Llwythau anghyffredin yn cael eu hebrwng at fferm wynt drwy gydol mis Medi

Rydym yn hebrwng llwythau anghyffredin drwy ogledd a chanolbarth Cymru i fferm wynt newydd ger Y Groes y mis hwn.

Bydd y llwythau’n teithio o Wrecsam unwaith bob diwrnod gwaith a chynghorir gyrwyr i fod yn ymwybodol o’u llwybr, a lle’n bosibl ei osgoi, er mwyn atal cael eu dal mewn oediadau.

Y llwybr yw’r A483, A5, A483, A489, A470, A4081, A483 a’r A44 i safle Fferm Wynt Hendy.

Bras amserau ar gyfer pob rhan o’r daith, sy’n ddibynnol ar nifer o ffactorau a allai achosi oedi neu newidiadau, yw:

1. Gadael A483 Wrecsam am 0930 – 1030
2. Cyrraedd y Trallwng am 1100 - 1200
3. Cyrraedd y Drenewydd am 1200 - 1300
4. Cyrraedd A470 Rhaeadr Gwy am 1345 - 1445
5. Cyrraedd Llandrindod am 1430 - 1530
6. Cyrraedd y safle A44 am 1500 – 1600

Meddai Rhingyll Uned Plismona Ffyrdd Aberhonddu, Matthew Thomas: “Mae’r amserlen yn nodi y bydd y confoiau wedi eu cwblhau ar ddydd Mawrth y 28ain o Fedi 2021, fodd bynnag mae’r 29ain o Fedi i’r 1af o Hydref yn ddiwrnodau wrth gefn rhag ofn na fydd y gwaith trosglwyddo wedi ei gwblhau.

“Mae tîm hebrwng yr heddlu’n gwneud pob peth y gallant i leihau unrhyw darfiadau ar y ffyrdd ac i gymunedau lleol. Rydym yn diolch iddynt am eu hamynedd a’u dealltwriaeth barhaus. Ein bwriad yw rhoi diweddariadau dyddiol rheolaidd ar y dudalen twitter @powysrpu.”