Cadarnhau mai corff dynes goll o Sir Gaerfyrddin y daethpwyd o hyd iddo ar draeth

Gall Heddlu Dyfed-Powys gadarnhau bod corff y daethpwyd o hyd iddo ar draeth ger Solfach yn Sir Benfro ar 13 Mawrth wedi’i adnabod fel y ddynes goll Susan Smith.

Roedd y ddynes 63 oed wedi bod ar goll ers dydd Sadwrn 27 Chwefror. Fe’i gwelwyd diwethaf yn ardal Glan-y-fferi, Sir Gaerfyrddin.

Nid yw ei marwolaeth yn cael ei drin fel un amheus.

Mae teulu Susan wedi cyhoeddi’r deyrnged isod er cof amdani.

“Ar 27 Chwefror, chwalwyd ein byd â’r newyddion ofnadwy bod ein hannwyl Su ar goll, a nawr, er tristwch mawr, yr ydym yn cyhoeddi marwolaeth ein hyfryd Su,” meddent.

“Roedd Su yn chwaer, yn fodryb ac yn chwaer yng nghyfraith, a bennaf oll roedd hi'n fenyw anhygoel ac roedden ni mor falch ohoni.

“Mae hi wedi cael ei chymryd oddi wrthym yn llawer rhy fuan - mae ei marwolaeth wedi digwydd mor sydyn ac wedi bod yn sioc enfawr.

“Bydd twll yn ein calonnau a’n bywydau na fyth byth yn cael ei lenwi. Rhannom atgofion hyfryd llawn cariad a chwerthin y byddwn yn eu trysori am byth."

“Gofynnwn yn garedig am breifatrwydd yn ystod y cyfnod hwn fel ein bod ni’n medru galaru fel teulu a chofio’r blynyddoedd bendigedig a gawsom gyda Su.”