Apêl am wybodaeth ar ôl i ddyn gael ei gyhuddo o gyflawni llofruddiaeth yn Noc Penfro
Cynnwys y prif erthygl
Yr ydym yn apelio am wybodaeth yn dilyn marwolaeth dynes 68 oed o Ddoc Penfro. Daethpwyd o hyd i gorff Judith Rhead mewn eiddo ar Stryd y Farchnad ddydd Sadwrn 20 Chwefror.
Mae Dale Morgan, 43 oed, wedi’i gyhuddo o’i llofruddio, a heddiw (dydd Iau 25 Chwefror), fe’i cadwyd yn y ddalfa.
Bydd yn ymddangos yn Llys y Goron Abertawe fory.
Yr ydym wedi sefydlu porthol ar-lein lle gall y cyhoedd rannu unrhyw wybodaeth maen nhw’n teimlo y gallai helpu ymchwilwyr â’u hymholiadau.
Yn benodol, hoffem glywed gan unrhyw un a welodd Judith, neu a siaradodd gyda hi, rhwng Tachwedd 2020 a Chwefror 2021.
Hoffem siarad hefyd gydag unrhyw un sydd â gwybodaeth am symudiadau Dale Morgan ar 19 neu 20 Chwefror, neu sy’n credu bod ganddynt wybodaeth arall a allai gynorthwyo’r ymchwiliad.
Er mwyn rhannu gwybodaeth drwy’r porthol, galwch heibio i bit.ly/JudithRheadAppeal.
Fel arall, cewch gysylltu â ni drwy anfon ebost at [email protected], neu drwy alw 101.
Diweddariad blaenorol:
Rydyn ni gallu cadarnhau bod Dale Morgan, 43 oed, wedi ei gyhuddo o gyflawni llofruddiaeth Judith Rhead, 68 oed, ar ôl iddi gael ei ddarganfod mewn tŷ yn Noc Penfro, ar ddydd Sadwrn 20 Chwefror 2021.
Bydd e’n ymddangos yn Llys Ynadon Llanelli heddiw (Dydd Iau, Chwefror 25).