Rhaglen Gwirfoddolwyr Rhithwyr

Yn Heddlu Dyfed-Powys, ry’n ni wedi partneru â myfyrwyr ym Mhrifysgol De Cymru i roi cyfle iddynt ymgysylltu ar-lein drwy Wirfoddolwyr Rhithwir. Mae’r myfyrwyr yn cael mynediad at wybodaeth sy’n ymwneud â phroblemau trosedd drwy safle mewnrwyd gyrfaoedd y brifysgol. Gofynnir iddynt ymchwilio i’r problemau a mynd i’r afael â sawl cwestiwn cymhleth a heriol drwy argymell datrysiadau arloesol a chreadigol. Gan fod y myfyrwyr yn ymgysylltu â ni drwy dudalen y brifysgol (ac nid yw’r wybodaeth maen nhw’n cael mynediad iddi’n gyfrinachol neu wedi’i chyfyngu), mae’n dileu’r gofyniad ar gyfer cynefino, fetio neu hyfforddi.

Mae argymhellion y myfyrwyr yn cael eu sgrinio gan staff academaidd a’r brifysgol sydd â chefndir proffesiynol ac ysgolheigaidd mewn plismona. Mae hyn yn golygu mai dim ond datrysiadau a fydd yn ein helpu bydd yn cael eu cyflwyno i’r heddlu. Bydd pob myfyriwr sy’n cyflwyno awgrym, waeth pa mor ddefnyddiol neu deilwng ydyw, yn derbyn llythyr o werthfawrogiad gan y Prif Gwnstabl yn diolch iddynt am wirfoddoli eu hamser.

Un o’r problemau a gyflwynwyd oedd ‘Mulod Arian’, lle’r oedd myfyrwyr o Tsieina’n arbennig o agored i gael eu gorfodi i ganiatáu i grwpiau troseddu trefnedig gael mynediad i’w cyfrifon banc Prydeinig. Mae’r ‘Mulod Arian’, ac weithiau aelodau o’r teulu, wedi wynebu bygythiadau a thrais. Roedd yr heddlu eisiau rhybuddio myfyrwyr rhyngwladol am hyn, ond nid oedd dulliau traddodiadol, megis darlithoedd neu daflenni cyngor, yn effeithiol. Cyflwynodd myfyrwyr eu syniadau ar sut i ddatrys y broblem.