Polisi Rheoli Risg
- Datganiad Polisi
Mae Heddlu Dyfed-Powys yn ymgymryd ag ymagwedd systematig tuag at ymdrin ag ansicrwydd, sy’n cynnwys adnabod, dadansoddi, rheoli a monitro risg. Lluniwyd gweithgareddau rheoli risg i sicrhau’r canlyniadau gorau posibl a lleihau ansicrwydd canlyniadau.
Mae Rheoli Risg y Busnes yn ymagwedd fwy integredig tuag at reoli risg sy’n tynnu rheoli pob math o risg ynghyd ac yn symud i ffwrdd wrth ymagwedd sy’n seiliedig ar seilo, gan ganiatáu ar gyfer golwg o bortffolio risg sy’n rhyngberthyn y sefydliad.
Bydd rheoli risg yn rhan anhepgor o brosesau newid, cynllunio a rheoli’r Heddlu. Bydd system rheoli risg effeithiol yn cyflwyno’r canlyniadau canlynol.
- Cydymffurfiaeth â deddfwriaethau, rheoliadau a rheoliadau gorfodol eraill
- Rhoi sicrwydd i grwpiau llywodraethau mewnol ac allanol bod risgiau’n cael eu rheoli’n effeithiol
- Sicrhau bod penderfyniadau’n wybodus ac yn seiliedig ar risg
- Cyflawni prosesau effeithiol ac effeithlon ar draws y sefydliad
- Cefnogi cadernid sefydliadol a sicrhau canlyniadau
Drwy wneud hyn, mae manteision rheoli risg effeithiol yn cynnwys:
- targedu adnoddau’n well;
- cyflawni amcanion yr Heddlu’n well;
- cyflenwi newid a phrosiectau arloesol yn llwyddiannus;
- cyflenwi gwasanaethau’n well;
- amddiffyn / gwella enw da;
- costau is mewn perthynas â risg, (yswiriedig a diyswiriant);
- llai o ddigwyddiadau neu aflonyddwch annisgwyl
- penderfyniadau gwybodus - llai o dybiaethau goddrychol, dealltwriaeth briodol o beryglon a rheoliadau, ystyriaeth wrthrychol.
Mae’r polisi hwn yn berthnasol ar gyfer y canlynol (ond heb fod yn gyfyngedig i hynny): Holl gategorïau swyddogion a staff Heddlu Dyfed-Powys, pa un ai a ydynt yn staff llawn amser, rhan amser, parhaol, cyfnod penodol, dros dro (gan gynnwys staff asiantaeth, cymdeithion a chontractwyr) neu’n staff sydd ar secondiad a gwirfoddolwyr. Rhaid i unrhyw swyddog heddlu, aelod staff a gwirfoddolwr sy’n cael gafael ar asedau ac eiddo’r Heddlu a’u defnyddio roi ystyriaeth ddyledus i gynnwys y polisi hwn.
- Cwmpas y Polisi
Diffinnir risg fel; “effaith ansicrwydd ar amcanion.”[1] Gall risgiau fod yn gadarnhaol neu’n negyddol, h.y. gallant fod yn gyfleoedd neu’n fygythiadau.
Diffinnir rheoli risg fel; “gweithgareddau cydlynol ar gyfer cyfeirio a rheoli sefydliad mewn perthynas â risg.”1
Bydd Heddlu Dyfed-Powys yn defnyddio’r Model Penderfynu Cenedlaethol fel ei arf diofyn ar gyfer gwneud penderfyniadau, ac fel y fframwaith ar gyfer rheoli risg. Hysbysir y Model gan 10 “Egwyddor Risg” Cymdeithas Prif Swyddogion yr Heddlu, sydd wedi’u mabwysiadu gan Heddlu Dyfed-Powys.
Gellir cael mynediad i’r Arferion Proffesiynol Awdurdodedig, a ddatblygwyd gan y Coleg Plismona, ar-lein. Maent yn cwmpasu pob maes plismona drwy feysydd pwnc allweddol. Mae dwy adran berthnasol ar gyfer rheoli risg;
Risg – cyflwynir rheoli risg a’r 10 “Egwyddor Risg”.
Y Model Penderfynu Cenedlaethol – y broses i’w defnyddio wrth wneud penderfyniadau gwybodus sy’n seiliedig ar risg ym mhob maes gweithgarwch gweithredol, cynllunio a chymorth busnes.
Y Model Penderfynu Cenedlaethol | Y Coleg Plismona
Mae Fframwaith Rheoli Risg Heddlu Dyfed-Powys yn nodi’r sail ar gyfer yr egwyddorion ac ymagweddau tuag at reoli risg y mae angen glynu wrthynt ledled Heddlu Dyfed-Powys.
- Pwerau a Gofynion Cyfreithiol/Polisi
Mae’r polisi hwn yn nodi’r trefniadau sydd mewn grym ar gyfer rheoli risgiau, i hwyluso cyfeiriad clir ac effeithiol, a chefnogi cyflawni cydymffurfiaeth â deddfwriaethau, rhwymedigaethau statudol a safonau arfer da. Bydd yn cyflawni hyn drwy;
- sicrhau y rheolir risgiau’r Heddlu mewn cydymffurfiaeth â deddfwriaethau ac awydd yr Heddlu am risg
- darparu fframwaith rheoli risg ar gyfer sicrhau cysondeb ymagwedd o gwmpas rheoli risg
- annog ymagwedd ragweithiol tuag at reoli risg
- hyrwyddo proses rheoli risg wybodus sy’n cael ei rheoli’n dda a gwella ansawdd penderfyniadau
- sicrhau y diogelir asedau’r Heddlu (pobl, gwybodaeth, eiddo, cyllid ac enw da)
Cefnogir y polisi hwn gan ddogfen yr Heddlu, y Fframwaith Rheoli Risg.
Nodir rolau a chyfrifoldebau’r partïon sy’n gysylltiedig â chyflenwi yn erbyn y polisi hwn isod.
Bydd yr Uwch Reolwr Llywodraethu a Newid yn gyfrifol am y canlynol:
- goruchwylio’r ymagwedd gorfforaethol tuag at reoli risg
- sicrhau creu a chynnal y cofrestri risg corfforaethol a dynamig
- arwain ar faterion Risg ar Fwrdd Gweithredol yr Heddlu.
Bydd yr Ymgynghorydd Rheoli Risg, drwy Fwrdd Gweithredol yr Heddlu, yn gyfrifol am y canlynol mewn perthynas â rheoli risg:
- creu cofrestri risg yr Heddlu
- cydlynu rheoli risg ar draws yr Heddlu, gan gynnwys lle mae cysylltiadau priodol â phartneriaid allanol a chyrff eraill
- sicrhau bod cyngor a hyfforddiant priodol ar reoli risg ar gael i bob swyddog ac aelod staff
- cefnogi arweinwyr maes busnes i sicrhau bod gweithdrefnau a chofnodion rheoli risg yn cael eu cynnal yn briodol, bod penderfyniadau’n cael eu cofnodi, a bod llwybrau archwilio clir yn bodoli er mwyn sicrhau didwylledd ac atebolrwydd
- monitro canlyniadau rheoliadau mewnol yr Heddlu drwy ddangosyddion allweddol
- adolygu’r adnoddau sydd angen i gyflenwi rheoli risg effeithiol
- datblygu arfer gorau ar reoli risg drwy gyfeirio at safonau rheoli risg, canllawiau cyhoeddedig a chymariaethau â sefydliadau eraill.
Mae’r Uwch Reolwr Llywodraethu a Newid yn gyfrifol am y polisi hwn.
Wrth gyflawni nodau ac amcanion y polisi hwn, bydd yr Heddlu’n gwneud y peth iawn yn y ffordd iawn ac yn cyd-fynd ag egwyddorion y Cod Moeseg –
- Dewrder
- Parch ac Empathi
- Gwasanaeth Cyhoeddus
- Gweithredu ac adolygu
Mewn ymgynghoriad â’r Uwch Reolwr Llywodraethu a Newid, bydd Ymgynghorydd Rheoli Parhad Busnes a Risg yr Heddlu’n monitro’r polisi, gan naill ai adrodd ei fod dal yn “addas ar gyfer y diben” neu’n cyflwyno drafft diwygiedig ar gyfer cymeradwyaeth Bwrdd Gweithredol yr Heddlu, i’w alluogi i ymgymryd ag adolygiad (gweler isod).
Bydd yr adolygiad ac unrhyw ddiwygiadau’n ystyried;
- Effeithlonrwydd y polisi, fel yr asesir gan Fwrdd Gweithredol yr Heddlu ac archwiliad mewnol/allanol
- Unrhyw newidiadau i ddeddfwriaethau/Canllawiau’r Swyddfa Gartref
- Heriau i’r polisi
- Unrhyw eitemau aneffeithlon mewn perthynas â gweithredu a nodwyd
Bydd y polisi’n cael ei adolygu’n ffurfiol gan yr Uwch Reolwr Llywodraethu a Newid, o fewn amserlenni a gyhoeddwyd ar gyfer polisïau’r Heddlu.
COD MOESEG - TYSTYSGRIF GYDYMFFURFIO
Mae'r polisi hwn wedi'i ddrafftio yn unol â'r Coed Moeseg ac fe'i hadolygwyd ar sail ei gynnwys a'r dystiolaeth ategol a bernir ei fod yn cydymffurfio â'r Cod hwnnw a'r egwyddorion sy'n sail iddo.
TYSTYSGRIF GYDYMFFURFIO'R DDEDDF HAWLIAU DYNOL
Mae'r polisi hwn wedi'i ddrafftio yn unol â'r Ddeddf Hawliau Dynol ac fe'i hadolygwyd ar sail ei gynnwys a'r dystiolaeth ategol a bernir ei fod yn cydymffurfio â'r Ddeddf honno a'r egwyddorion sy'n sail iddi.
ASESIAD O'R EFFAITH AR GYDRADDOLDEB
Mae adran 4 o Ddeddf Cydraddoldeb 2010 yn nodi'r nodweddion gwarchodedig sy'n gymwys i'w gwarchod o dan y Ddeddf fel a ganlyn: Oedran; Anabledd; Ailbennu Rhywedd; Priodas a Phartneriaeth Sifil; Beichiogrwydd a Mamolaeth; Hil; Crefydd neu Gred; Rhyw; Cyfeiriadedd Rhywiol.
Mae dyletswydd cydraddoldeb y sector cyhoeddus yn gosod gofyniad cyfreithiol rhagweithiol ar gyrff cyhoeddus i ystyried, wrth arfer eu swyddogaethau, yr angen i:
- ddileu gwahaniaethu, aflonyddu, erledigaeth, ac unrhyw ymddygiad arall sy'n anghyfreithlon o dan y Ddeddf;
- hyrwyddo cyfle cyfartal rhwng unigolion sy'n rhannu nodwedd warchodedig berthnasol ac unigolion nad ydynt yn ei rhannu;
- meithrin perthnasoedd da rhwng unigolion sy'n rhannu nodwedd warchodedig berthnasol ac unigolion nad ydynt yn ei rhannu.
Mae'r ddyletswydd cydraddoldeb yn berthnasol i'r holl nodweddion gwarchodedig ac eithrio Priodas a Phartneriaeth Sifil: dim ond y ddyletswydd i ystyried yr angen i ddileu gwahaniaethu sy’n berthnasol i’r nodwedd hon.
Mae cynnal asesiad o effaith ar gydraddoldeb yn cynnwys asesu'n systematig effeithiau tebygol neu wirioneddol polisïau ar bobl mewn perthynas â'r holl nodweddion gwarchodedig a nodir uchod.
Dylid cynnal asesiad o effaith ar gydraddoldeb ar unrhyw bolisi sy'n berthnasol i ddyletswydd cydraddoldeb y sector cyhoeddus.
CWBLHAWYD ASESIAD O'R EFFAITH AR GYDRADDOLDEB: Tachwedd 2025