Mwy o ddynion wedi eu cyhuddo yn dilyn ymchwiliad yr heddlu yn y Trallwng

Mae pum dyn arall wedi eu cyhuddo mewn cysylltiad â’n hymchwiliad cyfredol i fasnacha cyffuriau yn y Trallwng.

Mae Kane Glyn Bastable (24), Kuldeep Sahota (35), Gavin Andrew Tony Warley (28) a Joshua Large (22) o ardal Wolverhampton wedi eu cyhuddo o gynllwynio i gyflenwi cyffur dosbarth A ac wedi eu remandio i’r llys yn Llandudno heddiw (dydd Gwener, Mehefin 25).

Cawsant eu harestio yn Wolverhampton ar ddydd Mercher, Mehefin 23 yn dilyn gwarantau gan yr heddlu mewn cysylltiad â’r ymgyrch yn Leighton Arches a gyflawnwyd ar ddydd Llun, Mehefin 21.

Mae Martin John Gallagher (35) o’r Trallwng wedi ei gyhuddo o gynllwynio i gyflenwi cocên a chanabis, a hefyd wedi ei remandio i’r llys yn Llandudno heddiw.

Ymddangosodd Sheldon Terrence Kay (24) o Drefyclo, Michael Power (19), John Paul Power (25), a Patrick David Stokes (32) o’r Trallwng, yn y llys rhwng Mehefin 23 a 24 ac maent wedi eu cadw yn y ddalfa.

Meddai’r Ditectif Arolygydd Richard Lewis: “Mae gweithredu’r wythnos hon wedi arwain at 11 o bobl yn cael eu harestio a naw o’r rhai hynny’n cael eu cyhuddo o gynllwynio i gyflenwi cyffuriau. Rydym hefyd wedi atafaelu swm sylweddol o gyffuriau.

“Cyflawnwyd yr ymgyrch hon fel rhan o’n hymrwymiad i ddileu’r risg a achosir gan sylweddau anghyfreithilon yn ein cymunedau. Byddwn yn annog unrhyw yn sydd â phryderon ynghylch gweithgarwch troseddol yn ymwneud â chyffuriau i gysylltu â ni.”