Gwasanaeth Cam-drin Domestig Sir Benfro

Partneriaeth o ddau sefydliad cam-drin domestig arbenigol wedi’u hen sefydlu, sef Gwasanaeth Trais Domestig Calan a Threshold DAS, sydd â dros 110 o flynyddoedd o brofiad rhyngddyn nhw o fewn y Sector Trais yn Erbyn Menywod, Cam-drin Domestig a Thrais Rhywiol, yw Gwasanaeth Cam-drin Domestig Sir Benfro. Mae Gwasanaeth Cam-drin Domestig Sir Benfro wedi ymrwymo i sicrhau bod pob defnyddiwr gwasanaeth wedi’i rymuso i arfer y rheolaeth/dewis mwyaf posibl dros eu bywydau a’r cymorth maen nhw’n derbyn. Arweinir y gwasanaeth a hysbysir gan drawma gan anghenion a dymuniadau dioddefwyr/goroeswyr, a sicrheir bod diogelwch a dealltwriaeth o risg o’r pwys pennaf. Mae’r gwasanaeth yn cefnogi dioddefwyr, goroeswyr a throseddwyr (cymuned yn unig) â lefelau angen amrywiol, gan gynnwys y rhai sydd ag anghenion uwch a mwy cymhleth. Mae hyn yn cynnwys:

• Rhoi cyngor, gwybodaeth, arweiniad, cymorth ymarferol a chymorth emosiynol.
• Cynnal Asesiad (anghenion a risg).
• Cyflwyno cymorth unigol wedi’i deilwra.
• Darparu cymorth addysgol wedi’i deilwra.
• Cyflwyno cymorth un-i-un, yn seiliedig ar asesiad o anghenion.
• Cyflenwi rhaglenni gwaith grŵp.
• Darparu llwyfan ar gyfer cymorth cymheiriaid.
• Cyfeirio at weithgareddau cadarnhaol priodol.

Yn ogystal, mae Gwasanaeth Cam-drin Domestig Sir Benfro’n cyflwyno amrediad o raglenni, ymyriadau a gwasanaethau cymorth cam-drin/trais domestig arbenigol ychwanegol, a fydd yn cefnogi’r rhai sy’n defnyddio ein llety a chymorth cymunedol ymhellach. Mae’r rhain yn cynnwys:

• Y Rhaglen Rhyddid/Llais/Own My Life – rhaglenni adfer ar gyfer benywod.
• Y Rhaglen Cwmpawd – rhaglen adfer ar gyfer dioddefwyr gwrywaidd.
• Myriad – Rhaglen adfer ar gyfer dioddefwyr LHDTC+.
• Cymorth arbenigol ar gyfer plant a phobl ifainc.
• Addysg a hyfforddiant ar gyfer defnyddwyr gwasanaeth, cymunedau, asiantaethau a gweithwyr proffesiynol.
• Rhaglenni troseddwyr.
• Cwnsela/cymorth trais rhywiol.

Cysylltu 

https://www.calandvs.org.uk

[email protected]