Arestiwyd pum dyn fel rhan o ymgyrch i fynd i’r afael â chyflenwi cyffuriau Dosbarth A

Ar ddydd Llun Medi 6, cyflawnodd swyddogion o Tarian, Uned Troseddau Cyfundrefnol Rhanbarthol de Cymru, gyda chefnogaeth swyddogion o Heddlu De Cymru a Heddlu Dyfed Powys, nifer o warantau mewn cyfeiriadau ar draws Caerdydd, Abertawe a Llanbedr Pont Steffan fel rhan o ymgyrch barhaus i fynd i’r afael â chyflenwi cyffuriau Dosbarth A yn ne Cymru.

Yn ystod chwiliadau casglodd swyddogion:

Tua £100,000 mewn arian parod

Tua 1000 planhigyn canabis

55kg o ganabis

1kg o gocên

Offer yn cynnwys peiriannau cyfri arian a chloriannau pwyso diwydiannol.

Arestiwyd pump o bobl ar amheuaeth o gynllwynio i gyflenwi cyffuriau Dosbarth A ac aethpwyd â hwy i orsaf heddlu Ffordd y Frenhines ym Mhen-y-bont ar Ogwr ar gyfer eu holi.

Maent yn cynnwys:

Dyn 37 oed o Ben-y-lan, Caerdydd

Dyn 33 oed o’r Rhath, Caerdydd

Dyn 49 oed o Gilcennin, Ceredigion

Dau ddyn 32 oed o Waunarlwydd, Abertawe

Gall unrhyw un sydd â gwybodaeth ynghylch cyflenwi cyffuriau gysylltu â Heddlu Dyfed Powys drwy’r dulliau canlynol: nail ai ar-lein ar: https://bit.ly/DPPContactOnline, drwy ebost [email protected], neu drwy ffonio 101.

Os ydych yn fyddar, yn drwm eich clyw, neu os oes gennych nam ar eich lleferydd anfonwch neges destun at y rhif difrys 07811 311908.

Fel arall, cysylltwch â’r elusen annibynnol Crimestoppers yn ddienw drwy ffonio 0800 555111, neu drwy fynd at crimestoppers-uk.org.