Apêl Wythnos Ers i Andrew Davies o Lanelli Fynd Ar Goll

Mae’r heddlu’n parhau i chwilio am Andrew Davies o Lanelli, sydd wedi bod ar goll ers wythnos.

Gwelwyd Andrew ddiwethaf nos Sul 4 Gorffennaf yn gwisgo crys T llwyd, jîns glas ac esgidiau cerdded.

Cipiwyd delwedd newydd o Andrew, yn cerdded ger Parc Dŵr Sandy, tua 7.23 o’r gloch y nos Sul yr aeth ar goll. Nid yw wedi’i weld ers hynny, ac nid ydyw wedi bod mewn cysylltiad â’i deulu na’i ffrindiau.

Yr ydym yn gofyn i bobl wirio siediau, garejys ac adeiladau allanol yn yr ardal rhag ofn ei fod wedi ceisio cysgod ynddynt.

Dywedodd yr Arolygydd Mark Davies: “Mae wythnos wedi mynd heibio ers i Andrew fynd ar goll, ac yn amlwg, mae ei deulu’n gynyddol bryderus. Byddwn yn apelio ar i unrhyw un sydd wedi gweld Andrew, neu rywun sy’n ateb y disgrifiad ohono, i gysylltu â ni’n syth.

“Byddwn yn apelio’n arbennig ar i bobl yn ardal Parc Dŵr Sandy i wirio unrhyw adeiladau allanol rhag ofn ei fod wedi ceisio cysgod, a byddwn yn gofyn i bobl â theledu cylch cyfyng yn yr ardal honno i’w wirio. Os oedd unrhyw un yn gyrru yn yr ardal honno yn ystod yr wythnos diwethaf ac yn defnyddio camera dangosfwrdd, gofynnaf iddynt edrych ar hwnnw hefyd.”

Os ydych chi wedi gweld Andrew, neu os oes gennych wybodaeth a allai’n helpu i ddod o hyd iddo, cysylltwch â ni drwy un o’r dulliau canlynol os gwelwch chi’n dda:

Ar-lein:  https://www.dyfed-powys.police.uk/cy-GB/cysylltu-a-ni/af/cysylltu-a-ni/

E-bost: [email protected]

Ffôn: 101

Os ydych chi’n fyddar, yn drwm eich clyw, neu â nam ar eich lleferydd, anfonwch neges destun at y rhif difrys 07811 311 908.

Dyfynnwch y cyfeirnod: 150 4 Gorffennaf