Dyn o Aberdaugleddau yn cael ei ddedfrydu am droseddau cyffuriau.

Mae Gareth James Mann, 46 oed, o Bunkers Hill, Aberdaugleddau wedi cael ei ddedfrydu i gyfanswm o 7 mlynedd yn y carchar.

Gweithredwyd gwarant chwilio Deddf Camddefnyddio Cyffuriau yng nghyfeiriad cartref Manns ar 17 Mawrth 2022, lle canfuwyd bod ganddo gyffuriau rheoledig gan gynnwys Heroin, Cocên, Canabis, Morffin, Pregabalin, Buprenorphine a Diazepam gyda gwerth stryd gyda’i gilydd o hyd at £3,660. Roedd £3,430 o arian parod yn ei feddiant hefyd.

Cafodd ei arestio a’i gyhuddo’n ddiweddarach o ddau gyfrif o feddu gyda’r bwriad o gyflenwi cyffuriau Dosbarth A (heroin a chocên) ac o fod ag eiddo troseddol yn ei feddiant.

Ymddangosodd Mann yn Llys Ynadon Llanelli ddydd Gwener, 18 Mawrth lle plediodd yn ddieuog. Cafodd ei gadw yn y ddalfa i ymddangos yn Llys y Goron Abertawe ar 15 Ebrill.

Yn dilyn achos llys o 6 diwrnod cafwyd Mann yn euog o bob cyhuddiad trwy reithfarn fwyafrifol ddydd Llun 15 Awst 2022 a'i ddedfrydu i gyfanswm o 7 mlynedd dan glo.

Meddai DS Vinny Barrett

“Mae mynd i’r afael â chyflenwi cyffuriau anghyfreithlon yn flaenoriaeth i’r heddlu yn Sir Benfro ac ni fydd y dioddefaint a achosir i gymunedau lleol gan gyffuriau anghyfreithlon yn cael ei oddef.

“Mae gennym ymagwedd gadarnhaol at dargedu’r rhai sy’n cyflenwi cyffuriau anghyfreithlon, a byddwn yn annog unrhyw un sydd â gwybodaeth am gamddefnyddio cyffuriau i gysylltu â’r heddlu.

“Byddwn yn gweithredu ar y wybodaeth hon a bydd yn ein helpu i atal y cyflenwad o gyffuriau anghyfreithlon a’r troseddu a all fod yn gysylltiedig â nhw.”

I roi gwybod am ymddygiad amheus yn eich cymuned, ewch i https://bit.ly/DPPContactOnline, e-bostiwch [email protected], neu ffoniwch 101.

Os ydych yn fyddar, yn drwm eich clyw, neu â nam ar eich lleferydd, anfonwch neges destun at y rhif difrys, sef 07811 311 908.

Fel arall, cysylltwch â’r elusen annibynnol Crimestoppers yn ddienw ar 0800 555111, neu ewch i www.crimestoppers-uk.org.