CHWILIO AM UNIGOLYN COLL | Apêl i chwilio mewn adeiladau allanol a gwirio camerâu diogelwch

Yr ydym yn parhau i chwilio am Susan Smith, sydd ar goll.

Gwelwyd Susan ddiwethaf am 1.30 o’r gloch brynhawn ddydd Sadwrn 27 Chwefror 2021, yn cerdded ym Mhentref Gwyliau Bae Caerfyrddin yn ardal Cydweli. Mae hi’n cerdded ar hyd y traeth yn aml rhwng Llanismel a Glan-y-fferi.

Mae hi tua 5’2″, o gorffolaeth fach ac mae ganddi wallt golau at ei hysgwyddau. Credir ei bod hi’n gwisgo jîns du, siaced gnu ddu ac esgidiau cerdded glas tywyll a llwyd.

Dywedodd y Rhingyll Jess Jones: “Yr ydym yn parhau i chwilio heddiw gyda chymorth Gwasanaeth Tân ac Achub Canolbarth a Gorllewin Cymru, sy’n chwilio’r aber. Bydd y gymuned hefyd yn gweld swyddogion heddlu arbenigol yn cynnal ymholiadau o dŷ i dŷ.

“Yr ydym yn gofyn i breswylwyr Cydweli, Llanismel, Glan-y-fferi a’r cyffiniau i edrych mewn unrhyw adeilad allanol neu sied rhag ofn ei bod hi wedi ceisio lloches. Yr ydym hefyd yn gofyn i’r cyhoedd wirio ac adolygu eu camerâu TCC preifat, clychau drws fideo, peiriannau GoPro, darnau ffilm camera cerbyd neu unrhyw ffynhonnell fideo arall a allai ddangos Susan yn yr ardaloedd a nodir uchod neu’r cyffiniau rhwng 1.30y.h. a 10.00y.h. ddydd Sadwrn 27 Chwefror.”

Gofynnir i unrhyw un sydd wedi gweld Susan, neu unrhyw un sydd â gwybodaeth a allai helpu â’r chwiliad, i gysylltu â Heddlu Dyfed-Powys, gan ddyfynnu cyfeirnod 285 dydd Sadwrn 27 Chwefror.  

Gellir cysylltu â’r heddlu

ar-lein ar https://www.dyfed-powys.police.uk/cy-GB/cysylltu-a-ni/af/cysylltu-a-ni/,

drwy anfon e-bost at [email protected],

neu drwy alw 101.

Os ydych chi’n fyddar, yn drwm eich clyw, neu â nam ar eich lleferydd, anfonwch neges destun ar y rhif difrys 07811 311 908.