APÊL | Chwilio am dystion yn dilyn gwrthdrawiad angheuol dwbl ar yr A40 yn Sir Gaerfyrddin
Cynnwys y prif erthygl
Yr ydym yn apelio am dystion neu unrhyw un sydd â darn ffilm camera cerbyd sy’n medru helpu ein hymchwiliad i wrthdrawiad difrifol ar yr A40 ger Llandeilo tua 12.20 o’r gloch brynhawn ddydd Iau 8 Gorffennaf.
Bu dau gerbyd, sef lori Daf werdd a wagen godi Ford Transit wen, yn gysylltiedig â gwrthdrawiad ben-ben ger The Cottage Inn.
Yn drist, bu farw’r ddau yrrwr, sef dynion 62 a 40 oed. Mae eu perthnasau agosaf yn ymwybodol ac yn cael eu cefnogi gan swyddogion arbenigol.
Cludwyd merch ifanc, a oedd yn teithio yn y lori, i’r ysbyty mewn hofrennydd er mwyn bod yn ddiogel. Canfu ei bod ond wedi dioddef mân anaf.
Roedd y ffordd ar gau am sawl awr. Cafodd ei hailagor tua 10 o’r gloch y noson honno.
Gofynnir i unrhyw un sydd â gwybodaeth a allai helpu swyddogion â’u hymchwiliad, gan gynnwys unrhyw ddarn ffilm camera cerbyd o’r naill gerbyd neu’r llall cyn neu yn ystod y gwrthdrawiad, i roi gwybod inni FAN HYN, drwy anfon ebost at [email protected], neu drwy alw 101.
Os ydych chi’n fyddar, yn drwm eich clyw, neu â nam ar eich lleferydd, anfonwch neges destun at y rhif difrys 07811 311 908. Dyfynnwch y cyfeirnod: DP-20210708-144.
Fel arall, cysylltwch â’r elusen annibynnol Taclo’r Tacle yn ddienw ar 0800 555111, neu drwy alw heibio i crimestoppers-uk.org.