Yr heddlu’n apelio yn dilyn ymosodiad yn Llanelli

Mae Heddlu Dyfed-Powys yn ymchwilio i ymosodiad a ddigwyddodd yn ardal Clôs Dewi Sant a Llys Glan y Môr, Llanelli, rhywbryd rhwng 9 o’r gloch nos Sadwrn 10 Ebrill a 1.30 o’r gloch fore ddydd Sul 11 Ebrill 2021. Aed â dyn 45 oed i’r ysbyty ag anafiadau i’w wyneb. Mae swyddogion wedi cynnal pob ymholiad posibl, ac maen nhw nawr yn apelio am gymorth y cyhoedd. Hoffent adnabod y bobl yn y ddelwedd TCC, a allai fod â gwybodaeth a fydd o gymorth i’r ymchwiliad.

Os ydych chi’n adnabod yr unigolion hyn, neu’n credu mai chi sydd yn y llun, cysylltwch â Heddlu Dyfed-Powys ar-lein ar https://www.dyfed-powys.police.uk/cy-GB/cysylltu-a-ni/af/cysylltu-a-ni/, drwy anfon ebost at [email protected], neu drwy alw 101. Os ydych chi’n fyddar, yn drwm eich clyw, neu â nam ar eich lleferydd, anfonwch neges destun at y rhif difrys 07811 311 908. Dyfynnwch y cyfeirnod DPP/0006/11/04/2021/01/C