Polisi Dyletswyddau Eraill Timoedd Plismona ac Atal Bro

1. Datganiad Polisi

Diben y polisi hwn yw sefydlu cofnod o Ddyletswyddau Eraill mewn Plismona Bro ac mae’n rhoi arweiniad a hyblygrwydd i Swyddogion, Staff a Goruchwylwyr fodloni galw gweithrediadol.  

Bydd y polisi hwn yn caniatáu i Dimoedd Plismona ac Atal Bro ganolbwyntio ar fentrau ymyrraeth gynnar a datrys problemau hirdymor a mynd i’r afael â materion ansawdd bywyd sy’n arwain at ofn trosedd drwy:   

• Bresenoldeb cyson Swyddogion a Staff plismona bro penodol yn ymgysylltu â chymunedau drwy weithio gyda nhw, gan eu cynnwys a’u grymuso a gwneud yn siŵr bod ein swyddogion plismona bro’n amlwg, hygyrch a chyfarwydd i’r gymuned honno er mwyn cynyddu a chynnal hyder cyhoeddus.  
• Adnabod pryderon cymunedol drwy gudd-wybodaeth a gweithredu prydlon, effeithiol, targedig drwy ganolbwyntio ar y rhai dan sylw.

a

• Gweithredu, atal a datrys problemau ar y cyd â’r gymuned a phartneriaid lleol er mwyn gwella’r amgylchedd ac ansawdd bywyd o fewn y gymuned honno. Prif nod y polisi hwn yw sicrhau bod dyletswyddau eraill ar gyfer swyddogion a SCCH Timoedd Plismona Bro yn cael eu lleihau er mwyn gwella hyder y cyhoedd yn y gwasanaethau a ddarperir.

Yn berthnasol (ond heb fod yn gyfyngedig) i’r canlynol: Pob categori o swyddogion a staff Heddlu Dyfed-Powys, boed yn llawn amser, rhan amser, parhaol, cyfnod penodol, dros dro (gan gynnwys staff asiantaeth, cymdeithion a chontractwyr), staff ar secondiad a gwirfoddolwyr. Rhaid i swyddogion heddlu, staff a gwirfoddolwyr sy’n cyrchu a defnyddio asedau ac eiddo’r heddlu roi sylw dyledus i gynnwys y polisi hwn.

 

2. Cwmpas y Polisi

Gweithredir y polisi hwn ar draws yr heddlu. Mae’r ddogfen weithdrefnau gysylltiedig yn rhoi canllawiau manwl i swyddogion, staff a goruchwylwyr.

Ni fydd y polisi hwn yn sefydlu canran y swyddogion a gaiff gyflawni dyletswyddau eraill, fodd bynnag, dylai cyn lleied â phosibl o swyddogion Tîm Plismona ac Atal Bro fod yn cyflawni dyletswyddau eraill.

Mae’r polisi hwn yn berthnasol ar gyfer swyddogion a staff yr heddlu sy’n gysylltiedig â Phlismona Bro, y rhai sy’n gysylltiedig â goruchwylio a rheoli’r adran, a’r rhai sy’n edrych ar leoli neu dasgio aelodau’r adran. Mae’r rhain yn cynnwys yr isod, ond heb fod yn gyfyngedig i hynny:

Y Grŵp Prif Swyddogion, y Tîm Uwch Reoli (gan gynnwys Prif Uwch-arolygydd / Uwch-arolygydd), Timoedd Rheoli Lleol (Uwch-arolygydd / Prif Arolygydd), Arolygwyr, Rhingylliaid, Cwnstabliaid, SCCH, Staff yr Heddlu a Chwnstabliaid Gwirfoddol / Gwirfoddolwyr.

 

3.  Pwerau a Gofynion Cyfreithiol/Polisi

Mae pwerau a pholisïau’n cynnwys yr isod, ond heb fod yn gyfyngedig i hynny:

• Rheoliadau a Dyfarniadau’r Heddlu 2003 (fel y’u diwygiwyd)
• Llawlyfr Cyflog ac Amodau Gwasanaeth Staff yr Heddlu
• Deddf Hawliau Cyflogaeth 1996
• Rheoliadau Gweithio Hyblyg 2002 (fel y’u diwygiwyd)
• Deddf Camddefnyddio Cyfrifiaduron 1990
• Deddf Diogelu Data 2018
• Rheoliad Cyffredinol ar Ddiogelu Data y DU (GDPR y DU)
• Deddf Hawliau Dynol 1998
• Deddf Rhyddid Gwybodaeth 2000
• Deddf Cydraddoldeb 2010
• Canllawiau Gweithredol y Coleg Plismona – Plismona Bro
• Arferion Proffesiynol Awdurdodedig y Coleg Plismona – Ymgysylltu a Chyfathrebu
• Llawlyfr Cyfarwyddyd SCCH

 

4.  Dewisiadau a Chynlluniau Wrth Gefn  

Mae pawb sy’n gysylltiedig â Phlismona Bro’n gyfrifol am gyflenwi’r polisi hwn.

Bydd swyddogion unigol yn gyfrifol am gofnodi unrhyw ddyletswyddau eraill maen nhw’n profi yn gywir ac amserol, fel y nodir yn y ddogfen weithdrefn gysylltiedig.

Bydd goruchwylwyr yn gyfrifol am sicrhau bod y cofnodion hyn yn gywir ac yn unol â pholisïau a gweithdrefnau’r heddlu.  

Bydd uwch swyddogion yn gyfrifol am fonitro’r dyletswyddau eraill hyn sydd wedi’u cofnodi ac yn cymryd camau gweithredu er mwyn sicrhau bod unrhyw faterion a nodir yn cael eu trin er mwyn lleihau dyletswyddau eraill yn y dyfodol.  

Wrth gyflawni nodau ac amcanion y polisi hwn, bydd yr Heddlu’n bodloni egwyddorion Plismona 2024 y Cod Moeseg.

• Dewrder
• Parch ac Empathi
• Gwasanaeth Cyhoeddus

 

5.  Gweithredu ac adolygu

Bydd yr adolygiad polisi’n cynnwys asesu’r agweddau canlynol –

▪ Ei effeithiolrwydd  

▪ Unrhyw newidiadau i Ddeddfwriaethau/canllawiau’r Swyddfa Gartref

▪ Heriau i’r polisi  

▪ Bydd unrhyw eitemau aneffeithlon a nodwyd mewn perthynas â gweithredu’r adolygiad cychwynnol o’r polisi hwn yn digwydd ymhen 12 mis, ac yna bob yn eilflwydd. Bydd y swyddog enwebedig yn cynnal adolygiadau.

Bydd effeithiolrwydd y polisi hwn a diwygiadau iddo’n cael eu monitro a’u cymeradwyo gan y Bwrdd Plismona Gweithrediadol / Byrddau Tactegol / Strategol Bro.

COD MOESEG - TYSTYSGRIF GYDYMFFURFIO

Mae'r polisi hwn wedi'i ddrafftio yn unol â'r Coed Moeseg ac fe'i hadolygwyd ar sail ei gynnwys a'r dystiolaeth ategol a bernir ei fod yn cydymffurfio â'r Cod hwnnw a'r egwyddorion sy'n sail iddo.

 

TYSTYSGRIF GYDYMFFURFIO'R DDEDDF HAWLIAU DYNOL

Mae'r polisi hwn wedi'i ddrafftio yn unol â'r Ddeddf Hawliau Dynol ac fe'i hadolygwyd ar sail ei gynnwys a'r dystiolaeth ategol a bernir ei fod yn cydymffurfio â'r Ddeddf honno a'r egwyddorion sy'n sail iddi.

 

ASESIAD O'R EFFAITH AR GYDRADDOLDEB

Mae adran 4 o Ddeddf Cydraddoldeb 2010 yn nodi'r nodweddion gwarchodedig sy'n gymwys i'w gwarchod o dan y Ddeddf fel a ganlyn: Oedran; Anabledd; Ailbennu Rhywedd; Priodas a Phartneriaeth Sifil; Beichiogrwydd a Mamolaeth; Hil; Crefydd neu Gred; Rhyw; Cyfeiriadedd Rhywiol.

Mae dyletswydd cydraddoldeb y sector cyhoeddus yn gosod gofyniad cyfreithiol rhagweithiol ar gyrff cyhoeddus i ystyried, wrth arfer eu swyddogaethau, yr angen i:

• ddileu gwahaniaethu, aflonyddu, erledigaeth, ac unrhyw ymddygiad arall sy'n anghyfreithlon o dan y Ddeddf;
• hyrwyddo cyfle cyfartal rhwng unigolion sy'n rhannu nodwedd warchodedig berthnasol ac unigolion nad ydynt yn ei rhannu;
• meithrin perthnasoedd da rhwng unigolion sy'n rhannu nodwedd warchodedig berthnasol ac unigolion nad ydynt yn ei rhannu.

Mae'r ddyletswydd cydraddoldeb yn berthnasol i'r holl nodweddion gwarchodedig ac eithrio Priodas a Phartneriaeth Sifil: dim ond y ddyletswydd i ystyried yr angen i ddileu gwahaniaethu sy’n berthnasol i’r nodwedd hon.

Mae cynnal asesiad o effaith ar gydraddoldeb yn cynnwys asesu'n systematig effeithiau tebygol neu wirioneddol polisïau ar bobl mewn perthynas â'r holl nodweddion gwarchodedig a nodir uchod.

Dylid cynnal asesiad o effaith ar gydraddoldeb ar unrhyw bolisi sy'n berthnasol i ddyletswydd cydraddoldeb y sector cyhoeddus.

CWBLHAWYD ASESIAD O'R EFFAITH AR GYDRADDOLDEB: Mehefin 2024