Apêl gan yr heddlu yn dilyn gwrthdrawiad traffig y ffyrdd angheuol yn Sir Benfro

Mae Heddlu Dyfed-Powys yn ymchwilio i wrthdrawiad traffig y ffyrdd angheuol a ddigwyddodd ar y B4341 rhwng Hwlffordd ac Aberllydan tua 8.25 o’r gloch nos Sul 13 Mehefin 2021.

Credir mai’r cerbydau cysylltiedig oedd Citroen C1 glas, Ford Ka gwyn a Seat Ibiza gwyn.

Yn drist, bu farw ddynes a oedd yn y car Ford Ka gwyn yn y fan a’r lle. Mae ei pherthnasau agosaf wedi cael gwybodaeth ac mae swyddogion arbenigol yn eu cefnogi.

Aed â dau ddyn a dynes a ddioddefodd anafiadau difrifol i’r ysbyty.

Caewyd y ffordd ac fe’i hail agorwyd am 10 o’r gloch fore heddiw, 14 Mehefin 2021.

Gofynnir i unrhyw un sydd â gwybodaeth a allai helpu swyddogion â’u hymchwiliad, neu unrhyw un a oedd yn teithio ar hyd y ffordd ar yr adeg berthnasol sydd â ffilm camera cerbyd, i gysylltu â Heddlu Dyfed-Powys

ar-lein ar https://www.dyfed-powys.police.uk/cy-GB/cysylltu-a-ni/af/cysylltu-a-ni/,

drwy anfon ebost at [email protected],

neu drwy alw 101.

Os ydych chi’n fyddar, yn drwm eich clyw, neu â nam ar eich lleferydd, anfonwch neges destun at y rhif difrys 07811 311 908.

Dyfynnwch gyfeirnod: DP-20210613-400.