Cyhuddo dyn o feddu ar gocên a heroin â bwriad i gyflenwi yn Llanelli

Mae dyn wedi’i gyhuddo o feddu ar gocên a heroin â bwriad i gyflenwi yn Llanelli.

Cynhaliodd Heddlu Dyfed-Powys warant mewn cartref yn Rhes Seion ychydig ar ôl 6 o’r gloch nos Iau 29 Ebrill.

Roedd Mohamed Abdinasir Mohamed yn yr eiddo, lle y daeth swyddogion o hyd i 52 lapiad o heroin a chrac cocên, ynghyd â swm mawr o arian.

Atafaelwyd cyllell fawr steil ‘rambo’ o’r eiddo hefyd. Arestiwyd y dyn 20 oed o Lundain ac aed ag ef i ddalfa’r heddlu am gyfweliad.

Heddiw (dydd Gwener 30 Ebrill), cyhuddodd swyddogion ef o feddu ar gyffuriau dosbarth A â bwriad i gyflenwi. Y mae wedi’i gadw yn y ddalfa, a bydd yn ymddangos yn Llys Ynadon Llanelli fory.

Dywedodd y Ditectif Arolygydd Rhys Jones: “Mae’n dda gennym dynnu sylw at warant arall, sydd wedi arwain at dynnu llawer iawn o gyffuriau dosbarth A allan o’r gadwyn gyflenwi yn Sir Gaerfyrddin.

“Ni fyddwn yn dioddef y defnydd o’r sylweddau dinistriol hyn yn ein cymunedau, a byddwn ni’n parhau i weithredu pan fydd gennym wybodaeth bod cyffuriau’n dod i mewn i’n hardal.”