Polisi Rheoli Risg Trawma (TRiM)

1. Datganiad Polisi

Proses a arweinir gan les â’r bwriad o asesu ymateb aelod staff (gan gynnwys grwpiau cysylltiedig penodol megis Cwnstabliaid Gwirfoddol) sy’n wynebu digwyddiad sydd o bosibl yn drawmatig yw Rheoli Risg Trawma (TRiM).

Yn berthnasol (ond heb fod yn gyfyngedig) i’r canlynol: Pob categori o swyddogion a staff Heddlu Dyfed-Powys, boed yn llawn amser, rhan amser, parhaol, cyfnod penodol, dros dro (gan gynnwys staff asiantaeth, cymdeithion a chontractwyr), staff ar secondiad a gwirfoddolwyr. Rhaid i swyddogion heddlu, staff a gwirfoddolwyr sy’n cyrchu a defnyddio asedau ac eiddo’r heddlu roi sylw dyledus i gynnwys y polisi hwn.

 

2. Cwmpas y Polisi

Mae’r polisi hwn a’r protocol cysylltiedig yn cynnwys canllawiau o ran sut y bodlonir anghenion lles, dethol, lleoli a hyfforddi ymarferwyr TRiM. Mae’n cydnabod rôl ganolog ymarferwyr TRiM o ran asesu lles seicolegol swyddogion, staff a gwirfoddolwyr ar ôl eu cysylltiad â digwyddiad difrifol, gan gynnwys digwyddiad mawr.

Mae risg rhagweladwy y gallai unigolion, sydd wedi wynebu digwyddiadau a allai fod yn drawmatig, ddatblygu problemau seicolegol tymor hir, gan gynnwys y lleiaf tebygol, anhwylder straen ôl-drawmatig. TRiM yw ymateb gweithredol yr heddlu i leihau’r perygl hwnnw.

Mae natur yr ymateb i straen yn bersonol iawn; gan hynny, mae’r polisi hwn a’r weithdrefn gysylltiedig yn cydnabod bod unigolion yn gyfrifol am eu lles eu hunain o dan Gyfraith Iechyd a Diogelwch. Os byddant yn arbennig o ofidus yn dilyn unrhyw ddigwyddiad, yn y pen draw eu cyfrifoldeb nhw yw gofyn am ymyrraeth TRiM os nad yw hynny wedi’i gynnig yn barod.

 

3. Pwerau a Gofynion Cyfreithiol/Polisi

Deddf Iechyd a Diogelwch yn y Gwaith

Mewnol –

Protocol TRiM Heddlu Dyfed-Powys

Polisi Iechyd a Diogelwch Heddlu Dyfed-Powys

Polisi Iechyd Galwedigaethol

 

4. Dewisiadau a Chynlluniau Wrth Gefn  

Gan ddibynnu ar faint y digwyddiad, dylid sefydlu cyswllt yn gynnar gydag Arweinydd Gweithredol TRiM neu bwynt cyswllt sengl ardal blismona leol TRiM.

 

Swyddogion, Staff a Gwirfoddolwyr

Mae swyddogion, staff a gwirfoddolwyr yn gyfrifol am eu lles eu hunain o dan ddeddfwriaeth Iechyd a Diogelwch. Lle mae unigolion yn teimlo y byddai ymyrraeth TRiM o fudd iddynt, eu cyfrifoldeb nhw yw gofyn am ymyrraeth os nad yw wedi cael ei gynnig.  

Goruchwylwyr/Rheolwyr 

Yn syth ar ôl digwyddiad, dylai Goruchwylwyr/Rheolwyr gynnal gwiriad lles.

Gan hynny, dylai Goruchwylwyr/Rheolwyr ystyried ymyrraeth TRiM os yw’r meini prawf wedi’u bodloni, sef –

• Dylai Goruchwylwyr/Rheolwyr gysylltu â Thîm Cydlynu TRiM neu’r Arweinydd Gweithredol gyda manylion y digwyddiad, patrwm sifft ar gyfer yr wythnos nesaf, manylion swyddogion/staff gan gynnwys manylion cyswllt.

Yn dilyn y cam cychwynnol, bydd Goruchwylwyr/Rheolwyr yn

• monitro staff ar gyfer ymatebion straen gohiriedig
• annog staff i gysylltu â’r rhaglen cymorth gweithwyr/tîm lles/cwnsela lle mae angen

Ymarferydd TRiM

• Mae’n cynnal sesiwn wybodaeth ar gyfer pawb sy’n gysylltiedig â’r mater lle mae angen
• Mae’n cynnal asesiadau risg gydag unigolion neu grwpiau
• Cyfeirio personél yr ystyrir eu bod mewn perygl i’r tîm lles/cwnsela
• Trefnu cyfarfod/asesiad dilynol fis a thri mis ar ôl yr asesiad cychwynnol

 

Arweinydd Gweithredol/Cydlynydd Arweiniol TRiM

• goruchwylio ac arwain hyfforddwyr TRiM/Cydlynwyr TRiM
• cynnig sgrinio seicolegol i’r Ymarferwyr TRiM
• goruchwylio/sicrhau ansawdd cadw cyfrinachol cofnodion sy’n gysylltiedig â TRiM
• ymgysylltu’n rheolaidd â’r rheolwr lles a chwnsela a’r tîm cwnsela er mwyn sicrhau ymateb cadarn a gwybodus

• darparu sicrwydd ansawdd a sicrhau ‘arfer gorau’ gan gynnwys sicrhau y cynhelir ffiniau proffesiynol priodol fel sy’n gysylltiedig â lles unigolion o dan TRiM
• ceisio’r wybodaeth ddiweddaraf am ddatblygiadau mewn perthynas â thrawma yn y gwasanaethau brys er mwyn cyflenwi’r gwasanaeth diweddaraf
• sicrhau bod y wybodaeth ddiweddaraf mewn perthynas â TRiM/trawma’n cael ei drosglwyddo
• cyflawni datblygiad proffesiynol parhaus sy’n ymwneud yn benodol â thrawma/TRiM, gan gynnwys presenoldeb gorfodol y diweddariad blynyddol
• hyfforddiant a gyflenwir gan ddechreuwyr TRiM
• ymgysylltu’n rheolaidd â’r arweinydd strategol dynodedig
• cynnal cyfweliadau gadael ar gyfer ymarferwyr TRiM
• goruchwylio argaeledd gwybodaeth briodol a diweddar ar y fewnrwyd
• darparu cymorth TRiM ar gyfer yr Adran Safonau Proffesiynol

 

Hyfforddiant Ymwybyddiaeth Trawma/TRiM

Bydd y canlynol yn derbyn hyfforddiant ymwybyddiaeth Trawma/TRiM o fewn yr hyfforddiant presennol sy’n benodol i’w rôl –

• Rheolwyr sifft/arweinwyr tîm Canolfan Gyfathrebu’r Heddlu
• Rhingylliaid
• Ymchwilwyr Lleoliadau Trosedd
• Arweinwyr SCCH (Tîm Plismona Bro ac Atal)
• Uned Ymchwilio i Wrthdrawiadau Difrifol/Uned Ymchwilio i Wrthdrawiadau Fforensig
• Tîm Lleoliadau Trosedd/Troseddau Difrifol
• Rheolwyr Uned Diogelu’r Cyhoedd/Diogelu Pobl Fregus
• Trafodwyr

Mae egwyddorion y Cod Moeseg yn berthnasol i’r polisi hwn, a’r protocol cysylltiedig –

• Dewrder
• Parch ac Empathi
• Gwasanaeth Cyhoeddus

 

5. Gweithredu ac adolygu  

Adolygir y polisi hwn a’r ddogfen brotocol gysylltiedig bob yn eilflwydd o leiaf er mwyn sicrhau eu bod yn addas ar gyfer y diben, ac unrhyw newidiadau a wneir i weithdrefn/proses fewnol neu unrhyw newidiadau i ddeddfwriaeth neu ganllawiau cenedlaethol sy’n effeithio ar y polisi/protocol neu unrhyw heriau a wneir i’r polisi neu’r protocol.

Bydd unrhyw newidiadau y gofynnir amdanynt a/neu sy’n cael eu gwneud i’r polisi a/neu’r ddogfen brotocol gysylltiedig yn cael eu gweithredu a’u goruchwylio gan y Bwrdd Pobl, Diwylliant a Moeseg.

COD MOESEG - TYSTYSGRIF GYDYMFFURFIO

Mae'r polisi hwn wedi'i ddrafftio yn unol â'r Coed Moeseg ac fe'i hadolygwyd ar sail ei gynnwys a'r dystiolaeth ategol a bernir ei fod yn cydymffurfio â'r Cod hwnnw a'r egwyddorion sy'n sail iddo.

 

TYSTYSGRIF GYDYMFFURFIO'R DDEDDF HAWLIAU DYNOL

Mae'r polisi hwn wedi'i ddrafftio yn unol â'r Ddeddf Hawliau Dynol ac fe'i hadolygwyd ar sail ei gynnwys a'r dystiolaeth ategol a bernir ei fod yn cydymffurfio â'r Ddeddf honno a'r egwyddorion sy'n sail iddi.

 

ASESIAD O'R EFFAITH AR GYDRADDOLDEB

Mae adran 4 o Ddeddf Cydraddoldeb 2010 yn nodi'r nodweddion gwarchodedig sy'n gymwys i'w gwarchod o dan y Ddeddf fel a ganlyn: Oedran; Anabledd; Ailbennu Rhywedd; Priodas a Phartneriaeth Sifil; Beichiogrwydd a Mamolaeth; Hil; Crefydd neu Gred; Rhyw; Cyfeiriadedd Rhywiol.

Mae dyletswydd cydraddoldeb y sector cyhoeddus yn gosod gofyniad cyfreithiol rhagweithiol ar gyrff cyhoeddus i ystyried, wrth arfer eu swyddogaethau, yr angen i:

• ddileu gwahaniaethu, aflonyddu, erledigaeth, ac unrhyw ymddygiad arall sy'n anghyfreithlon o dan y Ddeddf;
• hyrwyddo cyfle cyfartal rhwng unigolion sy'n rhannu nodwedd warchodedig berthnasol ac unigolion nad ydynt yn ei rhannu;
• meithrin perthnasoedd da rhwng unigolion sy'n rhannu nodwedd warchodedig berthnasol ac unigolion nad ydynt yn ei rhannu.

Mae'r ddyletswydd cydraddoldeb yn berthnasol i'r holl nodweddion gwarchodedig ac eithrio Priodas a Phartneriaeth Sifil: dim ond y ddyletswydd i ystyried yr angen i ddileu gwahaniaethu sy’n berthnasol i’r nodwedd hon.

Mae cynnal asesiad o effaith ar gydraddoldeb yn cynnwys asesu'n systematig effeithiau tebygol neu wirioneddol polisïau ar bobl mewn perthynas â'r holl nodweddion gwarchodedig a nodir uchod.

Dylid cynnal asesiad o effaith ar gydraddoldeb ar unrhyw bolisi sy'n berthnasol i ddyletswydd cydraddoldeb y sector cyhoeddus.

CWBLHAWYD ASESIAD O'R EFFAITH AR GYDRADDOLDEB: Rhagfyr 2025