwyn yn cael eu cynnal gan ymchwilwyr yr Adran Safonau Proffesiynol sydd wedi'u hachredu ar Lefel 2 y Rhaglen Proffesiynoli Ymchwiliadau (PIP); mae ymchwilwyr o fewn yr adran hefyd wedi'u hyfforddi mewn cam-drin domestig a throseddau rhywiol ac mae ganddynt brofiad ym maes amddiffyn y cyhoedd.

Cyfrinachedd

Mae cynnal hyder y dioddefwr a'r cyhoedd yn hanfodol i hygrededd yr heddlu.

Os yw adrodd yn cael ei annog, rhaid bod mesurau diogelu digonol yn eu lle i atal cam-drin pellach er mwyn lleihau trallod i'r dioddefwr, ac i sicrhau bod gwybodaeth yn cael ei thrin yn ofalus lle bynnag y bo modd.

Bydd cyfyngiadau priodol yn cael eu gweithredu ar adeg cofnodi mewn perthynas â STORM, a digwyddiadau lle mae'r sawl a ddrwgdybir yn swyddog heddlu a/neu'n aelod o staff yr heddlu.

Gweithredir cyfyngiadau hefyd lle mae’r dioddefwr yn swyddog heddlu a / neu’n aelod o staff yr heddlu; fodd bynnag, ceir ystyriaeth drylwyr mewn perthynas â gweithredu cyfyngiadau o ystyried y perygl posibl a gyflwynir i ddioddefwr os nad oes gan eraill, a allai gael achos i ymateb i alwadau am wasanaeth yn y dyfodol, wybodaeth am y digwyddiad.

Bydd mynediad i gynnwys cofnodion cyfyngedig yn gyfyngedig i bersonél Safonau Proffesiynol a Gwrthlygredd, yn ogystal ag unrhyw bersonél y mae angen mynediad iddynt i gynorthwyo gyda rheoli gweithdrefnau troseddol a diogelu.

Yn ogystal, bydd gan Reolwr Digwyddiadau’r Heddlu fynediad fel adnodd 24/7 gyda'r gallu i ganiatáu mynediad pellach lle bo angen er mwyn cyflymu a rheoli camau ymchwilio a diogelu parhaus yn effeithiol.

Cymorth

Cynigir cyfeiriadau i’r adran Iechyd Galwedigaethol, a fydd yn cynnwys y cynnig o gwnsela. [email protected]
Bydd dioddefwyr Cam-drin Domestig perygl uwch yn cael eu cyfeirio at MARAC caeedig. Byddant yn cael eu cyfeirio at gymorth Cam-drin Domestig Arbenigol; y gwasanaeth Cynghorydd Annibynnol ar Drais Domestig.
Bydd dioddefwyr Perygl Safonol a Chanolig yn cael cynnig cyfeiriad at wasanaethau cymorth cam-drin domestig Trydydd Sector arall; y rhai sydd hefyd ar gael i ddioddefwyr nad ydynt yn aelodau o’r heddlu.
Cyfeirir dioddefwyr at wasanaethau cyfrinachol Byw Heb
Mae cymorth ar gael hefyd drwy CARE
Cyfeirir dioddefwyr at eu Hundeb Llafur

**Bydd y dioddefwr yn cael cynnig y dewis i dderbyn cymorth gan wasanaeth Trydydd Sector/Cynghorydd Annibynnol ar Drais Domestig o Ardal Blismona Leol heblaw’r un lle mae’n gweithio. O ystyried cysylltiadau posibl swyddogion/staff amrywiol â’r gwasanaethau hyn yn ystod eu swydd, cydnabyddir y gall hyn fod yn rhwystr i dderbyn cymorth fel dioddefwr**

Tabl ymchwilio i gam-drin domestig a gyflawnir gan yr heddlu

Dioddefwr		Troseddwr		Uned Ymchwilio		Yr Ardal sy’n Berchen ar yr Ymchwiliad i Gychwyn
Aelod Heddlu	o’r	Aelod Heddlu	o’r	Adran Proffesiynol	Safonau	Nid yw’r ardal blismona leol yn gysylltiedig â’r dioddefwr na’r cyflawnwr
Ddim Aelod Heddlu	yn o’r	Aelod Heddlu	o’r	Adran Proffesiynol	Safonau	Nid yw’r ardal blismona leol yn gysylltiedig â’r dioddefwr na’r cyflawnwr
Aelod Heddlu	o’r	Ddim Aelod Heddlu	yn o’r	Adran Ymchwilio i Droseddau / Uned Ymchwilio Leol		Nid yw’r ardal blismona leol yn gysylltiedig â’r dioddefwr na’r cyflawnwr (heblaw bod y dioddefwr eisiau i’r ymchwiliad aros o fewn ei ardal blismona leol)

Chwalu Rhwystrau Adrodd

Mae gan Heddlu Dyfed-Powys swydd yr ymddiriedir ynddi o fewn ein cymunedau ac felly nid oes lle i'r rhai sy'n cyflawni cam-drin domestig o fewn y sefydliad.

Mae Heddlu Dyfed-Powys yn edrych yn barhaus i godi ymwybyddiaeth yn fewnol ac yn allanol er mwyn magu hyder yn y prosesau ymchwilio troseddol a/neu ddisgyblaethol cadarn a thryloyw; trwy ymgysylltu a rhannu gwybodaeth, rydym yn gobeithio nodi a goresgyn rhwystrau i adrodd.

Rheoli Troseddwyr ac Adsefydlu

Mae rheoli ac adsefydlu troseddwyr yn effeithiol yn hanfodol i'n nod o ddileu cam-drin domestig. Mae ymchwil helaeth yn amlygu parhad patrymau ymddygiad troseddol yn absenoldeb her gadarn.

Byddwn yn sicrhau bod ein dealltwriaeth o gyflawni cam-drin domestig mewn hanes o droseddwyr yn cael ei mapio ar gyfer pob troseddwr sydd dan reolaeth ffurfiol trwy’r Trefniadau Amlasiantaethol ar gyfer Amddiffyn y Cyhoedd (MAPPA) neu Reoli Troseddwyr yn Integredig (IOM).
Lle nodir hanes o gam-drin domestig, bydd y cynllun rheoli risg yn cynnwys camau gweithredu i liniaru’r risg a herio nodweddion ymddygiad sy’n gysylltiedig â cham-drin Bydd hyn yn wir hyd yn oed os nad yw cam-drin domestig yn drosedd mynegai.
Trwy bartneriaeth ag arbenigwyr rheoli troseddwyr, byddwn yn gwneud y mwyaf o'n hatgyfeiriadau i raglenni adsefydlu cam-drin domestig a stelcio ar gyfer asesiadau addasrwydd.
Byddwn yn ceisio gwneud y defnydd mwyaf posibl o amodau o fewn gorchmynion sifil fel gorchmynion amddiffyn rhag stelcio i gyfarwyddo cyflawnwyr i ymgymryd â rhaglenni o'r fath sy'n herio nodweddion.

5. Gweithredu ac adolygu

Llywodraethu

Y swyddog arweiniol yw'r Ditectif Uwch-arolygydd ar gyfer Diogelu Pobl Fregus, sy'n gyfrifol am yr arweinydd strategol ar gyfer Bregusrwydd, a chydlynu Polisïau.

Rheolir Cam-Drin domestig o dan y portffolio Bregusrwydd, sy'n cael ei oruchwylio gan y Grŵp Bregusrwydd Strategol, sy'n cael ei gadeirio gan y Prif Gwnstabl Cynorthwyol.

Mae Portffolio Bregusrwydd Heddlu Dyfed-Powys yn cymryd cyfeiriad strategol o'r Cynllun Gweithredu Bregusrwydd Cenedlaethol a'r Strategaeth Genedlaethol Trais yn Erbyn Menywod a Merched.

Archwiliadau

Bydd y tîm Perfformiad yn gyfrifol am gasglu a dadansoddi archwiliadau Arolygydd o Ganlyniadau archwilio Cam-drin Domestig 14, 15, 16. Bydd y canfyddiadau o’r archwiliadau’n cael eu hadrodd wrth y Grŵp Safonau Ymchwilio a Grŵp Perfformiad Misol y Dirprwy Brif Gwnstabl sy’n Canolbwyntio ar y Dioddefwr.

Bydd y Ditectif Arolygydd o fewn y Ganolfan Fregusrwydd yn gyfrifol am archwilio prosesau rhannu gwybodaeth a swyddogaethau o fewn yr Uned Asesu Risg Eilaidd. Rhennir y canfyddiadau yn y portffolio Bregusrwydd sy’n cael ei oruchwylio gan y Grŵp Bregusrwydd Strategol a gadeirir gan y Prif Gwnstabl Cynorthwyol.

Deall y bygythiad

Mae cam-drin domestig yn destun y Gofynion Plismona Strategol, sy’n gosod dyletswydd ar heddluoedd i ddeall y bygythiad a’u gallu i fynd i’r afael â’r bygythiad hwnnw.

COD MOESEG - TYSTYSGRIF GYDYMFFURFIO

Mae'r polisi hwn wedi'i ddrafftio yn unol â'r Coed Moeseg ac fe'i hadolygwyd ar sail ei gynnwys a'r dystiolaeth ategol a bernir ei fod yn cydymffurfio â'r Cod hwnnw a'r egwyddorion sy'n sail iddo.

TYSTYSGRIF GYDYMFFURFIO'R DDEDDF HAWLIAU DYNOL

Mae'r polisi hwn wedi'i ddrafftio yn unol â'r Ddeddf Hawliau Dynol ac fe'i hadolygwyd ar sail ei gynnwys a'r dystiolaeth ategol a bernir ei fod yn cydymffurfio â'r Ddeddf honno a'r egwyddorion sy'n sail iddi.

ASESIAD O'R EFFAITH AR GYDRADDOLDEB

Mae adran 4 o Ddeddf Cydraddoldeb 2010 yn nodi'r nodweddion gwarchodedig sy'n gymwys i'w gwarchod o dan y Ddeddf fel a ganlyn: Oedran; Anabledd; Ailbennu Rhywedd; Priodas a Phartneriaeth Sifil; Beichiogrwydd a Mamolaeth; Hil; Crefydd neu Gred; Rhyw; Cyfeiriadedd Rhywiol.

Mae dyletswydd cydraddoldeb y sector cyhoeddus yn gosod gofyniad cyfreithiol rhagweithiol ar gyrff cyhoeddus i ystyried, wrth arfer eu swyddogaethau, yr angen i:

ddileu gwahaniaethu, aflonyddu, erledigaeth, ac unrhyw ymddygiad arall sy'n anghyfreithlon o dan y Ddeddf;
hyrwyddo cyfle cyfartal rhwng unigolion sy'n rhannu nodwedd warchodedig berthnasol ac unigolion nad ydynt yn ei rhannu;
meithrin perthnasoedd da rhwng unigolion sy'n rhannu nodwedd warchodedig berthnasol ac unigolion nad ydynt yn ei rhannu.

Mae'r ddyletswydd cydraddoldeb yn berthnasol i'r holl nodweddion gwarchodedig ac eithrio Priodas a Phartneriaeth Sifil: dim ond y ddyletswydd i ystyried yr angen i ddileu gwahaniaethu sy’n berthnasol i’r nodwedd hon.

Mae cynnal asesiad o effaith ar gydraddoldeb yn cynnwys asesu'n systematig effeithiau tebygol neu wirioneddol polisïau ar bobl mewn perthynas â'r holl nodweddion gwarchodedig a nodir uchod.

Dylid cynnal asesiad o effaith ar gydraddoldeb ar unrhyw bolisi sy'n berthnasol i ddyletswydd cydraddoldeb y sector cyhoeddus.

CWBLHAWYD ASESIAD O'R EFFAITH AR GYDRADDOLDEB: Mai 2025