Datganiad ar y cyd Fforwm Dyfed-Powys Gydnerth

Ar y cyd, mae asiantaethau partner yn ardal Dyfed-Powys yn diolch i’r mwyafrif helaeth o fodurwyr yn yr ardal sy’n prynu tanwydd mewn modd cyfrifol a digynnwrf.

Rydym mewn cysylltiad gyda gorsafoedd tanwydd, sydd wedi cadarnhau nad oes unrhyw darfu ar gyflenwadau yn y mwyafrif o safleoedd, ac mae mwy na digon o stociau tanwydd ar draws yr ardal – er rydym wedi gweld nifer fach iawn o darfiadau dros dro mewn mannau ynysig. Ond yn sicr nid oes unrhyw achos pryder.

Os gwelwch yn dda, parhewch i brynu tanwydd mewn modd arferol a synhwyrol, a pheidiwch â ffurfio ciwiau a allai achosi rhwystrau diangen ar y ffyrdd i ddefnyddwyr y ffyrdd ac i gerddwyr.